ဘာသာရေးခွဲခြားသည့် အ၀တ်လျှော်ဆိုင်အား မလေးရှားဘုရင် ပြင်းပြင်းထန်ထန်ဝေဖန်

စက်တင်ဘာ ၂၇၊ ၂၀၁၇
M-Media

ဂျိုဟိုးဘုရင် ဆူလ်တန် အီဘရာဟင် ဆူလ်တန် အစ္စကန်ဒါ

– မွတ်စလင်သီးသန့်သာ အသုံးပြုရမည်ဟု သတ်မှတ်ထားသော အ၀တ်လျှော်ဆိုင်အနေဖြင့် ၎င်းတို့၏ ထိုလုပ်ရပ်အတွက် လူသိရှင်ကြားတောင်းပန်ကာ လူမျိုးဘာသာ မခွဲခြားဘဲ အသုံးပြုခွင့်ပေးရမည်ဟု မလေးရှားရှိ ဂျိုဟိုးပြည်နယ် ဘုရင်က အမိန့်ပေးလိုက်ပြီး ထိုသို့ မဆောင်ရွက်ပါက အပိတ်ခံရမည်ဟု သတိပေးခဲ့သည်။

“ကျုပ်တို့တိုင်းပြည်က တာလီဘန်တိုင်းပြည်မဟုတ်ဘူးဗျ။ ဒီလိုအစွန်းရောက်တဲ့လုပ်ရပ်ကို ဂျိုဟိုးက အစ္စလာမ့်ခေါင်းဆောင်တစ်ယောက်အနေနဲ့ ကျွန်တော် လုံးဝလက်မခံနိုင်ပါဘူး။ ဒီလို မဟုတ်တမ်းတရား လုပ်တာမျိုးကို လက်မခံပါဘူး။ ဒါဟာ ဂျိုဟိုးပါ။ ‘ဘန်းဆာ ဂျိုဟိုး’ (ညီညွတ်တဲ့ဂျိုဟိုး) ပါ။ လူမျိုးစုံ၊ ဘာသာစုံနဲ့ သက်ဆိုင်တဲ့ဒေသပါ။ ကျွန်တော်တို့ပြည်နယ်ဟာ တိုးတက်ပြီး ခေတ်မီတဲ့ အလယ်အလတ်ကျတဲ့ပြည်နယ် ဖြစ်ပါတယ်” ဟု ဂျိုဟိုးဘုရင် ဆူလ်တန် အီဘရာဟင် ဆူလ်တန် အစ္စကန်ဒါက ပြောကြားခဲ့သည်။

‘ဘန်းဆာဂျိုဟိုး’ အယူအဆမှာ ဘာသာပေါင်းစုံ၊ လူမျိုးပေါင်းစုံ၊ ယဉ်ကျေးမှုပေါင်းစုံ ညီညွတ်မှုမှသည် ဖွံ့ဖြိုးတိုးတက်သော ဒေသအဖြစ် ဆောင်ရွက်ရေးဖြစ်သည်။

ဂျိုဟိုးပြည်နယ် မွားမြို့ရှိ အ၀တ်လျှော်ဆိုတစ်ခုက မွတ်စလင်မဟုတ်သူများ မလာရဆိုသည့် ဆိုင်းဘုတ်ကို ဆိုင်ရှေ့တွင် ကပ်ခဲ့ပြီးနောက် မလေးရှားနိုင်ငံအတွင်း ထိုကိစ္စနှင့်ပတ်သက်၍ ဝေဖန်မှုများ မြင့်တက်လာခဲ့သည်။

ဆူလ်တန် အီဘရာဟင်က အဆိုပါ ဆိုင်ပိုင်ရှင်ကို ဝေဖန်ပြစ်တင်ခဲ့ပြီး ပြည်သူလူထုအား ပြန်လည်တောင်းပန်ကာ အားလုံး အသုံးပြုနိုင်ရေး ဖွင့်ပေးရန် တိုက်တွန်းခဲ့သည်။

“ကျွန်တော်နဲ့ ဂျိုဟိုးပြည်သူတွေကို ပိုင်ရှင်က တောင်းပန်တာမျိုး ကျွန်တော် ဖြစ်စေချင်တယ်။ ဒီလိုလုပ်ရပ်မျိုးဟာ ကျွန်တော်တို့ ဖြစ်ချင်တဲ့ ဂျိုဟိုးမဟုတ်တာကြောင့် အဲဒီလူဟာ ဂျိုဟိုးပြည်သူတွေကို စိတ်ထိခိုက်အောင်၊ အရှက်ရအောင် လုပ်တဲ့လူပါ”

“ဒီပိုင်ရှင်ဟာ ဂျိုဟိုးပြည်နယ်ရဲ့ ညီညွတ်မှု၊ သဟဇာတဖြစ်မှု၊ အလယ်အလတ်ကျမှု၊ ဘာသာရေးသည်းခံနိုင်မှုတွေကို ဆန့်ကျင်လိုက်တာပါ။ မွတ်စလင်သီးသန့်ဆိုတာမျိုး ဆက်လုပ်ရင် ဒီလူ ဂျိုဟိုးကနေ ထွက်သွားရလိမ့်မယ်။ အာဖဂန်နစ္စတန်မှာ ဆိုင်သွားဖွင့်လို့ အဲဒီလူကို ပြောချင်တယ်။ သူ့ရဲ့ အတွေးအခေါ်ဟာ ရွံစရာကောင်းပြီး ဂျိုဟိုးပြည်နယ်က ရပ်တည်ချက်တွေအားလုံးနဲ့ ဆန့်ကျင်နေပါတယ်” ဟု ဆူလ်တန်က ထည့်သွင်း ပြောဆိုခဲ့သည်။

ထို့ပြင် ထိုကိစ္စနှင့်ပတ်သက်၍ ပြည်နယ် အစ္စလာမ့်ဓမ္မသတ်မှူးချုပ် မွဖ်သီ မိုဟာမက် တဟ်ရီ၊ သာသနာရေးဆိုင်ရာ အကြီးအကဲ အဘ်ဒူလ် မူတာလစ်ဘ် ရှမ်ရှူဒင်တို့ကို ပြောကြားထားပြီး ပြည်နယ် သာသနာရေးဆိုင်ရာ ကောင်စီကိုလည်း ထိုကိစ္စအား စုံစမ်းစစ်ဆေးရန် ညွှန်ကြားထားသည်ဟု ဆူလ်တန် အီဘရာဟင်က ဆိုသည်။

အ၀တ်လျှော်ဆိုင်ပိုင်ရှင်ကမူ ထိုကဲ့သို့ ဆောင်ရွက်ရခြင်းမှာ ‘သန့်ှရှင်းမှု’ အတွက် ဖြစ်သည်ဟု ပြောကြားခဲ့ပြီး ဝေဖန်မှုများ မြင့်တက်လာခဲ့ပြီးနောက် ‘မွတ်စလင်သီးသန့်’ ဆိုင်းဘုတ်အစား၊ ‘မွတ်စလင်များနှင့် သင့်လျော်သည်’ ဆိုသည့် ဆိုင်းဘုတ်ကို ပြောင်းလဲတပ်ဆင်ခဲ့သည်။

ဂျိုဟိုးဘုရင်က အဆိုပါ ပြောင်းလဲတပ်ဆင်မှုကိုလည်း ကျေနပ်ခြင်းမရှိပေ။

“ဒါ လူလည်ကျတာပါ။ အဓိပ္ပါယ်က အတူတူပါပဲ။ ဒီဆိုင်ပိုင်ရှင်ကို ဆုံးမဖို့ လိုနေပါပြီ။ ဒီလို အစွန်းရောက်မှုမျိုးကို ရပ်တန့်စေချင်တယ်။ အစွန်းရောက်ဝါဒအတွက် ကျွန်တော့်ပြည်နယ်မှာ နေရာမရှိပါဘူး။ ဒီပိုင်ရှင်ဟာ အစ္စလာမ်နဲ့ပတ်သက်ပြီး ဘယ်မှာသွားသင်လာလဲဆိုတာ ကျွန်တော် သိချင်ပါတယ်။ အစ္စလာမ်က သည်းခံဖို့၊ အခြားလူမျိုး၊ အခြားဘာသာတွေကို လေးစားဖို့ သွန်သင်ပါတယ်”

ထို့ပြင် ဂျိုဟိုးရှိ ဗလီဝတ်ကျောင်းတော်များသည်ပင်လျှင် မွတ်စလင်မဟုတ်သူများအား ၀င်ရောက်လေ့လာနိုင်ရန် ဖွင့်ပေးထားကြောင်းလည်း ထောက်ပြပြောဆိုခဲ့သည်။

“အဲဒီပိုင်ရှင် နိုင်ငံခြားရောက်ရင် သူ့အ၀တ်တွေကို ဘယ်မှာသွားလျှော်မလဲလို့ ကျွန်တော် စဉ်းစားမိတယ်ဗျ။ မွတ်စလင်တွေရဲ့ အ၀တ်တွေကသာ သန့်ပြီး၊ မွတ်စလင်မဟုတ်သူတွေရဲ့ အ၀တ်က မသန့်ဘူးလို့ သူ ပြောနေတာများလား။ ဒီလိုဆိုလိုတယ်လို့ပဲ ကျွန်တော်ထင်တယ်”

ထိုကဲ့သို့ ခွဲခြားဆက်ဆံသည့် လုပ်ရပ်များကို ပြုလုပ်သော မည်သည့် စီးပွားရေးလုပ်ငန်းကိုမဆို လိုင်စင်ရုပ်သိမ်းရန်လည်း ဆူလ်တန် အီဘရာဟင်က သက်ဆိုင်ရာ အစိုးရဌာနများကို ညွှန်ကြားထားသည်။

Ref: Today Online