အမေရိကန်ရေတပ်မှ ပျောက်ဆုံး ရေတပ်သား ၁၀ ဦး၏ အလောင်းများကို တွေ့ရှိ

သြဂုတ် ၂၈၊ ၂၀၁၇
M-Media

– ပြီးခဲ့သည့်တစ်ပတ်က စင်ကာပူနှင့် မလေးရှားရေပိုင်နက်အနီး ဆီတင်သင်္ဘောတစ်စီးနှင့် တိုက်မိခဲ့သည့် အမေရိကန်ဖျက်သင်္ဘောမှ ပျောက်ဆုံးသွားသည့် စစ်သား ၁၀ ဦးစလုံး၏ ရုပ်အလောင်းများကို ရှာဖွေတွေ့ရှိခဲ့ပြီဟု အမေရိကန်ရေတပ်က ကြေငြာခဲ့သည်။

USS John S.McCain သင်္ဘောဖြစ်ပြီး အမေရိကန် ရေတပ်နှင့် မရိန်းတပ်ဖွဲ့များမှ ရေငုပ်သမားများမှာ ရေ၀င်နေသော သင်္ဘောအခန်းများတွင် တစ်ပတ်ကြာရှာဖွေမှု ပြုလုပ်ခဲ့ပြီး ယခုကဲ့သို့ ပျောက်ဆုံးသင်္ဘောသားအားလုံး၏ အလောင်းများကို တွေ့ရှိခဲ့ခြင်းဖြစ်သည်။

သေဆုံးသွားသူ စစ်သားများမှာ အသက် ၂၀ မှ ၃၉ နှစ်အတွင်း ရှိကြသည်။

“တိုက်မိတဲ့ အကြောင်းအရင်းတွေ၊ အဖြစ်အပျက်တွေကို ဖော်ထုတ်နိုင်ဖို့အတွက် ဒီအဖြစ်အပျက်ကို စုံစမ်းစစ်ဆေးမှု ပြုလုပ်နေပါတယ်” ဟု အမေရိကန်ရေတပ်မှ ထုတ်ပြန်သည့် ကြေငြာချက်တွင် ဖော်ပြထားသည်။

စင်ကာပူဆိပ်ကမ်းတွင် ဆိုက်ကပ်ရန် မောင်းနှင်လာသည့် USS John S.McCain သင်္ဘောမှာ အရုဏ်တက်ချိန်တွင် ဆီတင်သင်္ဘော Alnic MC နှင့် တိုက်မိခဲ့ခြင်းဖြစ်ပြီး ထိုအဖြစ်အပျက်မှာ ၂ လအတွင်း အမေရိကန်စစ်သင်္ဘောများ ဒုတိယအကြိမ်မြောက် တိုက်မိမှုဖြစ်ဖြစ်ကာ တစ်နှစ်အတွင်း ၄ ကြိမ်မြောက်ဖြစ်သည်။

ထိုအဖြစ်အပျက်ကြောင့် ကမ္ဘာတစ်ဝှမ်းရှိ ၎င်းတို့ရေတပ်၏ လှုပ်ရှားမှုအားလုံးကို အမေရိကန်က ရပ်တန့်ထားသည်။

Ref : Aljazeera