လူသတ်မှု၊ ဓားပြတိုက်မှုဖြင့် မြို့နယ်ရဲတပ်ဖွဲ့တစ်ခုလုံးကို ဖိလစ်ပိုင်ထုတ်ပယ်

စက်တင်ဘာ ၁၆၊ ၂၀၁၇
M-Media

– ဆယ်ကျော်သက်များအား သတ်ဖြတ်မှု၊ အိမ်တစ်လုံးအား ဓားပြတိုက်မှုအတွက် မြို့တော်မနီလာရှိ မြို့နယ် ရဲတပ်ဖွဲ့တစ်ခုလုံးကို အစိုးရက ထုတ်ပယ်လိုက်သည်ဟု သိရသည်။

ကာလိုကန်မြို့နယ်မှ ရဲတပ်ဖွဲ့ဖြစ်ပြီး ဆယ်ကျော်သက်သုံး ၃ ဦးအား ရက်ရက်စက်စက် သတ်ဖြတ်မှုအတွက် ရဲတပ်ဖွဲ့ဝင်များမှာ သံသယရှိခံနေရကာ၊ အိမ်တစ်လုံးအား ဓားပြတိုက်မှုကိုလည်း လုံခြုံရေးကင်မရာများမှတစ်ဆင့် တွေ့ရှိခဲ့ရသည်။

မနီလာမြို့တော်ရဲတပ်ဖွဲ့အကြီးအကဲ အော်စကာ အလ်ဘာယာလ်ဒီက တပ်ဖွဲ့ဝင် ၁၂၀၀ စလုံးကို ဖြုတ်ပစ်ခဲ့ပြီး တရားစွဲဆိုမခံရသူများကို ၄၅ ရက်တာ ပြန်လည်သင်တန်းပေးကာ အခြား ရဲစခန်းများတွင် တာဝန်ချထားပေးသွားမည်ဖြစ်ကြောင်း ပြောကြားခဲ့သည်။

ဆယ်ကျော်သက်လူငယ်များ သေဆုံးမှုမှာ ပြီးခဲ့သည့်လက ပြုလုပ်ခဲ့သည့် မူးယစ်စစ်ဆင်ရေးတွင် ဖြစ်ပြီး ကျန်ရစ်သူမိဘများက ကာလိုကန်မှ ရဲနှစ်ဦးကို လူသတ်မှု၊ နှိပ်စက်မှုတို့ဖြင့် တရားစွဲဆိုထားသည်။

ရဲတပ်ဖွဲ့ဝင်များ ဓားပြတိုက်မှုမှာ ပြီးခဲ့သည့်လတွင် ဖြစ်ပွားခဲ့ခြင်းဖြစ်ပြီး မူးယစ်စစ်ဆင်ရေးဟု အကြောင်းပြကာ ရဲ ၁၃ ဦးက အိမ်တစ်အိမ်၌ ဓားပြတိုက်ခဲ့ခြင်းဖြစ်သည်။ ထိုအဖြစ်အပျက်များကို လုံခြုံရေး ကင်မရာမှတစ်ဆင့် တွေ့ခဲ့သည်။

ပြီးခဲ့သည့်နှစ် ဒူတာတေးအာဏာရပြီးနောက် ဆောင်ရွက်ခဲ့သည့် မူးယစ်တိုက်ဖျက်ရေးမှာ ပြင်းထန်မှုများကြောင့် ဝေဖန်မှုများ ရှိခဲ့ပြီး ဆယ်ကျော်သက် ၃ ဦး သေဆုံးပြီးနောက် ဒူတာတေးကို ပြစ်တင်မှုများ ပိုမိုမြင့်တက်လာခဲ့သည်။

Ref: Aljazeera