ပါကစ္စတန်မှ ကျောင်းသားအဖွဲ့ နိုင်ငံတကာ ထိပ်တန်းလူမှုထူထောင်ရေးဆု ရရှိ

စက်တင်ဘာ ၁၉၊ ၂၀၁၇
M-Media

– ဒုက္ခသည်တွေကို အလုပ်အကိုင်အခွင့်အလမ်းတွေ ဖန်တီးပေးပြီး သွားရေးလာရေး လွယ်ကူအောင် သုံးဘီးကားကွန်ယက်တစ်ခု ထူထောင်ပေးခဲ့တဲ့ ပါကစ္စတန်-အမေရိကန် ကျောင်းသားလူငယ်အဖွဲ့တစ်ခုဟာ နိုင်ငံတကာ ထိပ်တန်းလူမှုထူထောင်ရေးဆု Hult Prize ကို ရရှိခဲ့တယ်လို့ သိရပါတယ်။

Rutgers တက္ကသိုလ်က ကျောင်းသူ ကျောင်းသားတွေဖြစ်ကြတဲ့ ဟန်နာ လက်ဟနီ၊ မိုနီဒ် မီယန်၊ ဟာဆန် အွတ်စ်မာနီနဲ့ ဂရီယာ ဖာရူကီတို့အဖွဲ့ဖြစ်ပြီး ကရာချီ ဆင်ခြေဖုံး အော်ရန်ဂီမြို့က လူ ၂ သန်းခွဲလောက်ရှိတဲ့ ဒုက္ခသည်စခန်းမှာ Roshni Rides လို့ အမည်ပေးထားတဲ့ သုံးဘီးပို့ဆောင်ရေးကွန်ယက်တစ်ခုကို တည်ထောင်ပေးခဲ့တာပါ။

အမေရိကန်အခြေစိုက် Hult Prize Foundation က ကမ္ဘာတစ်ဝှမ်း လူမှုထူထောင်ရေးလုပ်ငန်းတွေကို ရွေးချယ်ချီးမြှင့်တဲ့ ဒီဆုအတွက် အခုနှစ်မှာ နိုင်ငံပေါင်း ၁၀၀၀ ကျော်က လူမှုထူထောင်ရေးလုပ်ငန်းတွေ လုပ်ဆောင်နေတဲ့ အဖွဲ့ပေါင်း ၅၀၀၀၀ လောက် စာရင်းပေးခဲ့ကြပြီး စကာတင် ၆ ဖွဲ့ကို ရွေးချယ်ပြီးတဲ့နောက် စက်တင်ဘာ ၁၇ ရက်နေ့မှာ Roshni Rides အဖွဲ့က ဆုရရှိခဲ့တာဖြစ်ပါတယ်။

သူတို့အဖွဲ့ရဲ့ ကြိုးပမ်းမှုကြောင့် ဒုက္ခသည်တွေဟာ နေ့စဉ် ပုံမှန်ဝင်ငွေ ရရှိတဲ့အဖြစ် အခြားနေရာတွေကို အလွယ်တကူ သွားလာနိုင်တာကြောင့် ပညာရေး၊ အလုပ်အကိုင်အခွင့်အလမ်းတွေ ပိုမိုရရှိလာတယ်လို့အဖွဲ့ဝင်တွေက ပြောပါတယ်။

ဆုကြေငြာပြီး ဆုချီးမြှင့်ခဲ့တဲ့ အမေရိကန်သမ္မတဟောင်း ဘီလ်ကလင်တန်က “အများပြည်သူတွေရဲ့ ပြဿနာကို ဒီလိုဖြေရှင်းမှုဟာ အကျိုးကျေးဇူး တော်တော်ကြီးမားပါလိမ့်မယ်” ဆိုပြီး Roshni Rides အဖွဲ့ကို ချီးကျူးခဲ့ပါတယ်။

“ဒီနွေရာသီ ပါကစ္စတန်ကို ကျွန်တော်တို့ ပြန်သွားတော့ ဒီလူတွေဟာ သူတို့ရဲ့ စခန်းမှာ သီးခြားလိုဖြစ်နေပြီး ဘယ်မှ သွားလို့ မရပါဘူး။ သူတို့သွားလိုတဲ့နေရာကို သွားနိုင်ဖို့ ကျွန်တော်တို့ ဘယ်လို စီစဉ်ပေးနိုင်မလဲဆိုတာကို စဉ်းစားခဲ့ပါတယ်” လို့ အဖွဲ့ဝင်တစ်ဦးဖြစ်တဲ့ ဟာဆန် အွတ်စမာနီက သူတို့ရဲ့ အစီအစဉ် စတင်မှုနဲ့ပတ်သက်လို့ ပြောကြားခဲ့ပါတယ်။

Hult Prize ဆုအဖြစ် ဆုကြေး ကန်ဒေါ်လာ ၁ သန်း ရရှိပြီး ဒီငွေတွေနဲ့ ပါကစ္စတန်တောင်ပိုင်းမှာ လူမှုထူထောင်ရေး လုပ်ငန်းတွေ ဆက်လက်လုပ်ဆောင်သွားမယ်လို့ Roshni Rides အဖွဲ့က ဆိုပါတယ်။

Ref: Geo.tv