နယူးယောက်တွင် အစ္စလာမ့်ဓမ္မပညာရှင်များညီလာခံ ကျင်းပ

စက်တင်ဘာ ၁၈၊ ၂၀၁၇
M-Media

– အမေရိကန်နှင့် အစ္စလာမ်ကမ္ဘာအကြား ယဉ်ကျေးမှုဆိုင်ရာ ဆက်ဆံရေး ပိုမို ကောင်းမွန်လာစေရန်အတွက် အစ္စလာမ့်ဓမ္မပညာရှင်များ ညီလာခံတစ်ခုကို အမေရိကန်ပြည်ထောင်စု နယူးယောက်မြို့တွင် စနေနေ့က ကျင်းပပြုလုပ်ခဲ့သည်ဟု သိရသည်။

Civilizational Communication between the United States and the Islamic World ခေါင်းစဉ်ဖြင့် ပြုလုပ်သည့် အဆိုပါ ညီလာခံကို ကမ္ဘာ့မွတ်စလင်လိဂ် (MWL) က စီစဉ်ခဲ့ခြင်းဖြစ်ပြီး ကုလသမဂ္ဂမှ တာဝန်ရှိသူများ၊ နိုင်ငံပေါင်း ၅၆ နိုင်ငံမှ အစ္စလာမ့် ဓမ္မပညာရှင်များ၊ ဒဿနပညာရှင်များ၊ ဘာသာပေါင်းစုံမှ ခေါင်းဆောင်များ စုစုပေါင်း ၄၅၀ ခန့် တက်ရောက်ခဲ့ကြသည်။

MWL ၏ အထွေထွေအတွင်းရေးမှူး ရှိခ် ဒေါက်တာ ဘင် အဘ်ဒူလ်-ကရင်မ်က အမေရိကန်နှင့် အစ္စလာမ်ကမ္ဘာအကြား လူသားချင်း စာနာထောက်ထားမှုဆိုင်ရာ၊ ပညာရေး၊ စီးပွားရေးနှင့် နိုင်ငံရေးဆိုင်ရာ ပူးပေါင်းဆောင်ရွက်များမှာ သမိုင်းနှင့်ချီ ရှိခဲ့ကြောင်း၊ မုန်းတီးမှု၊ လူမျိုးရေးခွဲခြားမှုတို့ကို အခြေခံ၍ ဖြစ်ပေါ်လာသည့် ‘ယဉ်ကျေးမှုများပွတ်တိုက်ခြင်း’ ဆိုသည့် ခေါင်းစဉ်က တကယ်မရှိသည့် အဆီးအတားများကို ဖြစ်လာစေကြောင်း ပြောကြားခဲ့သည်။

“ဒါပေမယ့် အရေးကြီးတာက အပြန်အလှန် အကျိုးစီးပွားအတွက်သာမဟုတ်ဘဲ လူသားထုတစ်ရပ်လုံးအတွက်ဖြစ်စေဖို့၊ လူမှုငြိမ်းချမ်းရေး၊ ပညာရပ်လုံခြုံရေး၊ အဆိုးတွေကိုဖယ်ရှားရေး ဆောင်ရွက်ရမယ်ဆိုတဲ့ နားလည်မှုနဲ့အတူ အတူယှဉ်တွဲနေထိုင်ရေး လိုအပ်တယ်ဆိုတာကို အသိအမှတ်ပြုဖို့ ဖြစ်ပါတယ်။ ပြီးတော့ ဘာသာ၊ လူမျိုး၊ နိုင်ငံရေး၊ အသိပညာနဲ့ အခြားသော မတူညီမှုတွေကို ထည့်မတွက်ဘဲ တရားမျှတမှုနဲ့ ပရဟိတတွေကိုလည်း ဌာပနာရပါမယ်”

ကမ္ဘာ့ ဘာသာရေးခေါင်းဆောင်များကောင်စီမှ အထွေထွေအတွင်းရေးမှူး ဒေါက်တာ ဘာဝါဂျာအင်က မိမိတို့၏ လုပ်ငန်းစဉ်မှာ အခြားသူကို လက်ခံမှုမှတစ်ဆင့် လေးစားမှုဆီသို့ သွားရမည်ဖြစ်ကြောင်း၊ မကောင်းသည့် အင်အားများကို တိုက်ဖျက်ရေးတွင် အစ္စလာမ့်မစ်နိုင်ငံများနှင့် အမေရိကနိုင်ငံများမှာ စည်းစည်းလုံးလုံးနှင့် ဆောင်ရွက်နေကြောင်း ပြောကြားခဲ့သည်။

ညီလာခံသို့ မက္ကာရှိ မတ်စ်ဂျစ်ဒ် ဟရမ် ဗလီဝတ်ကျောင်းတော်မှ ရှေ့ဆောင်အီမာမ်ကြီး ရှိခ်-အဘ်ဒူလ်ရဟ်မန် အလ်-ဆော်ဒီအပါဝင် ထင်ရှားသည့် အစ္စလာမ့် ဓမ္မပညာရှင်ကြီးများလည်း တက်ရောက်ခဲ့ကြသည်။

Ref: Alarabiya