ဖိလစ်ပိုင်တောင်းပိုင်းရှိ IS လက်မှ ပြန်သိမ်းနိုင်သည့် ဗလီတွင် ရဲချုပ်ဦးဆောင်ကာ ၀တ်ပြုဆုတောင်း

စက်တင်ဘာ ၉၊ ၂၀၁၇
M-Media

မာရာဝီရဲချုပ်ဦးဆောင်ကာ ဖိလစ်ပိုင် လုံခြုံရေးတပ်ဖွဲ့များ ၀တ်ပြုဆုတောင်းနေစဉ်

– IS အကြမ်းဖက်အဖွဲ့ကို သစ္စာခံသည့် မောက်တေ လက်နက်ကိုင်အဖွဲ့က ထိန်းချုပ်ထားသည့် ဖိလစ်ပိုင်နိုင်ငံတောင်ပိုင်း မာရာဝီမြို့မှ ဗလီဝတ်ကျောင်းတော်တစ်လုံးကိုး အစိုးရစစ်တပ်က ပြန်လည်သိမ်းပိုက်နိုင်ခဲ့သည်ဟု သိရသည်။

ပန်ဂါရွန်ဂန်ရွာမှ ဗလီဝတ်ကျောင်းတော်ဖြစ်ပြီး မေလ ၂၃ ရက်နေ့ မောက်တေအုပ်စုမှ မြို့အား စီးနင်း သိမ်းပိုက်မှုအတွင်း ထိုဗလီမှာလည်း ၎င်းတို့လက်ထဲ ကျရောက်သွားခဲ့သည်။

မင်ဒါနာအို စစ်ဌာနချုပ်မှ ဒုတိယဗိုလ်ချုပ်ကြီး ကာလီတို ဂါလ်ဗက်ဇ်က အဆိုပါဗလီဝတ်ကျောင်းတော်ကို သိမ်းပိုက်နိုင်ခဲ့ပြီးနောက် ယမန်နေ့က ပထမဆုံးအဖြစ် သောကြာဝတ်ပြုဆုတောင်းမှု ပြုလုပ်ခဲ့ကြောင်း၊ ဖိလစ်ပိုင်စစ်တပ်မှ စစ်သား ၄၂ ဦးမှာ အဆိုပါဝတ်ပြုဆုတောင်းမှုတွင် ပါဝင်ခဲ့ကြောင်း ပြောကြားခဲ့သည်။

သောကြာနေ့ ၀တ်ပြုဆုတောင်းမှုကို မာရာဝီရဲချုပ် အီဘရာ မို့ဇ်စီရ်က ဦးဆောင်ခဲ့သည်။ မို့ဇ်စီရ်မှာ အစ္စလာမ့်ဓမ္မပညာရှင်တစ်ဦးဖြစ်ပြီး၊ မင်ဒါနာအို ကိုယ်ပိုင်အုပ်ချုပ်ခွင့်ရဒေသ ရဲတပ်ဖွဲ့၏ ရှေ့ဆောင်အီမာမ်ဟောင်းလည်းဖြစ်ကာ အစွန်းရောက် အကြမ်းဖက်ဝါဒ တိုက်ဖျက်ရေးနှင့် တရားဥပဒေစိုးမိုးရေးအတွက် အားထုတ်ကြိုးပမ်းခဲ့သူဖြစ်သည်။

ဖိလစ်ပိုင်စစ်တပ်မှာ ပြီးခဲ့သည့်လကလည်း မာရာဝီရှိ အဓိကဗလီဝတ်ကျောင်းတော် တစ်လုံးကို IS လက်မှ ပြန်လည်သိမ်းပိုက်နိုင်ခဲ့ပြီး ပထမဆုံးအဖြစ် လုံခြုံရေးတပ်ဖွဲ့များ ပူးပေါင်းပါဝင်သော ၀တ်ပြုဆုတောင်းမှုကို ပြုလုပ်ခဲ့သည်။

အကြမ်းဖက်လက်အောက်သို့ ၃ လကျော်ကြာ ကျရောက်နေသည့် မာရာဝီမြို့အား ပြန်လည်သိမ်းပိုက်ရေးအတွက် ဖိလစ်ပိုင်စစ်တပ်မှာ ထိုးစစ်ဆင်မှုများကို တိုးမြှင့်ပြုလုပ်လာခဲ့ပြီး၊ မင်ဒါနာအိုအခြေစိုက် မွတ်စလင်လက်နက်ကိုင်အဖွဲ့ကလည်း စစ်တပ်ကို ကူညီပေးနေသည်။

Ref: Philstar.com