တက္ကဆက်ကို ၀င်နေသည့် ဟာရီကိန်း ဟာဗီးကြောင့် လူအသေအပျောက်ရှိလာ

သြဂုတ် ၂၇၊ ၂၀၁၇
M-Media

ဟူစတန်မြို့တွင်း မြင်ကွင်းတစ်ခု

– အမေရိကန်ပြည်ထောင်စု တက္ကဆက်ပြည်နယ်တွင် ဟာရီကိန်းမုန်တိုင်း ဟာဗီး တိုက်ခတ်မှုကြောင့် လူပေါင်း ၁၀၀၀ ကျော်ကို ဘေးလွတ်ရာသို့ ရွှေ့ပြောင်းကယ်ဆယ်ထားရသည်ဟု သိရသည်။

အမေရိကန်တွင် လူနေအထူထပ်ဆုံး မြို့များမှ တစ်မြို့ဖြစ်သည့် ဟူစတန်မြို့တွင် မုန်တိုင်းကြောင့် သေဆုံးဒဏ်ရာရသူ ၅ ဦးရှိသည်ဟု သတင်းများထွက်ပေါ်နေပြီး၊ ရေအလွန်ကြီးနေသောကြောင့် စိုးရိမ်စရော ကောင်းနေသည်ဟု အုပ်ချုပ်ရေးမှူး ဂရက်ဂ်ျ အဘော့တ်က ပြောကြားခဲ့သည်။

ဂါလ်ဗက်စတန်မြို့တွင်လည်း ရေကြီးရေလျှံမှုများ ဖြစ်ပွားနေပြီး မုန်တိုင်ကြောင့် သေဆုံးသူ ၂ ဦး ရှိနေသည်။

လေပြင်းတိုက်ခတ်နေပြီး ဓာတ်အားပြတ်တောက်မှုများကြောင့် ကယ်ဆယ်ရေးလုပ်ငန်းများမှာ နှောင့်နှေးမှုများနှင့် ကြုံတွေ့နေရပြီး ဟူစတန်ရှိ အမေရိကန် ကမ်းခြေစောင့်တပ်ဖွဲ့ကလည်း ပြည်သူများကို ကူညီရန်အတွက် ရဟတ်ယာဉ်များကို ထပ်မံ တောင်းဆိုထားသည်။

ဟာရီကိန်းဟာဗီးမှာ ၂၀၀၄ ခုနှစ် သြဂုတ်လနောက်ပိုင်း အမေရိကန်တွင် အပြင်းဆုံးမုန်တိုင်းဖြစ်ပြီး တက္ကဆက်ပြည်နယ်တွင် လူပေါင်း ၃၄ ဦး သေဆုံးခဲ့သည့် ၁၉၆၁ ခုနှစ်နောက်ပိုင်း အဆိုးရွားဆုံး မုန်တိုင်းလည်းဖြစ်သည်။

Ref: BBC