ရခိုင်အရေး လုံခြုံရေးကောင်စီတွင် တံခါးပိတ်ဆွေးနွေး

သြဂုတ် ၃၁၊ ၂၀၁၇
M-Media

– ရခိုင်ပြည်နယ်မှာ လက်ရှိ ဖြစ်ပေါ်နေတဲ့ တိုက်ခိုက်မှုတွေအတွက် ကုလသမဂ္ဂ လုံခြုံရေးကောင်စီမှာ မနေ့က တံခါးပိတ်အစည်းအဝေးတစ်ခု ပြုလုပ်ခဲ့ပါတယ်။

အဖွဲ့ဝင် ၁၅ နိုင်ငံပါဝင်တဲ့ အဲဒီကောင်စီကနေ တရားဝင်ကြေငြာချက်တော့ ထွက်မလာပါဘူး။ ဒါပေမယ့် ကုလဆိုင်ရာ ဗြိတိန်သံအမတ်ကြီး မက်သယူး ရိုင်ခရို့ဖ်က ရခိုက်ပြည်နယ်မှာ တင်းမာမှုတွေ လျှော့ချဖို့အတွက် ကောင်စီဝင်တွေက တိုက်တွန်းခဲ့တယ်လို့ ပြောကြားခဲ့ပါတယ်။

“အကြမ်းဖက်မှုကို ကျွန်တော်တို့အားလုံး ရှုတ်ချပါတယ်။ တင်းမာမှုတွေကို လျှော့ချဖို့အတွက် ပါဝင်ပတ်သက်သူတွေကို ကျွန်တော်တို့ တိုက်တွန်းပါတယ်”

ပြီးခဲ့တဲ့တစ်ပတ် သောကြာနေ့မှာ ARSA ဆိုတဲ့အဖွဲ့ဟာ ရခိုင်ပြည်နယ်မြောက်ပိုင်းက ရဲစခန်းတွေနဲ့ ရဲကင်းတွေကို ၀င်ရောက်တိုက်ခိုက်ခဲ့ပြီးနောက်ပိုင်း ရခိုင်ပြည်နယ်အတွင်းမှာ မတည်မငြိမ် ဖြစ်လာတာဖြစ်ပါတယ်။

လက်ရှိမှာ ပစ်ခတ်မှုတွေကြောင့် လုံခြုံရေးတပ်ဖွဲ့ဝင် ၁၁ ဦး အပါအ၀င် အနည်းဆုံး လူ ၁၁၀ လောက် သေဆုံးပြီး အများစုကတော့ အကြမ်းဖက်သမားတွေဖြစ်တယ်လို့ အစိုးရက သတင်းထုတ်ပြန်ထားပါတယ်။

ဒီမတည်ငြိမ်မှုတွေကြောင့် လုံခြုံရေးစိုးရိမ်ရတဲ့အတွက် ဒေသခံတိုင်းရင်းသားတွေကို အစိုးရက ကယ်ဆယ်မှုတွေလုပ်နေပြီး ရိုဟင်ဂျာတွေက ဘင်္ဂလားဒေ့ရ်ှကို ထွက်ပြေးနေရပါတယ်။

လုံခြုံရေးကောင်စီမှာ ဒီကိစ္စကို အရေးပေါ်ဆွေးနွေးဖို့အတွက် ဗြိတိန်က တောင်းဆိုခဲ့တာဖြစ်ပြီး၊ ပြဿနာဖြေရှင်းရေး လုံခြုံရေးကောင်စီက ပိုမိုပါဝင်နိုင်ဖို့ တရုတ်က ဟန့်တားထားတယ်လို့ သံတမန်တွေက ပြောကြားခဲ့ပါတယ်။

ကုလမှာ နောက်ထပ်ဆောင်ရွက်ချက်တွေ လုပ်မလားဆိုတာကို ရှင်းရှင်းလင်းလင်း မသိရသေးဘဲ၊ စက်တင်ဘာမှာလုပ်မယ့် ကုလ အထွေထွေညီလာခံမှာတော့ ဆွေးနွေးသွားဖို့ ရှိနေပါတယ်။

ရိုင်ခရော့ဖ်က လုံခြုံရေးကောင်စီအနေနဲ့ ဒေါ်အောင်ဆန်းစုကြည်ကို ဆက်လက်ထောက်ခံကြောင်း၊ သူမအနေနဲ့ ပြတ်သားတဲ့ ခေါင်းဆောင်မှုကို ပြသဖို့လိုကြောင်း ပြောကြားခဲ့ပါတယ်။

“သူမအနေနဲ့ မြန်မာပြည်သူတွေအားလုံးရဲ့ အကျိုးအတွက် မှန်ကန်တဲ့ရပ်တည်ချက်မျိုး ပြသဖို့၊ ညှိနှိုင်းဆောင်ရွက်နိုင်မယ့် နည်းလမ်းတွေကို ရှာဖို့၊ ပြဿနာကို ဖြေရှင်းရေး တင်းမာမှုတွေလျှော့ချဖို့ ကျွန်တော်တို့ စောင့်ကြည့်နေပါတယ်”

ရိုဟင်ဂျာတွေအပေါ် သွားလာလှုပ်ရှားမှု ကန့်သတ်ထားတာကို ဖယ်ရှားပေးဖို့၊ နိုင်ငံသားဖြစ်ရေး ပိတ်ပင်ထားတာကို အဆုံးသတ်ပေးဖို့အပါအ၀င် ကိုဖီအန်နန် ကော်မရှင်ရဲ့ အကြံပြုချက်တွေကို အကောင်အထည်ဖော်ဖို့လည်း ဗြိတိန်သံအမတ်က တိုက်တွန်းခဲ့ပါတယ်။

ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး ဇီအစ် ရာအဒ် အလ် ဟူစိန်က နိုင်ငံနယ်နမိတ်အတွင်းမှာရှိတဲ့ ပြည်သူအားလုံးကို ခွဲခြားမှုအရှိဘဲ ကာကွယ်စောင့်ရှောက်ပေးဖို့ အင်္ဂါနေ့မှာ တိုက်တွန်းခဲ့ပြီး၊ အကြမ်းဖက်အဖွဲ့ကို နိုင်ငံတကာအဖွဲ့အစည်းတွေက ထောက်ပံ့နေတယ်ဆိုတဲ့ အခြေအမြစ်မရှိတဲ့ စွဲချက်အတွက် စိုးရိမ်ကြောင်း ပြောကြားခဲ့ပါတယ်။

လူ့အခွင့်အရေး စောင့်ကြည့်အဖွဲ့ Human Rights Watch က ကုလဆိုင်ရာဒါရိုက်တာ လူ ချာဘိုနူကလည်း ဒီလိုစွပ်စွဲမှုတွေဟာ အန္တရာယ်ကြီးတယ်လို့ ပြောကြားခဲ့ပါတယ်။

“အကြမ်းဖက်မှုမှာ အကူအညီပေးရေးလုပ်သားတွေ ပါဝင်တယ်ဆိုတဲ့ ပြောကြားချက်ဟာ တာဝန်ယူမှုကင်းမဲ့ပြီး၊ အကူအညီမဖြစ်စေပါဘူး။ နှစ်ကာလကြာရှည် ထိခိုက်ခံစားခဲ့ရပြီး လူသားချင်း စာနာထောက်ထားမှုဆိုင်ရာ အကူအညီတွေကို အလွန်လိုအပ်နေတဲ့သူတွေရှိတဲ့ အဲဒီဒေသကနေ အကူအညီပေးရေးလုပ်သားတွေ ထွက်သွားဖို့အတွက် အကြောင်းပြတာမျိုး ဖြစ်နေပါတယ်”

Ref : CNA,VOA