ဘရာဇီးလ်သမ္မတ (ငြိမ်း) နှစ်ဦး ခြစားမှုဖြင့် တရားစွဲခံရ

စက်တင်ဘာ ၆၊ ၂၀၁၇
M-Media

သမ္မတဟောင်း ဒီလ်မာ ရူဆက်ဖ် (ယာ)

– ဘရာဇီးလ်သမ္မဟောင်းနှစ်ဦးဖြစ်သည့် ဒီလ်မာ ရူဆက်ဖ်နှင့် လူအစ် အီနာစီယို လူလာ ဒါ ဆေးလ်ဗားတို့မှာ ခြစားမှုစွဲချက်များဖြင့် ယမန်နေ့တွင် တရားစွဲဆိုခံခဲ့ရသည်ဟု သိရသည်။

အစိုးရရှေ့နေ ရိုဒရီဂို ဂျာနော့တ်က လူလာနှင့် ရူဆက်ဖ်တို့အပါအ၀င် Wokres Party မှ အဖွဲ့ဝင် ၈ ဦးမှာ နိုင်ငံပိုင် ရေနံလုပ်ငန်း Petrobras ပါဝင်သော ခြစားမှု၊ ငွေကြေးခ၀ါချမှု စသည့် ရာဇ၀တ်မှုပေါင်းများစွာကို ကျူးလွန်ခဲ့ကြသည်ဟု စွပ်စွဲခဲ့သည်။

ရူဆက်ဖ်မှာ ၂၀၁၆ ခုနှစ်က ဘက်ဂျက်ဥပဒေကို ချိုးဖောက်မှုဖြင့် ပါလီမန်၏ ဖြုတ်ချခြင်း ခံခဲ့ရပြီးနောက် ရာဇ၀တ်မှုဖြင့် ပထမဆုံး တရားစွဲခံရခြင်းဖြစ်သည်။

လူလာမှာလည်း နောက်တစ်ကြိမ် သမ္မတဖြစ်ရန်အတွက် ကြိုးစားနေသူဖြစ်ပြီး ယခုသတင်းမှာ သတင်းဆိုးဖြစ်သည်။

၎င်းမှာ နိုင်ငံအတွင်း လူကြိုက်များသည့် နိုင်ငံရေးသမားတစ်ယောက်ဖြစ်ပြီး ၂၀၁၈ ရွေးကောက်ပွဲတွင် သမ္မတအဖြစ် ၀င်ရောက်ယှဉ်ပြိုင်မှုမှ အဟန့်အတားဖြစ်စေမည့် ခြစားမှုစွဲချက်အတွက် အယူခံ လျှောက်ထားမည်ဖြစ်သည်။

၎င်းမှာ အခြား စွဲချက် ၄ ခုအတွက်လည်း တရားရင်ဆိုင်နေရသည်။

ရှေ့နေချုပ်ရုံးကမူ အဆိုပါ ရာဇ၀တ်မှုများမှာ ၂၀၀၂ ခု နှစ်လည်မှ ရူးဆက်စ် ရာထူးမှ အနားပေးခံရသည့် ၂၀၁၆ ခုနှစ် မေလ ၁၂ ရက်နေ့အတွင်း ကျးလွန်ခဲ့ခြင်းဖြစ်သည်ဟု ယုံကြည်ရကြောင်း ပြောကြားခဲ့သည်။

Ref: Aljazeera