ရခိုင်တွင် ကုလကြီးကြပ်မှုဖြင့် အရပ်သားများကို ကာကွယ်ပေးရန် ဘင်္ဂလားဒေ့ရ်ှဝန်ကြီးချုပ် အဆိုပြု

စက်တင်ဘာ ၂၂၊ ၂၀၁၇
M-Media

ယမန်နေ့က ကုလတွင် မိန့်ခွန်းပြောနေသည့် ရှိခ် ဟာဆီနာ

– ရခိုင်ပြည်နယ်မှာ လူမျိုးတုန်း သတ်ဖြတ်နေတာတွေကို မြန်မာနိုင်ငံက ရပ်တန့်ရမှာဖြစ်ပြီး အရပ်သားတွေကို ကာကွယ်ဖို့အတွက် ကုလရဲ့ ကြီးကြပ်မှုနဲ့ ‘အန္တရာယ်ကင်းဇုန်’ တွေ ဖန်တီးပေးဖို့ လိုတယ်လို့ ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာက ကုလ အထွေထွေညီလာခံမှာ ပြောကြားလိုက်ပါတယ်။

“ဆာလောင်မွတ်သိပ်မှုအတိနဲ့ ပရိဒေ၀မီး တောက်လောင်ကာ မျှော်လင့်ချက်မဲ့ပြီး ဘင်္ဂလားဒေ့ရှ် ကော့ဇ်ဘဇားဒေသကို ထွက်ပြေးလာတဲ့ မြန်မာနိုင်ငံက ရိုဟင်ဂျာတွေကို ဒီမလာခင် ကျွန်မ သွားကြည့်ခဲ့ပါတယ်။ အဓမ္မ မောင်းထုတ်ခံရတဲ့ မြန်မာနိုင်ငံက ဒီလူတွေဟာ သူတို့ ရာစုနှစ်များစွာ နေထိုင်ခဲ့ကြတဲ့ သူတို့ရဲ့ နိုင်ငံကနေ ‘လူမျိုးစုလိုက် သုတ်သင်မှု’ ကြောင့် ထွက်ပြေးလာရတာပါ” လို့ ဟာဆီနာက မနေ့က မိန့်ခွန်းမှာ ထည့်သွင်းပြောဆိုခဲ့တာပါ။

လက်ရှိမှာ သူတို့နိုင်ငံဟာ မြန်မာနိုင်ငံက ထွက်ပြေးလာကြတဲ့ ရိုဟင်ဂျာ ၈ သိန်းလောက်ကို ခိုလှုံခွင့်ပေးထားရပြီး၊ မြန်မာနိုင်ငံမှာ ရက်စက်ကြမ်းကြုတ်မှုတွေ၊ လူ့အခွင့်အရေး ချိုးဖောက်မှုတွေ ဆက်လက်ဖြစ်ပွားနေတာကြောင့် မြန်မာ-ဘင်္ဂလားဒေ့ရှ် နယ်စပ်က အခြေအနေတွေကို ပိုမိုဆိုးရွားစေတယ်လို့လည်း ၀န်ကြီးချုပ်က ဆိုပါတယ်။

မြန်မာနိုင်ငံအနေနဲ့ ရခိုင်ပြည်နယ်က ‘လူမျိုးစုလိုက်သုတ်သင်မှု’ လုပ်ရပ်တွေကို ခြွင်းချက်မဲ့ လုံးဝ ရပ်တန့်ဖို့၊ ကုလအနေနဲ့ အချက်အလက်ရှာဖွေရေးအဖွဲ့ကို အမြန်ဆုံးလွှတ်ဖို့၊ ကုလရဲ့ ကြီးကြပ်မှုအောက်မှာ ဘာသာလူမျိုး မခွဲခြားဘဲ ‘အန္တရာယ်ကင်းဇုန်’ တွေ ဖန်တီးပေးဖို့၊ အဓမ္မနှင်ထုတ်ခံရပြီး ဘင်္ဂလားဒေ့ရ်ှကို ရောက်ရှိနေကြတဲ့ ရိုဟင်ဂျာတွေအားလုံးကို ရှေရှည်အဆင်ပြေစေမယ့် နည်းလမ်းနဲ့ မြန်မာနိုင်ငံက သူတို့ရဲ့အိမ်တွေကို ပြန်နိုင်ဖို့ ဘင်္ဂလားဒေ့ရ်ှဝန်ကြီးချုပ်က ထည့်သွင်း အဆိုပြုခဲ့ပါတယ်။

Ref: un.org