ပိတ်ဆို့မှုအတွက် အကြီးအကျယ်ခံစားရမည်ဟု အမေရိကန်ကို မြောက်ကိုရီးယားခြိမ်းခြောက်

စက်တင်ဘာ ၁၃၊ ၂၀၁၇
M-Media

နောက်ဆုံ စမ်းသပ်ခဲ့သည့် ဟုိုက်ဒရိုဂျင်ဗုံးကို ကင်ဂျုံအန်က ကြည့်ရှုစစ်ဆေးစဉ်

– မိမိတို့နိုင်ငံအပေါ် ပြုလုပ်ခဲ့သည့် အရေးယူပိတ်ဆို့မှုများအတွက် အမေရိကန်အနေဖြင့် အကြီးအကျယ် ထိခိုက်ခံစားရမည်ဟု မြောက်ကိုရီးယားက ယနေ့တွင် ခြိမ်းခြောက်ပြောကြားလိုက်သည်။

မြောက်ကိုရီးယား၏ ၆ ကြိမ်မြောက် နျူလက်နက် စမ်းသပ်မှုကို ဆန့်ကျင်သည့်အနေဖြင့် အမေရိကန်က တင်သွင်းသော မြောက်ကိုရီးယားအပေါ် ပိတ်ဆို့မှုအသစ်ကို ကုလ လုံခြုံရေးကောင်စီက တနင်္လာနေ့တွင် တစ်ညီတစ်ညွတ်တည်း အတည်ပြုခဲ့သည်။

ထိုဆုံးဖြတ်ချက်မှာ မြောက်က်ိုရီးယားနှင့်ပတ်သက်၍ လုံခြုံရေးကောင်စီက ပြုလုပ်သော ၉ ခုမြောက် ဖြစ်ပြီး နိုင်ငံ၏ ချည်ထည်တင်ပို့မှု၊ ရေနံတင်သွင်းမှုများကို ထိခိုက်စေမည်ဖြစ်သည်။

“နောက်ထပ် ဆောင်ရွက်မှုတွေ လုပ်မယ်ဆိုရင် သမိုင်းမှာ မကြုံဖူးတဲ့အနေအထားနဲ့ အကြီးမားဆုံး နာကျင်မှုကို အမေရိကန်က ခံစားရမှာ ဖြစ်ပါတယ်” ဟု ကုလသမဂ္ဂဆိုင်ရာ မြောက်ကိုရီးယးသံအမတ် ဟန်တေဆွန်က ပြောကြားခဲ့သည်။

အဆိုပါပိတ်ဆို့မှုမှာ ဥပဒေဘောင်မ၀င်ဘဲ အမေရိကန်မှာ နိုင်ငံရေး၊ စီးပွားရေးနှင့် စစ်ရေးအရ ထိုးနှက်နေခြင်းဖြစ်ကြောင်း၊ မြောက်ကိုရီးယားအနေဖြင့် အလုံးစုံသော နည်းလမ်းများဖြင့် တုန့်ပြန်သွားမည်ဖြစ်ကြောင်း ၎င်းက ထည့်သွင်းပြောဆိုခဲ့သည်။

မြောက်ကိုရီးယား နိုင်ငံပိုင်သတင်းဌာန KCNA မှ ယနေ့တွင် ထုတ်ပြန်ခဲ့သော အစိုးရ၏ ကြေငြာချက်၌ လုံခြုံရေးကောင်စီ၏ ပိတ်ဆို့မှုမှာ ‘မြောက်ကိုရီးယား၏ မိမိကိုယ်ကို ကာကွယ်ခွင့်ကို ပျက်ဆီးအောင် ရည်ရွယ်သော၊ စီးပွားရေး အလုံးစုံ ပိတ်ဆို့ခြင်းအားဖြင့် နိုင်ငံနှင့် ပြည်သူလူထု ထွက်ပေါက်မရှိအောင် ပြုလုပ်သော စက်ဆုပ်သည့် ရန်စမှုမျိုး’ ဖြစ်သည်ဟု ဖော်ပြထားသည်။

Ref: Aljazeera