လူမျိုးရေးခွဲခြားသူများကို ပညာပေးသည့် လှုပ်ရှားမှုတစ်ခုကို ဂျာမနီ စူပါမားကတ်က ပြုလုပ်

သြဂုတ် ၂၄၊ ၂၀၁၇
M-Media

ဟမ်းဘတ်ရှိ Edeka စူပါမားကတ်

– လူမျိုးရေးခွဲခြားမှု၏ ဆိုးကျိုးနှင့် မတူကွဲပြားမှု၏ အရေးကြီးပုံတို့ကို မီးမောင်းထိုးပြရန်အတွက် ဂျာမနီရှိ အကြီးဆုံး စူပါမားကတ်တစ်ခုမှာ ၎င်းဆိုင်ရှိ နိုင်ငံခြားဖြစ်ပစ္စည်းများအားလုံးကို ဖယ်ရှားခဲ့ပြီး လူမျိုးရေးခွဲခြားမှု ဆန့်ကျင်သည့် သတင်းစကားများဖြင့် အစားထိုးခဲ့သည်ဟု သိရသည်။

ဟမ်းဘတ်မြို့ရှိ Edeka စူပါမားကတ်တွင် ထိုကဲ့သို့ ဆောင်ရွက်ခဲ့ခြင်းဖြစ်ပြီး နိုင်ငံတစ်ဝှမ်းရှိ ၎င်းတို့၏ အခြား ကုန်တိုက်များတွင်လည်း ထိုကဲ့သို့ ဆောင်ရွက်သွားရန် ရှိနေသည်။

ဈေးဝယ်သူများမှာ ကုန်တိုက်အတွင်းရှိ စင်များအားလုံးနီးပါး ဟာလာဟင်းလင်းဖြစ်နေသည်ကို တွေ့ရှိရသောကြောင့် အံ့သြသွားခဲ့ပြီး ၎င်းတို့၏ နေ့စဉ်လိုအပ်ချက်များအတွက် အခြားသော တိုင်းပြည်များအပေါ် မှီခိုနေရသည်ကိုလည်း သတိပြုမိခဲ့သည်။

ကုန်ပစ္စည်းများအစား “မတူကွဲပြားမှုမရှိရင် ဒီစင်က တော်တော်ပျင်းဖို့ကောင်းမှာပဲ” “မတူညီတဲ့တိုင်းပြည်တွေရဲ့ တာသွားမှုကို အခုတော့ သိသွားပြီ” “နိုင်ငံခြားသားတွေ မရှိရင် ဒီလို ဟာလာဟင်းလင်း ဖြစ်နေမှာပဲ” “မတူကွဲပြားမှုသာမရှိရင် ငါတို့တွေ ဒုက္ခရောက်မှာ” စသည့် ဆိုင်းဘုတ်များကို စူပါမားကတ်က ဖော်
ပြထားသည်။

Edeka ၏ ထိုလှုပ်ရှားမှုမှာ ဂျာမန်ပြည်သူများအကြား မတူညီသော တုန့်ပြန်မှုများကို ဖြစ်စေပြီး ထိုလုပ်ရပ်၏ တာသွားမှုအတွက် ချီးကျူးသူများ ရှိခဲ့သည်။

ခရစ်ယာန် ဒီမိုကရက်တစ်ယူနီယံပါတီ ဒုတိယဥက္ကဌ ဂျူလီယာ ကလော့က်နာက ထိုလုပ်ရပ်မှာ ပညာသားပါသည့် ဆောင်ရွက်ချက်ဖြစ်ပြီး တစ်ချို့သောသူများကို အတွေးတစ်စ ထည့်ပေးလိုက်ခြင်းဖြစ်သည်ဟု ပြောကြားခဲ့သည်။

သို့သော်လည်း လာမည့်လ အထွေထွေရွေးကောက်ပွဲရှိနေချိန် နိုင်ငံရေးအနေအထားကို အသုံးချ၍ ဈေးကွက်မြှင့်တင်ရေး လုပ်ဆောင်ခြင်းဖြစ်သည်ဟု ပြောကြားမှုများလည်း ရှိနေသည်။

ပြောင်းရွှေ့အခြေချသူ ဆန့်ကျင်ရေး Alternative for Germany (AfD) ပါတီမှ မားကက်ဇ် ပရက်ဇဲလ်က ထိုသို့ဆောင်ရွက်ခြင်းမှာ ဉာဏ်သွားခြင်းမဟုတ်ဘဲ ရူးနှမ်းခြင်းသာဖြစ်သည်ဟု ပြောကြားခဲ့သည်။

ဆီးရီးယားပြည်တွင်းစစ်ကြောင့် ထွက်ပြေးလာရသည့် ဒုက္ခသည် ၁ သန်းကို လက်ခံရန် ၀န်ကြီးချုပ် အိန်ဂျလာမာကဲလ်က ၂၀၁၅ ခုနှစ်တွင် ဆုံးဖြတ်ခဲ့ပြီးနောက်ပိုင်း လက်ရှိ ဂျာမနီနိုင်ငံရေးနယ်ပယ်၏ အဓိက အာရုံစိုက်မှုမှာ ပြောင်းရွှေ့အခြေချမှုပြဿနာ ဖြစ်နေသည်။

Edeka ကုမ္ပဏီမှ ပြောရေးဆိုခွင့်ရှိသူတစ်ဦးက မိမိတို့မှာ မတူကွဲပြားမှုဘက်မှ ရပ်တည်ပြီး၊ ဂျာမနီရှိ ဒေသအသီးသီးမှ ထွက်သော ကုန်ပစ္စည်းများကိုလည်း ရောင်းချကြောင်း ပြောကြားခဲ့သည်။

“ဒါပေမယ့် တစ်ခြားတိုင်းပြည်တွေက ထွက်ကုန်တွေ ပါမှသာ အမယ်စုံကို ဖြစ်စေတာပါ။ ဒါဟာ ကျွန်တော်တို့ရဲ့ စားသုံးကုန်အပေါ်ထားတဲ့ တန်ဖိုးပါပဲ။ ကျွန်တော်တို့ရဲ့ လှုပ်ရှားမှုက အပြုသဘောဆောင်တဲ့ တုန့်ပြန်မှုတွေ ရရှိတဲ့အတွက် ကျေနပ် ပီတိဖြစ်ရပါတယ်”

Ref: Independent