ရိုဟင်ဂျာဒုက္ခသည်များကို တိုက်ခိုက်မှုအတွက် သီရိလင်္ကာက လူ ၆ ဦးကို ဖမ်းဆီးထား 

အောက်တိုဘာ ၂၊ ၂၀၁၇

M-Media

– ပြီးခဲ့တစ်ပတ်က ကိုလံဘိုဆင်ခြေဖုံးမှာ ရိုဟင်ဂျာဒုက္ခသည်တွေကို တိုက်ခိုက်မှုနဲ့ပတ်သက်ပြီး သီရိလင်္ကာ ရဲတပ်ဖွဲ့က လူ ၆ ဦးကို ဖမ်းဆီးလိုက်ပါတယ်။

ဘုန်းကြီးတွေဦးဆောင်တဲ့ လူအုပ်စုဟာ ကုလက စောင့်ရှောက်ထားတဲ့ ရိုဟင်ဂျာဒုက္ခသည် ၃၁ ဦး နေထိုင်ရာ အဆောက်အဦးကို ဖျက်ဆီးဝင်ရောက်ကာ ဒုက္ခသည်တွေကိုရန်မူဖို့ ကြိုးစားခဲ့တာဖြစ်ပါတယ်။ သိရိလင်္ကာအစိုးရက ဒီလုပ်ရပ်ကို ပြင်းပြင်ထန်ထန် ဝေဖန်ခဲ့ကာ ဒီလုပ်ရပ်မှာ ပါဝင်တဲ့ ဗုဒ္ဓဘာသာဘုန်းကြီးတွေဟာ ဘုရားသားတော်တွေမဟုတ်ဘဲ ‘တိရိစ္ဆာန်တွေ’ သာ ဖြစ်တယ်လို့ ပြောကြားခဲ့ပါတယ်။

“တိုက်ခိုက်မှုကို ဦးဆောင်ခဲ့တဲ့ ဘုန်းကြီးတွေကို ကျွန်တော်တို့ ဖော်ထုတ်ပြီးပါပြီ။ အဲဒီလူတွေကို ဖမ်းဆီးဖို့ အဖွဲ့ ၃ ဖွဲ့ လွှတ်ထားပါတယ်” လို့ စုံစမ်းစစ်ဆေးမှုမှာ ပါဝင်တဲ့ တာဝန်ရှိသူတစ်ဦးက AFP သတင်းဌာနကို ပြောကြားခဲ့သည်။

တိုက်ခိုက်မှုတွေကို တားဆီးရင်း ရဲတပ်ဖွဲ့ဝင်တစ်ချို့ ဒဏ်ရာရခဲ့ပြီး ၂ ဦးဟာ အခုအချိန်အထိ ဆေးရုံမှာ ရှိနေပါတယ်။

ဒီကိစ္စနဲ့ပတ်သက်ပြီး သီရိလင်္ကာ ရဲတပ်ဖွဲ့ဟာ အမျိုးသား ၅ ဦနဲ့ အမျိုးသမီးတစ်ဦးတို့ကို ဖမ်းဆီးထားတယ်လို့ အစိုးရတာဝန်ရှိသူတစ်ဦးက ပြောကြားခဲ့ပြီး ဒီတိုက်ခိုက်မှုကို တားဆီးဖို့ ပျက်ကွက်မှုအတွက် ရဲတပ်ဖွဲ့ဝင်တော်တော်များများကိုလည်း စုံစမ်းစစ်ဆေးနေတယ်လို့ ဆိုပါတယ်။

ကိုလံဘိုဆင်ခြေဖုံးမှာ ကုလအစောင့်အရှောက်နဲ့ နေထိုင်တဲ့ အဲဒီ ဒုက္ခသည်တွေကို သီရိလင်္ကာရေတပ်က ပင်လယ်ထဲနေ ကယ်တင်ထားတာဖြစ်ပါတယ်။

သီရိလင်္ကာက အစွန်းရောက်ဘုန်းကြီးတွေဟာ မြန်မာနိုင်ငံက အစွန်းရောက်ဘုန်းကြီးတွေနဲ့ အဆက်သွယ်ရှိနေပြီး ဒီအုပ်စုနှစ်ခုစလုံးဟာ သူတို့ရဲ့ သက်ဆိုင်ရာနိုင်ငံတွေက မွတ်စလင်လူနည်းစုတွေအပေါ် ပစ်မှတ်ထား တိုက်ခိုက်မှုတွေအတွက် မီးထိုးပေးနေတယ်လို့ စွပ်စွဲခံထားရပါတယ်။

Ref: AFP