သမ္မတဖြစ်လျှင် လစာအားလုံးကို လှူဒါန်းမည်ဟု စင်ကာပူစီးပွားရေးလုပ်ငန်းရှင် ဆာလေဟ် ပြော

သြဂုတ် ၃၁၊ ၂၀၁၇
M-Media

စင်ကာပူသမ္မတအဖြစ် ၀င်ရောက်အရွေးခံရန် အမည်စာရင်း တင်သွင်းထားသည့် ဆာလေဟ် မာရီကန်

– မိမိအနေဖြင့် သမ္မတအဖြစ် ရွေးကောက်တင်မြှောက်ခံရပါက ရရှိမည့် လစာအားလုံးကို ပရဟိတလုပ်ငန်းအတွက် လှူဒါန်းသွားမည်ဟု စင်ကာပူသမ္မတအဖြစ် ၀င်ရောက်အရွေးခံမည့် စီးပွားရေးလုပ်ငန်းရှင် ဆာလေဟ် မာရီကန်က ပြောကြားလိုက်သည်။

စင်ကာပူသမ္မတရာထူးအတွက် လက်ရှိတွင် မလေးလူ့အဖွဲ့အစည်းက အလှည့်ကျပြီး ဆာလေဟ်မာရီကန်၊ လွှတ်တော်ဥက္ကဌဟောင်း ဟာလီမာ ယာကွဘ်နှင့် Bourbon Offshore Asia မှ ဥက္ကဌ ဖာရစ်ခန်းတို့ ယှဉ်ပြိုင်ကြမည်ဖြစ်သည်။

ရွေးကောက်ပွဲကို စက်တင်ဘာလနှောင်းပိုင်းတွင် ပြုလုပ်ရန် စီစဉ်ထားသည်။

မာရီကန်ကမူ ၎င်းအနေဖြင့် သမ္မတဖြစ်ခဲ့ပါက ရရှိမည့်လစာအားလုံးကို ပရဟိတအတွက် လှူဒါန်းသွားမည်ဟု ဆိုသည်။ ၎င်း၏အဖွဲ့မှာ Mind The Gap ဟုခေါ်သည့် လူမှုလှုပ်ရှားမှုတစ်ခုတွင်လည်း ပါဝင်ဆောင်ရွက်နေသည်။

အဆိုပါ လှုပ်ရှားမှုမှာ စင်ကာပူနိုင်ငံအတွင်းရှိ ပရဟတိအဖွဲ့ငယ်များအတွက် ရန်ပုံငွေရရှိရေး၊ အသိပညာပေးရေးလုပ်ငန်းများကို လုပ်ဆောင်နေသည်။

“ခင်ဗျား သမ္မတမဖြစ်လည်း ဒီလို ပရဟိတအလုပ်မျိုး လုပ်နိုင်တာပဲလို့ လူတော်တော်များများက ပြောကြတယ်ဗျ။ ဒါလည်း မှန်ပါတယ်။ ဒါပေမယ့် ခြားနားချက်တော့ ရှိတယ်။ သမ္မတဆိုတဲ့ အရှိန်အ၀ါက သူမြှင့်တင်ဖို့ ရွေးချယ်လိုက်တဲ့ နယ်ပယ်မှာ ပိုပြီးတော့ ထိရောက်မှု ရှိလာနိုင်ပါတယ်။ ဥပမာအားဖြင့် ဒီလို ပရဟိတလုပ်ငန်းမှာ လှူဒါန်းဖို့အတွက် ကုမ္ပဏီကြီးတွေက စီအီးအိုတွေဆီကို သမ္မတက စာရေး တိုက်တွန်းရင် သူတို့တော်တော်များများက လှူကြမှာပါ။ သာမန်နိုင်ငံသားတစ်ယောက်အနေနဲ့ ဒါမျိုးလုပ်ရင် သူ့စာကို ဖတ်ပါ့မလားတောင်မသိဘူး” ဟု မာရီကန်က ပြောကြားခဲ့သည်။

မာရီကန်မှာ ၀င်ရောက်ယှဉ်ပြိုင်မည့်သူ ၃ ဦးတွင် ရွေးကောက်ပွဲဌာနသို့ ပထမဆုံး အမည်စာရင်းတင်သွင်းခဲ့သူလည်းဖြစ်သည်။

၎င်းကမူ ထိုကဲ့သို့ လျှောက်ထားရန်အတွက် နာရီ ၁၀၀ ကျော် စဉ်းစားတွေးတောခဲ့ရသည်ဟု ဆိုသည်။

“အခုဆိုရင်တော့ သူတို့အပေါ်မှာ မူတည်နေပါပြီ။ ကျွန်တော့်ကို သမ္မတလောင်း အရည်အချင်းနဲ့ ပြည့်မီသူအဖြစ် ဆုံးဖြတ်ချက်ထွယ်မယ်လို့ ကျွန်တော် ယုံကြည်ပါတယ်”

မာရီကန်မှာ သာမန် လက်လုပ်လက်စားမိသားစုမှ မွေးဖွားလာသူဖြစ်ပြီး ငယ်စဉ်က ငွေရေးကြေးရေး အခက်အခဲများကို ရင်ဆိုင်ခဲ့ရသည်။ ထို့နောက် ကိုယ့်ဒူးကိုယ်ချွန်ကာ စီးပွားရေးလောကထဲ ၀င်ရောက်လာခဲ့ပြီး အထည်လုပ်ငန်းဖြင့် အောင်မြင်သော စီးပွားရေးလုပ်ငန်းရှင် ဖြစ်လာခဲ့သည်။

Ref : CNA