ဒုက္ခသည်များကိုတိုက်ခိုက်သည့် ဘုန်းကြီးများကို သီရိလင်္ကာအစိုးရက ပြင်းပြင်းထန်ထန်ဝေဖန်

စက်တင်ဘာ ၂၈၊ ၂၀၁၇
M-Media

ဒုက္ခသည်များနေထိုင်သည့်နေရာကို အစွန်းရောက်ဘုန်းကြီးများက တိုက်ခိုက်ရန် ကြိုးစားနေသည့် မြင်ကွင်း

– ရိုဟင်ဂျာ ဒုက္ခသည်များ ခိုလှုံရာနေရာကို တိုက်ခိုက်ခဲ့သည့် အစွန်းရောက် ဘုန်းကြီးအုပ်စုမှာ ‘တိရစ္ဆာန်များ’ ဖြစ်သည်ဟု သီရိလင်္ကာ အစိုးရက ယမန်နေ့တွင် ဝေဖန်ပြောကြားလိုက်ပြီး ဒုက္ခသည်များကို ကာကွယ်မပေးခဲ့သည့် ရဲတပ်ဖွဲ့ဝင်များကိုလည်း အရေးယူမည်ဟု ကတိပြုခဲ့သည်။

ကလေးငယ် ၁၆ ဦး အမျိုးသမီး ၇ ဦးအပါဝင် စုစုပေါင်း ရိုဟင်ဂျာဒုက္ခသည် ၃၁ ဦး နေထိုင်သည့် ကိုလံဘိုဆင်ခြေဖုံးမှ ကုလ၏ အဆောက်အဦးတစ်ခုကို ဘုန်းကြီးများဦးဆောင်သည့် လူအုပ်က အင်္ဂါနေ့တွင် ဖျက်ဆီးဝင်ရောက်ခဲ့ပြီး ရိုဟင်ဂျာများကို တိုက်ခိုက်ရန် ကြိုးစားခဲ့သည်။

သီရိင်္လာ ကက်ဘိနတ်အဖွဲ့၏ ပြောရေးဆိုခွင့်ရှိသူ ရာဂျီသာ ဆီနာရတ္တနီက အစိုးရအနေဖြင့် ထိုလုပ်ရပ်ကို ရှုတ်ချသည်ဟု ပြောကြားခဲ့သည်။

“ဖြစ်သွားတဲ့ကိစ္စအတွက် ဗုဒ္ဓဘာသာတစ်ယောက်အနေနဲ့ ကျွန်တော် ရှက်မိပါတယ်။ လက်တစ်ဆုပ်စာ ဘုန်းကြီးတွေဦးဆောင်တဲ့ လူအုပ်ရဲ့ တိုက်ခိုက်မှုကြောင့် မိခင်တွေဟာ ရင်ခွင်ပိုက်ကလေးတွေကိုချီပြီး ထွက်ပြေးခဲ့ရတယ်”

လူအုပ်မှာ အဆောက်ဦး၏ ၀င်းတံခါးများကို ရိုက်ချိုးကာ၊ ပြတင်းပေါက်မှန်များ ရိုက်ခွဲခြင်း၊ ပရိဘောဂပစ္စည်းများအား ဖျက်ဆီးခြင်းတို့ ပြုလုပ်ခဲ့ပြီး ဒုက္ခသည်များမှာ အဆောက်အဦး အပေါ်ထပ်တွင် ပုန်းအောင်းနေခဲ့ရသည်။

လူအုပ်အား ရဲတပ်ဖွဲ့က တားဆီးခဲ့ပြီး တပ်ဖွဲ့ဝင် ၂ ဦး ဒဏ်ရာရရှိခဲ့သည်။ ရိုဟင်ဂျာဒုက္ခသည်များကိုမူ ဘေးကင်းရာနေရာသို့ ပြောင်းရွှေ့ပေးခဲ့သည်။

ဆီနာရတ္တနီက လူအုပ်အား ထိန်းချုပ်ရန် ပျက်ကွက်ခဲ့သည့် ရဲတပ်ဖွဲ့ဝင်များကို စည်းကမ်းပိုင်းဆိုင်ရာ အရေးယူမှုပြုလုပ်ရန် အမိန့်ပေးထားသည်ဟု ပြောကြားခဲ့သည်။

“ဒါဟာ ဗုဒ္ဓမြတ်စွာဘုရားရဲ့ သွန်သင်မှုမဟုတ်ဘူးဗျ။ ဒီဒုက္ခသည်တွေအပေါ် ကျွန်တော်တို့ဟာ မေတ္တာထားရမယ်။ တိုက်ခိုက်မှုတွေလုပ်တဲ့ ဘုန်းကြီးတွေဟာ သံဃာအစစ်တွေမဟုတ်ပါဘူး။ တိရစ္ဆာန်တွေပါ”

အဆိုပါ ဒုက္ခသည် ၃၁ ဦးကို သီရိလင်္ကာရေတပ်က ကယ်တင်ထားခြင်းဖြစ်ပြီး ကုလအစီအစဉ်ဖြင့် တတိယနိုင်ငံတွင် သွားရောက်အခြေချရန် စောင့်ဆိုင်းနေသူများဖြစ်သည်။

Ref: Dhakatribune