ဆွီဒင်ရှိ မီးလောင်သည့်ဗလီသို့ ဘုရင်ဂူစ်တက်ဖ် လာရောက်ကြည့်ရှုကာ နှစ်သိမ့်အားပေး

စက်တင်ဘာ ၂၈၊ ၂၀၁၇
M-Media

မီးလောင်သည့်ဗလီသို့ လာရောက်ကြည့်ရှုခဲ့သည့် ဆွီဒင်ဘုရင်

– နိုင်ငံအလယ်ပိုင်းရှိ မီးလောင်သွားသည့် ဗလီဝတ်ကျောင်းတော်အား ဆွီဒင်ဘုရင် ကားလ် ဂူစ်တက်ဖ်က ယမန်နေ့တွင် လာရောက်ကြည့်ရှုခဲ့ပြီး အစ္စလာမ်ဘာသာဝင်များအား နှစ်သိမ့်အားပေးခဲ့သည်ဟု သိရသည်။

အိုရီဘရိုမြို့ရှိ ဗလီဝတ်ကျောင်းတော်မှာ အင်္ဂါနေ့က မီးလောင်ခဲ့ပြီး အဆောက်အဦး တစ်ခုလုံးနီးပါး ပျက်ဆီးခဲ့သည်။ အဆိုပါ မီးလောင်မှုမှာ ရှို့မီးဖြစ်သည်ဟု ရဲတပ်ဖွဲ့က ယူဆပြီး အသက် ၂၀ အရွယ် အမျိုးသားတစ်ဦးကို ဖမ်းဆီးထားသည်။

ဘုရင် ကားလ် ဂူစ်တက်ဖ်မှာ စီစဉ်ထားသည့် ခရီးစဉ်အဖြစ် အိုရီဘီရိုမြို့ရှိ တက္ကသိုလ်တစ်ခုသို့ လာရောက်ခဲ့ပြီးနောက် မီးလောင်သွားသည့်ဗလီသို့ လာရောက်ကြည့်ရှုကာ ဒေသတွင်းရှိ အစ္စလာမ်ဘာသာဝင်များအား နှစ်သိမ့်အားပေးခဲ့သည်။

“အိုရီဘရိုကိုရောက်နေတဲ့ ဘုရင်ကြီးက ကျွန်တော်တို့ကို အချိန်ပေးတဲ့အတွက် ဂုဏ်ယူရပါတယ်။ ဒီစိတ်မကောင်းစရာအဖြစ်အပျက်ကို သူမြင်ပြီး ကျွန်တော်တို့နဲ့အတူ မျှဝေခံစားနိုင်တာပေါ့” ဟု အိုရီဘရိုဗလီ၏ အကြီးအကဲ ဟာမန် မွန်တာဂူက ပြောကြားခဲ့သည်။

ဘုရင်ကြီးနှင့် စကားလက်ဆုံကျခဲ့သည့် ဟာဆန်၏သမီးငယ် ဂျက်စမင်က “ဘုရင်ကြီးဟာ ကြင်နာပုံရပါတယ်” ဟု ပြောကြားခဲ့သည်။ ဂျက်စမင်မှာ ဘုရင် ကားလ် ဂူစ်တက်ဖ်အား ပန်းစည်း လက်ဆောင်ပေးခဲ့သည်။

အင်္ဂါနေ့က မီးလောင်မှုအတွက် ဆွီဒင် ခရစ်ယာန်အသင်းတော်ကလည်း ၀မ်းနည်းကြောင်း ပြောကြားခဲ့ပြီး အခင်းဖြစ်ရာနေရာသို့ လာရောက်ကာ နှစ်သိမ့်အားပေးခဲ့သည်။

Ref: The Local.se