အစ္စရေးက နှောက်ယှက်သော်လည်း အင်တာပိုက ပါလက်စတိုင်းကို အဖွဲ့ဝင်အဖြစ် သတ်မှတ်

စက်တင်ဘာ ၂၈၊ ၂၀၁၇
M-Media

ကုလရုံးချုပ် အဆောက်အဦးရှေ့ရှိ ပါလက်စတိုင်းအလံ

– အစ္စရေးက ကန့်ကွက်မှုများ ရှိနေသော်လည်း နိုင်ငံကာ ရဲတပ်ဖွဲ့ (အင်တာပို) မှာ ပါလက်စတိုင်းနိုင်ငံအား အဖွဲ့ဝင်အဖြစ် ယမန်နေ့ ဘေဂျင်း၌ ပြုလုပ်ခဲ့သည့် အထွေထွေညီလာခံတွင် မဲခွဲအတည်ပြုခဲ့သည်ဟု သိရသည်။

အဖွဲ့ဝင်အဖြစ် လျှောက်ထားခဲ့သည့် ပါလက်စတိုင်းနှင့် ဆော်လမွန်ကျွန်းနိုင်ငံတို့အတွက် မဲခွဲရာ လိုအပ်သည့် မဲအရေအတွက် ၃ ပုံ ၂ ပုံ ရရှိခဲ့သောကြောင့် လက်ခံခဲ့ခြင်းဖြစ်သည်ဟု အင်တာပိုက ထုတ်ပြန်ခဲ့သည်။ ထို့ကြောင့် အင်တာပိုတွင် အဖွဲ့ဝင်နိုင်ငံ ၁၉၂ နိုင်ငံ ဖြစ်လာခဲ့သည်။

“အဖွဲ့ဝင်နိုင်ငံအများစုရဲ့ သမာသမတ်ကျတဲ့ ရပ်တည်ချက်ကြောင့် ဒီလို အောင်မြင်မှု ရလာတာ ဖြစ်ပါတယ်” ဟု ပါလက်စတိုင်း နိုင်ငံခြားရေးဝန်ကြီး ရီယာ့ဒ် အလ်-မာလီကီက ကြေငြာချက်တွင် ပြောဆိုခဲ့သည်။

ပြီးခဲ့သည့်နှစ်က အင်ဒိုနီးရှားနိုင်ငံတွင် ပြုလုပ်ခဲ့သည့် အင်တာပို ညီလာခံတွင် ပါလက်စတိုင်းမှာ အဖွဲ့ဝင်အဖြစ် လျှောက်ထားခဲ့ခြင်းဖြစ်သည်။

အစ္စရေးကမူ ပါလက်စတိုင်းမှာ အင်တာပိုသို့ ၀င်ရောက်နိုင်ခွင့်မရှိဟု ကန့်ကွက်ခဲ့ပြီး အဖွဲ့ဝင်ဖြစ်ရေး မဲခွဲမှုကို နောက်နှစ်အထိ ရွှေ့ဆိုင်းထားရန် ကြိုးစားခဲ့သော်လည်း မအောင်မြင်ခဲ့ပေ။ ပါလက်စတိုင်း၏ ထိုလုပ်ရပ်မှာ ၎င်းတို့နှင့် ရရှိထားသည့် ငြိမ်းချမ်းရေး သဘောတူညီချက်ကို ဆန့်ကျင်ခြင်းဖြစ်သည်ဟု အစ္စရေးက ရှုမြင်နေသည်။

အင်တာပိုအဖွဲ့ဝင် ဖြစ်သွားခြင်းကြောင့် ပါလက်စတိုင်းမှာ အထောက်အထား ခိုင်ခိုင်မာမာပြ၍ ၎င်းတို့ အလိုရှိသူများကို ‘အနီရောင်သတိပေးချက်’ ထုတ်ပြန်ခိုင်းပြီး တည်နေရာဖော်ထုတ်ပေးရန်၊ ယာယီဖမ်းဆီးပေးရန် ကမ္ဘာ့နိုင်ငံများရှိ ရဲတပ်ဖွဲ့များထံ အကူအညီတောင်းနိုင်မည်ကို စိုးရိမ်ရကြောင်း အစ္စရေးမီဒီယာများက ဖော်ပြခဲ့သည်။

၂၀၁၂ ခုနှစ်တွင် ကုလ အထွေထွေညီလာခံက ပါလက်စတိုင်းအာဏာပိုင်အဖွဲ့ကို ကုလသမဂ္ဂတွင် အဖွဲ့ဝင်မဟုတ်သော လေ့လာသူနိုင်ငံအဖြစ် တိုးမြှင့်သတ်မှတ်ပေးခဲ့ပြီး ထိုလုပ်ရပ်ကိုလည်း အစ္စရေးက ကန့်ကွက်ခဲ့သည်။

Ref: Reuters