ဂျေရုစလင်တွင် အစ္စရေးက ခရစ်ယာန်အားနည်းအောင် ဆောင်ရွက်မှုကို ကမ္ဘာ့ ခရစ်ယာန်အသင်းတော်များ ရှုတ်ချ

စက်တင်ဘာ ၅၊ ၂၀၁၇
M-Media

– ဂျေရုစလင်တွင် ခရစ်ယာန်များတည်ရှိမှု အားနည်းလာအောင် အစ္စရေးက စနစ်တကျ ဆောင်ရွက်နေမှုကို ရှုတ်ချသည့် ပူးတွဲကြေငြာချက်တစ်စောင်ကို ကမ္ဘာ့ ထိပ်တန်း ခရစ်ယာန်အသင်းတော်များက ယနေ့တွင် ထုတ်ပြန်လိုက်သည်။

ခရစ်ယာန် ကက်သလစ်၊ အော်သိုဒေါ့စ်၊ အာမေးနီးယန်း၊ လူသာရင်နှင့် အခြားသော ခရစ်ယာန်အသင်းတော်များမှ အကြီးအကဲများ လက်မှတ်ရေးထိုးထားသည့် အဆိုပါ ကြေငြာချက်တွင် အစ္စရေးက ကျူးကျော်သိမ်းပိုက်ထားသည့် ပါလက်စတိုင်းပိုင် ဂျေရုစလင်၏ ပါလက်စတိုင်းအများစုရှိရာ ဒေသမှ ဘုရားကျောင်းနယ်မြေကို အစ္စရေး၏ တရားမ၀င်အိမ်ယာများအား ထောက်ခံသူအုပ်စုကို ထိန်းချုပ်ခွင့်ပြုခဲ့သည့် အစ္စရေးတရားရုံး ဆုံးဖြတ်ချက်နှင့် ဘုရားကျောင်းနယ်မြေနှင့်ပတ်သက်သည့် အစ္စရေးလွှတ်တော်၏ ဥပဒေမူကြမ်းတို့ကို ရှုတ်ချခဲ့သည်။

“ဒီလုပ်ရပ်တွေဟာ မြင့်မြတ်ရာ ဂျေရုစလင်မြို့နဲ့ မြင့်မြတ်ရာဒေသရဲ့ ပေါင်းစည်းမှုကို ပျက်ဆီးစေဖို့၊ ခရစ်ယာန်တွေ တည်ရှိမှုကို အားနည်းစေဖို့ စနစ်တကျ ဆောင်ရွက်မှုတစ်ခုပဲလို့ ကျွန်တော်တို့ မြင်ပါတယ်” ဟု ကြေငြာချက်တွင် ဖော်ပြထားသည်။

ဇူလိုင်လ ၃၁ ရက်နေ့တွင် ဂျေရုစလင်ရှိ တရားရုံးတစ်ခုက ဂျေရုစလင်မြို့ဟောင်းသို့ ၀င်ပေါက်ဖြစ်သည့် ဂျက်ဖာဂိတ်ရှိ ဟိုတယ်မြေနှစ်ခုအတွက် ပါလက်စတိုင်းပိုင်နက်များတွင် ကျူးကျော်အိမ်ယာများ ဆောက်လုပ်မှုကို လိုလားသော အစ္စရေးအုပ်စု Ateret Cohanim နှင့် ခရစ်ယာန်အသင်းတော်တစ်ခု၏ အငြင်းပွားဖွယ် အရောင်းအ၀ယ် သဘောတူညီချက်ကို အတည်ပြုခဲ့သည်။

ဂရိအော်သိုဒေ့ါစ်အသင်းတော်ကမူ အဆိုပါမြေအား ရောင်းချခြင်းမရှိဟု ငြင်းဆိုခဲ့ပြီး ထိုလုပ်ရပ်မှာ နိုင်ငံရေးလှုံ့ဆော်မှုဖြစ်သည်ဟု ပြောကြားခဲ့သည်။

အစ္စရေးလွှတ်တော်ကလည်း ယခင်က ရင်းနှီးမြှုပ်နှံသူများကို ရောင်းချထားသည့် ခရစ်ယာန်အသင်းတော်ပိုင် မြေများကို လျော်ကြေးပေးကာ ပြန်လည်သိမ်းယူရန် အဆိုပြုထားသည့် မူကြမ်းတစ်ခုကို လွှတ်တော်တွင် တင်သွင်းခဲ့သည်ဟု အစ္စရေး မီဒီယာများက ဖော်ပြခဲ့သည်။

အဆိုပါမူကြမ်းကို အတည်မပြုရသေးသော်လည်း အနာဂတ်တွင် ခရစ်ယာန်အသင်းတော်ပိုင် ပစ္စည်းများ ငှားရမ်း၊ ရောင်းချမှုနှင့်ပတ်သက်၍ ထိခိုက်မှုများ ရှိလာနိုင်သည်။

ခရစ်ယာန်အသင်းတော်များ၏ ကြေငြာချက်တွင် အစ္စရေး၏ ထိုဆောင်ရွက်ချက်နှစ်ခုက ဂျေရုလစင်ရှိ ဘာသာရေးဆိုင်ရာ နေရာများအား စီမံရေးနှင့်ပတ်သက်သည့် ဘာသာတရားများအကြား ၁၀ စုနှစ်တစ်ခုအထိ ကြာမြင့်ခဲ့သည့် သဘောတူညီချက်အား ခြိမ်းခြောက်ခြင်းဖြစ်သည်ဟု ပြောကြားခဲ့သည်။

“ဂျေရုစလင်ရဲ့ လက်ရှိရှိနေတဲ့ ပေါင်းစည်းမှု၊ မြင့်မြတ်ရာနယ်မြေက ခရစ်ယာန်လူ့အဖွဲ့အစည်းတွေရဲ့ သာယာဝပြောမှုတွေကို လတ်တလောမှာ စနစ်တကျ ထိခိုက်စော်ကားတဲ့ တော်တော်လေးဆိုးရွားတဲ့ အခြေအနေအတွက် ကျွန်တော်တို့ရဲ့ ရှုတ်ချမှုဟာ မလုံလောက်သေးပါဘူး” ဟု ကြေငြာချက်တွင် ဖော်ပြထားသည်။

ကမ္ဘာတစ်ဝှမ်းမှ ခရစ်ယာန်များအနေဖြင့် မိမိတို့၏ ယခုဆောင်ရွက်ချက်ကို ထောက်ခံကြရန်လည်း အသင်းတော်များက တိုက်တွန်းခဲ့သည်။

Ref: Alarabiya