ပါလက်စတိုင်း ခရစ်ယာန်အသင်းတော်မြေ အပိုင်စီးခံရမှုကို ပါလက်စတိုင်းများ ရှုတ်ချ

စက်တင်ဘာ ၁၁၊ ၂၀၁၇
M-Media

– ပါလက်စတိုင်းပိုင်နက်ရှိ ခရစ်ယာန်အသင်းတော်ပိုင် မြေကို တရားဝမ၀င် အခြေချဂျူးများ ၀ယ်ယူသိမ်းပိုက်မှုနှင့်ပတ်သက်၍ ပါလက်စတိုင်းပြည်သူများက စနေနေ့တွင် ဆန္ဒပြမှု ပြုလုပ်ခဲ့သည်ဟု သိရသည်။

အသင်းတော်ပိုင်မြေအား ပါလက်စတိုင်းပိုင်နက်အတွင်း အစ္စရေးက ကျူးကျော်တည်ဆောက်ထားသော တရားမ၀င်အိမ်ယာများတွင် နေထိုင်သူများအား ရောင်းချမှုတွင် အော်သိုဒေါ့စ် ခရစ်ယာန်အသင်းတော်က ပါဝင်ပတ်သက်ခဲ့သည်။

ဆန္ဒပြသူများက အသင်းတော်အကြီးအကဲ သီယိုဖီလို့စ် ၃ ကို ဖယ်ရှားရန်နှင့် အသင်းတော်တွင် ဂရိသြဇာ လွှမ်းမိုးမှုကို အဆုံးသတ်ရန် တောင်းဆိုခဲ့သည်။

“အော်သိုဒေါ့စ်အသင်းတော်ကို သီယိုဖီလို့စ်ရဲ့ ချုပ်ကိုင်မှု၊ ခြစားမှုတွေကနေ လွတ်ကင်းအောင်လုပ်ဖို့ ကျွန်တော်တို့ တောင်းဆိုပါတယ်။ အသင်းတော်မြေဟာ အသင်းတော်နဲ့ ဘာသာဝင်တွေရဲ့ ပိုင်ဆိုင်မှုသာဖြစ်ပြီး သီယိုဖီလို့စ်နဲ့ သူ့ဂိုဏ်းက ပိုင်တာမဟုတ်ပါဘူး” ဟု ဆန္ဒပြသူများ ကိုင်ဆောင်ထားသည့် ဗီနိုင်းတွင် ရေးသားထားသည်။

ထို့ပြင် “သီယိုဖီလို့စ်- ကိုယ်တော်ဟာ မကောင်းမှုမှာ ကြံရာပါသူတစ်ဦးဖြစ်တယ်။ တပည့်တော်တို့မြေဟာ ရောင်းစားဖို့ မဟုတ်ပါဘူး။ ကျွန်တော်တို့ အမျိုးသားစည်းလုံးညီညွတ်ရေးကို လိုချင်ပါတယ်” ဟု ဟစ်အော်ခဲ့ကြသည်။

အစ္စရေးပါလီမန်မှ Joint List အဖွဲ့ အကြီးအကဲ အေမန် အိုဒါဟ်က ပြည်သူများမှာ စည်းလုံးမှု၊ ပွင့်လင်းမြင်သာမှုကို တောင်းဆိုခြင်းဖြစ်ဖြစ်ပြီး အသင်းတော်အား အာရပ်မှုပြုရန် တောင်းဆိုခြင်းမဟုတ်ကြောင်း၊ အသင်းတော်တွင် အာရပ်ပါလက်စတိုင်းများ ရှိနေကြောင်း ပြောကြားခဲ့သည်။

“၂၁ ရာစုဖြစ်တဲ့ အခုအချိန် ကျွန်တော်တို့ ဒီမှာရှိနေတာဟာ နိုင်ငံလုံးဆိုင်ရာ ကိစ္စအတွက်ပါ။ နိုင်ငံနဲ့ဆိုင်တဲ့ ကိစ္စကို ဘာသာရေးပြဿနာအဖြစ် ပြောင်းလဲဖို့ ရည်ရွယ်တဲ့သူတွေကို ဆန့်ကျင်ဖို့ ရှိနေတာလည်းဖြစ်ပါတယ်။ ဒီကိစ္စဟာ ပါလက်စတိုင်းပိုင်နက်တွေကို ကျူးကျော်သိမ်းပိုက်နေတဲ့ပြဿနာ၊ ဂျေရုစလင် ပြည်သူတွေရဲ့ ပြဿနာပါ”

“ကျွန်တော်တို့ မြေကို ဘယ်လိုအကြောင်းပြချက်နဲ့မှ ရောင်းလို့ မရပါဘူး။ ဒီမြေဟာ ကျွန်တော်တို့ ပြည်သူတွေအတွက် ဖြစ်ပါတယ်။ သူတို့ဟာ ကျွန်တော်တို့ကို သွေးခွဲပြီး၊ ဒါမှမဟုတ် လာဘ်ထိုးပြီး အမြတ်ထုတ်နေတာပါ။ စည်းလုံးညီညွတ်မှုကို ဖော်ဆောင်ဖို့၊ ကျွန်တော်တို့ရဲ့ တောင်းဆိုမှုတွေကို ဆွဲကိုင်ထားဖို့၊ ဒီတရားသောကိစ္စ အောင်မြင်ရေး စည်းလုံးညီညွတ်မှုကို ရရှိစေဖို့ အတူတကွ ဆောင်ရွက်ကြဖို့ အားလုံးကို ကျွန်တော် တိုက်တွန်းပါတယ်”

ခရစ်ယာန်အသင်းတော်ပိုင်မြေအား ပါလက်စတိုင်းပိုင်နက်ရှိ အစ္စရေး၏ တရားမ၀င်အိမ်ယာတွင် နေထိုင်သူများ ၀ယ်ယူမှုကို ရှုတ်ချကြောင်း၊ အစ္စရေးမှာ ပါလက်စတိုင်းရှိ ခရစ်ယာန်များကို အားနည်းအောင် စနစ်တကျ ဆောင်ရွက်နေကြောင်း ကမ္ဘာ့ခရစ်ယာန်အသင်းတော်များက ပြီးခဲ့သည့် တစ်ပတ်တွင် ပူးတွဲကြငြာချက်ထုတ် ကန့်ကွက်ခဲ့သည်။

Ref: Aljazeera