IS ခေါင်းဆောင် အသက်ရှင်လျက်ရှိနိုင်သည်ဟု ကန်ဗိုလ်ချုပ်ပြော

စက်တင်ဘာ ၁၊ ၂၀၁၇
M-Media

IS အကြမ်းဖက်အဖွဲ့ခေါင်းဆောင် ဘဂ္ဂဒါဒီ

– IS အကြမ်းဖက်အဖွဲ့ခေါင်းဆောင် အဘူဘာကာ အလ်-ဘဂ္ဂဒါဒီမှာ အသက်ရှင်လျက် ရှိကောင်းရှိနိုင်သည်ဟု IS ဆန့်ကျင်ရေး မဟာမိတ်အဖွဲ့မှ တပ်မှူး အမေရိကန်ဗိုလ်ချုပ် စတီဖင် တောင်ဆန်က ပြောကြားလိုက်သည်။

ဆီးရီးယားနိုင်ငံ ရက်ကာရှိ IS ထိပ်တန်းတပ်မှူးများကို ပစ်မှတ်ထားသည့် ၎င်းတို့၏ လေကြောင်းစစ်ဆင်ရေးတစ်ခုတွင် ဘဂ္ဂဒါဒီလည်း ထိခိုက်ခဲ့ပြီး သေဆုံးဖွယ်ရှိသည်ဟု ရုရှားက မေလတွင် ပြောကြားခဲ့သည်။

တောင်ဆန်ကမူ ဘဂွဒါဒီမှာ အီရတ်နှင့် ဆီးရီးယားတို့တွင် IS အမာခံစခန်းများကို တိုက်ခိုက်ခံရပြီးနောက် နှစ်နိုင်ငံအကြား ဝေးလံခေါင်ဖျားသည့် ဒေသတွင် ပုန်းရှောင်နေခြင်းဖြစ်နိုင်သည်ဟု ဆိုသည်။ သို့သော်မည်သည့်နေရာတွင် ရှိနေသည်ဆိုသည်ကို အတိအကျ မသိရှိသေးပေ။

ဘဂ္ဂဒါဒီ သေဆုံးပြီဆိုသည့်သတင်းမှာ ယခင်ကလည်း မကြာခဏ ထွက်ပေါ်ခဲ့ဖူးပြီး ဗိုလ်ချုပ်တောင်ဆန်က ထောက်လှမ်းရေးသတင်းများတွင် ဘဂ္ဂဒါဒီ အသက်ရှင်လျက်ရှိကြောင်း ဖော်ပြသည့် အချက်များကို တွေ့ရသည်ဟု ပြောကြားခဲ့သည်။

“ကျွန်တော်တို့ သူ့ကို နေ့တိုင်း လိုက်ရှာနေတယ်။ သူသေသွားပြီလို့တော့ ကျွန်တော် မထင်ပါဘူး။ IS ရဲ့ နောက်ဆုံးနေရာက ယူဖရေးတီးမြစ်အလယ်ချို့င့်ဝှမ်းမှာ ဖြစ်မှာပါ။ ကျွန်တော်တို့ သူ့ကိုတွေ့ရင် ပထမဆုံး သတ်ဖို့ကြိုးစားမှာပါ။ သူ့ကို လက်ရဖမ်းဆီးဖို့ မထိုက်တန်ပါဘူး”

သို့သော်လည်း ၎င်းတည်ရှိနေသည့် နေရာအတိအကျအတွက် အထောက်အထားမရှိဟု တောင်ဆန်က ဆိုသည်။

Ref: BBC