ဆစ်ခ်လူမျိုးများအား ခေါင်းပေါင်းဆောင်း၍ ကျောင်းတက်ခွင့်ပေးရမည်ဟု သြဇီ ဆုံးဖြတ်

စက်တင်ဘာ ၂၀၊ ၂၀၁၇
M-Media

ခေါင်းပေါင်းကြောင့် ကျောင်းတက်ခွင့် ငြင်းပယ်ခံရသည့် ဆစ်ခ်ကလေးငယ်

– ဆစ်ခ်ဘာသာဝင် ကလေးငယ်အား ခေါင်းပေါင်းဝတ်ဆင်၍ ကျောင်းတက်ခွင့်မပေးခြင်းမှာ ခွဲခြားဆက်ဆံခြင်းဖြစ်ပြီး၊ ခေါင်းပေါင်း ၀တ်ဆင်ခွင့်ပေးရမည်ဟု သြစတေးလျ နိုင်ငံသား အခွင့်အရေးဆိုင်ရာ ခုံရုံးက ဆုံးဖြတ်ခဲ့သည်။

မဲလ်ဘုန်းမှ Melton Christian စာသင်ကျောင်းမှာ အသက် ၅ နှစ်အရွယ် ဆစ်ခ်ကလေးငယ် ဆစ်ဒ်ဟက်၏ ကျောင်းအပ်မှုကို လက်မခံခဲ့ဘဲ ၎င်းမှာ ခေါင်းပေါင်းဝတ်ထားသောကြောင့်ဖြစ်သည်ဟု ပြောကြားခဲ့သည်။

ထို့ကြာင့် ကလေးငယ်၏ဖခင် ဆာဂါဒီပ် ဆင်း အေရိုရာက ထိုသို့ ငြင်းပယ်မှုမှာ သွယ်ဝိုက်၍ ခွဲခြားခြင်းဖြစ်သည်ဟု မှတ်ယူခဲ့ပြီး ဗစ်တိုးရီးယားပြည်နယ် နိုင်ငံသားနှင့် အုပ်ချုပ်ရေးဆိုင်ရာ ခုံသမာဓိရုံးသို့ တိုင်ကြားခဲ့သည်။

ဆစ်ခ်ဘာသာဝင်များမှာ ဘာသာရေးထုံးစံအရ ဆံပင်မညှပ်ရဘဲ ‘ပက်တ်ကာ’ ဟုခေါ်သည့် ခေါင်းပေါင်း ၀တ်ဆင်ခြင်းမှာလည်း ဘာသာရေးကျင့်သုံးမှု၏ အရေးပါသည့် ကျင့်ဝတ်ဖြစ်သည်။

သို့သော်လည်း Melton ကျောင်းက ထိုကျင့်သုံးမှုကို လက်မခံခဲ့ပေ။

“သြစတေးလျလို တိုးတက်နေတဲ့ နိုင်ငံမျိုးမှာ ဒီလိုဖြစ်တာဟာ တုန်လှုပ်စရာပါပဲ။ သြစတေးလျရဲတပ်ဖွဲ့နဲ့ စစ်တပ်မှာ ခေါင်းပေါင်းဆောင်းထားတဲ့ ဆစ်ခ်လူမျိုးတွေရှိတယ်။ ဒါပေမယ့် ကျွန်တော့်သားကျတော့ ကျောင်းတောင်သွားလို့မရဘူး” ဟု မစ္စတာ အေရိုရာက ပြောကြားခဲ့သည်။

စာသင်ကျောင်းက ပြည်နယ်၏ ခွဲခြားဆက်ဆံမှုဆိုင်ရာ ဥပေဒအရ ကျောင်းများမှာ လူ့အဖွဲ့အစည်းနှင့် တိုင်ပင်ဆွေးနွေးပြီးနောက်ပိုင်းတွင် ကျောင်းသားများအတွက် သင့်လျော်သည့် ကျောင်းဝတ်စုံကို သတ်မှတ်၍ ရသည်ဆိုသည့်အချက်ကို ထောက်ပြခဲ့သည်။

သို့သော်လည်း ခုံသမာဓိရုံးက Melton ၏ ကျောင်ဝတ်စုံသတ်မှတ်ချက်မှာ သင့်လျော်မှုမရှိကြောင်း၊ ခရစ်ယာန်မဟုတ်သည့်အတွက် ကျောင်းသားတစ်ဦးကို ကျောင်းအပ်လက်မခံခြင်းမှာ လက်ခံနိုင်စရာ ချက်မဟုတ်ကြောင်း၊ ဆစ်ဒ်ဟက်အား ကျောင်းဝတ်စုံနှင့် တူညီသည့် ခေါင်းပေါင်းကို ၀တ်ဆင်ခွင့်ပေးရမည်ဖြစ်ကြောင်း ဆုံးဖြတ်ခဲ့သည်။

မစ္စတာ အေရိုရာက ဆုံးဖြတ်ချက်အတွက် ပျော်ရွှင်မိသည်ဟု ပြောကြားခဲ့သည်။

“ဒါဟာ သြစတေးလျက ဆစ်ခ် လူ့အဖွဲ့အစည်းအတွက် တော်တော်လေး ကောင်းမွန်တဲ့ ဆုံးဖြတ်ချက်လို့ ကျွန်တော် ယုံကြည်ပါတယ်” ဟု ၎င်းက ဆိုပြီး ကျောင်းအာဏာပိုင်များနှင့် မကြာခင်ဆွေးနွေးကာ လာမည့်နှစ် ကျောင်းတက်ခွင့်ရရေး ကြိုးပမ်းသွားမည်ဟု ထည့်သွင်း ပြောဆိုခဲ့သည်။

Ref: BBC