မလေးရှားတွင် ဘာသာရေးကျောင်းမီးလောင်မှု ၂၀ ကျော်သေဆုံး

စက်တင်ဘာ ၁၄၊ ၂၀၁၇
M-Media

မီးလောင်ခဲ့သည့် Tahfiz Darul Quran ကျောင်း

– မလေးရှားနိုင်ငံ ကွာလာလမ်ပူမြို့ရှိ အစ္စလာမ်ဘာသာရေးစာသင်ကျောင်တစ်ခု မီးလောင်မှုတွင် အနည်းဆုံး ၂၃ ဦး သေဆုံးခဲ့သည်ဟု သိရသည်။

ကုရ်အာန်ကျမ်းစာ အာဂုံဆောင်သင်ကြားပေးသည့် Tahfiz Darul Quran ကျောင်းမှာ ယနေ့မနက် အစောပိုင်းတွင် မီးလောင်ခဲ့ခြင်းဖြစ်ပြီး ကျောင်းသားများ အိပ်ဆောင်တွင် ပိတ်မိနေသောကြောင့် သေဆုံးသူအရေအတွက် မြင့်မားခဲ့ရသည်။

“နှစ် ၂၀ အတွင်း အဆိုးဝါးဆုံး မီးလောင်မှုတွေထဲက တစ်ခုပါပဲ” ဟု မီးသပ်ဌာနမှ အကြီးအကဲ ခိုင်ရူဒင် ဒရာမန်က ပြောကြားခဲ့သည်။

သေဆုံးသူများမှာ အသက် ၁၃ နှစ်မှ ၁၇ နှစ်အထိ ကျောင်းသား ၂၁ ဦး၊ ကျောင်းဝန်ထမ်း ၂ ဦးတို့ဖြစ်သည်ဟု ရဲတပ်ဖွဲ့က ပြောကြားခဲ့သည်။ ၁၀ ဦးကို ဆေးရုံပို့ခဲ့ရပြီး ၄ ဦးမှာ ဆိုးဆိုးဝါးဝါး ထိခိုက်ဒဏ်ရာ ရရှိခဲ့သည်။

မီးလောင်မှုကို စုံစမ်းစစ်ဆေးနေပြီး မီကြိုးရှော့ဖြစ်မှု သို့မဟုတ် ခြင်ဆေးခွေကြောင့် ဖြစ်ဖွယ်ရှိသည်ဟု ရဲတပ်ဖွဲ့ တာဝန်ရှိသူတစ်ဦးက ပြောကြားခဲ့သည်။

အဆိုပါကျောင်းမှာ အစိုးရက သတ်မှတ်ပေးထားသည့် စည်းမျဉ်းများနှင့် ကိုက်ညီမှုမရှိဘဲ၊ မီးဘေးအန္တရာယ်ကင်းစေသည့် အစီအမံများ ချထားမှုနှင့်ပတ်သက်၍ အစိုးရထံမှ အသိအမှတ်ပြုလက်မှတ်လည်း မရသေးဟု ဒေသတွင်းမီဒီယာများက ဖော်ပြကြသည်။

မလေးရှား အိုးအိမ်ဝန်ကြီးက ၂၀၁၅ ခုနှစ်အတွင်း ဘာသာရေးကျောင်းများတွင် မီးလောင်မှု ၂၉ ခု ဖြစ်ခဲ့သည်ဟု ပြောကြားခဲ့သည်။

Ref: BBC