ရခိုင်ရှိ လူ့အဖွဲ့အစည်းများအတွက် စင်ကာပူက အကူအညီပေးပို့မည်

စက်တင်ဘာ ၂၉၊ ၂၀၁၇
M-Media

မတည်ငြိမ်မှုကြောင့် အိုးအိမ်စွန့်ခွာ ထွက်ပြေးရသည့် ရိုဟင်ဂျာများ

– ရခိုင်ပြည်နယ်က မတည်ငြိမ်မှုတွေကြောင့် ထိခိုက်ခံစားရတဲ့ ပြည်သူတွေအတွက် စင်ကာပူက ဒေါ်လာ သုံးသိန်းတန်ဖိုးရှိတဲ့ လူသားချင်း စာနာထောက်ထားမှုဆိုင်ရာ အကူအညီတွေ ပေးပို့သွားဖို့ ရှိနေပါတယ်။

ဒီ ကူညီထောက်ပံ့မှုဟာ ထိခိုက်ခံစားရတဲ့ လူ့အဖွဲ့အစည်းအားလုံးအတွက် ဖြစ်တယ်လို့ စင်ကာပူ ကာကွယ်ရေးဝန်ကြီးဌာန (MINDEF) က ဒီနေ့မှာ ပြောကြားခဲ့ပါတယ်။

“လူသားချင်း စာနာထောက်ထားမှုဆိုင်ရာ အခြေအနေအတွက် စင်ကာပူဟာ စိုးရိမ်မိပါတယ်” လို့လည်း ၀န်ကြီးဌာနက ဆိုပါတယ်။

ASEAN Charter နဲ့ အညီ လူသားချင်း စာနာထောက်ထားမှုဆိုင်ရာ အကူအညီတွေ ပေးအပ်ဖို့အတွက် လက်ရှိနည်းလမ်းတွေကို အသုံးပြုပြီး အရှေ့တောင်အာရှနိုင်ငံတွေရဲ့ ဆောင်ရွက်မှုတွေကို ပံ့ပို့ပေးသွားမယ်လို့လည်း MINDEF က ထည့်သွင်း ပြောဆိုခဲ့ပါတယ်။

အခုလက်ရှိ အကူအညီတွေကို မြန်မာနဲ့ ဘင်္ဂလားဒေ့ရှ် အစိုးရတွေဆီ ပေးပို့မှာ ဖြစ်ပါတယ်။

စင်ကာပူက ဘာသာရေးနဲ့ လူမှုရေးအဖွဲ့အစည်းတွေကလည်း ရခိုင်ပြည်နယ်က ထိခိုက်ခံစားရသူတွေကို ကူညီပေးနိုင်ဖို့အတွက် ရန်ပုံငွေတွေ ကောက်ခံနေပါတယ်။

Ref: CNA