မုန်တိုင်းဒဏ်ခံ အမေရိကန်များအတွက် ကာတာနှင့် ယူအေအီးက ဒေါ်လာ သန်း ၄၀ လှူမည်

စက်တင်ဘာ ၈၊ ၂၀၁၇
M-Media

ဟာရီကိန်းဟာဗီး တိုက်ခတ်ပြီးနောက် မြင်ကွင်း

– ပြီးခဲ့သည့်တစ်ပတ်က အမေရိကန်ပြည်ထောင်စု တက္ကဆက်ပြည်နယ်တွင် တိုက်ခတ်ခဲ့သည့် ဟာရီကိန်းမုန်တိုင်းဒဏ် ခံစားရသော ပြည်သူများအတွက် ကာတာက ကန်ဒေါ်လာ သန်း ၃၀ လှူဒါန်းမည်ဟု သိရသည်။

အမေရိကန်ဆိုင်ရာ ကာတာသံအမတ် မက်စ်ဟဲလ် ဘင် ဟာမဒ် အလ် သာနီက ယမန်နေ့တွင် ယခုကဲ့သို့ ပြောကြားလိုက်ခြင်းဖြစ်ပြီး မကြာသေးမီကမှ မတည်ခဲ့သည့် Qatar Harvey Fund ရန်ပုံငွေမှတစ်ဆင့် လှူဒါန်းမည်ဖြစ်သည်။

ထိုလှူဒါန်းမှုမှာ တက္ကဆက် ကမ်းရိုးတန်းတွင် ဆိုးဆိုးဝါးဝါး  ထိခိုက်ခဲ့သည့် ဟာရီကိန်းမုန်တိုင်းဒဏ်ခံ ပြည်သူများအတွက် နိုင်ငံခြားတိုင်းပြည်တစ်ခုမှ အကြီးမားဆုံး လှူဒါန်းမှု ဖြစ်လာမည်ဖြစ်သည်။

ကာတာ၏ ထောက်ပံ့မှုကို ရေကြီးမှုကြောင့် ပျက်ဆီးသွားသည့် နေအိမ်များ ပြန်လည်တည်ဆောက်ရေးတွင် သုံးစွဲရန် ရှိနေသည်။

“တက္ကဆက်ပြည်သူတွေဟာ ဘယ်လိုမုန်တိုင်းမျိုးကိုမဆို ကြံ့ကြံ့ခံနိုင်ပြီး ပိုမို ကြံ့ခိုင်စွာ၊ ပိုကောင်းတဲ့ အနေအထားနဲ့ ပြန်လည် ထူထောင်လာမှာ ဖြစ်ပါတယ်။ ကာတာကလည်း မိမိတို့ရဲ့ မိတ်ဆွေတွေကို ဘယ်လိုအချိုးအကွေ့မှာမဆို ကူညီဖို့ အဆင်သင့်ရှိပါတယ်” ဟု အလ်သာနီက ပြောကြားခဲ့သည်။

ဟာရီကိန်း ဟာဗီးဒဏ်ခံ ပြည်သူများအတွက် အာရပ်စော်ဘွားများပြည်ထောင်စု (ယူအေအီး) ကလည်း ကန်ဒေါ်လာ ၁၀ သန်း လှူဒါန်းမည်ဟု ပြောကြားထားသည်။

တက္ကဆက်ပြည်နယ် အုပ်ချုပ်ရေးမှူး အဘော့ မိမိတို့ပြည်နယ်နှင့် ကာတာနိုင်ငံမှာ ကာလရှည်လျားသည့် မိတ်ဖက်ဆက်ဆံရေးရှိကြောင်း၊ ကာတာအစိုးရ၏ ရက်ရောမှု၊ တက္ကဆက်ပြည်နယ်အား ထောက်ပံ့မှုအတွက် ကျေးဇူးတင်ပါကြောင်း ပြောကြားခဲ့သည်။

Ref: Aljazeera