ရခိုင်ပြဿနာကြောင့် ဥရောပသမဂ္ဂက ၎င်းတို့၏ ရင်းနှီးမြှုပ်နှံမှုခရီးစဉ်ကို ဖျက်သိမ်း

စက်တင်ဘာ ၁၅၊ ၂၀၁၇
M-Media

– လတ်တလောမှာ ရိုဟင်ဂျာမွတ်စလင်တွေအပေါ် အကြမ်းဖက်မှု လုပ်နေတယ်ဆိုတဲ့ အကြောင်းပြချက်နဲ့ ရင်းနှီးမြုပ်နှံမှုကိစ္စအတွက် မြန်မာနိုင်ငံကိုလာမယ့် အစီအစဉ်ကို ဥရောပပါလီမန်က ကုန်သွယ်ရေးအဖွဲ့ Committee on International Trade က ဖျက်လိုက်ပါတယ်။

အဖွဲ့အကြီးအကဲ ဘာရ်နဒ် လန်ဂီက ‘မြန်မာနိုင်ငံမှာ လက်ရှိဖြစ်နေတဲ့ နိုင်ငံရေးနဲ့ လူ့အခွင့်အရေးဆိုင်ရာ အခြေအနေတွေက အီးယူ-မြန်မာ ရင်းနှီးမြှုပ်နှံမှု သဘောတူညီချက်အတွက် အကျိုးဖြစ်ထွန်းစေမယ့် ဆွေးနွေးမှုမျိုး ဖြစ်လာမှာမဟုတ်ဘူးဆိုတာ ရှင်းနေတာကြောင့် အချိန်အကန့်အသတ်မရှိ ရွှေ့ဆိုင်းဖို့’ ကြာသာပတေးနေ့မှာ ဆုံးဖြတ်ခဲ့ကြောင်း ပြောကြားခဲ့ပါတယ်။

“လက်ရှိအခြေအနေတွေကြောင့် မြန်မာနဲ့ ရင်းနှီးမြှုပ်နှံမှု သဘောတူညီချက်ရဖို့ မဖြစ်နိုင်ဘူးဆိုတာ ထင်ရှားပါတယ်”

မနေ့က မနက်ပိုင်းမှာလည်း ဥရောပပါလီမန်က ‘စစ်တပ်နဲ့ လုံခြုံရေးတပ်ဖွဲ့တွေအနေနဲ့ ရိုဟင်ဂျာလူမျိုးတွေကို သတ်ဖြတ်မှု၊ အရှက်ရအောင်လုပ်မှု၊ အဓမ္မကျင့်မှုတွေနဲ့ သူတို့ရဲ့ အိမ်တွေကို မီးရှို့မှုတွေ’ ချက်ခြင်း ရပ်တန့်ဖို့အတွက် တိုက်တွန်းတဲ့ ဆုံးဖြတ်ချက်တစ်ခုကို အတည်ပြုခဲ့ပါတယ်။

မြန်မာအစိုးရ အထူးသဖြင့် နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေနဲ့ လူမျိုးရေး၊ ဘာသာရေး သွေးထိုးလှုံ့ဆော်မှုကို ခြွင်းချက်မရှိ ရှုတ်ချသင့်ကြောင်း၊ ရိုဟင်ဂျာ လူနည်းစုတွေကိုအပေါ် လူမှုရေးအရ ခွဲခြားဆက်ဆံမှုတွေ၊ ရန်လိုမှုတွေကို တိုက်ဖျက်သင့်ကြောင်း ဒီဆုံးဖြတ်ချက်မှာ ထည့်သွင်း ဖော်ပြထားပါတယ်။

သြဂုတ် ၂၅ ရက်နေ့ ရိုဟင်ဂျာလက်နက်ကိုင်အဖွဲ့ ARSA က ရခိုင်မြောက်ပိုင်းမှာရှိနေတဲ့ ရဲကင်းစခန်း ၃၀ လောက်ကို တိုက်ခိုက်ခဲ့ပြီးတဲ့နောက်ပိုင်း ဖြစ်ပေါ်လာတဲ့ မတည်ငြိမ်မှုတွေကြောင့် ရိုဟင်ဂျာအရပ်သား ၄ သိန်းလောက် ဘင်္ဂလားဒေ့ရ်ှကို ရောက်လာတယ်လို့ ယူနီဆက်ဖ်က မနေ့မှာ ပြောကြားခဲ့ပါတယ်။

Ref: aa.com