တရုတ်လမုန့်ပွဲတော်ကို မလေးရှားရှိ ဗလီတစ်လုံးတွင် ၄ နှစ်မြောက်အဖြစ် ကျင်းပ

အောက်တိုဘာ ၅၊ ၂၀၁၇
M-Media

– တရုတ်လူမျိုးတွေရဲ့ လမုန့်ပွဲတော်နဲ့ မီးထွန်းပွဲတော်ကို မလေးရှားနိုင်ငံ ပဲရက်ပြည်နယ် အီပိုးမြို့က ‘မုဟမ္မဒီယာ ဗလီဝတ်ကျေင်းတော်’ မှာ စနေနေ့က ကျင်းပခဲ့ပါတယ်။

အဲဒီပွဲတော်ကို တရုတ်မွတ်စလင်အသင်း အီပိုးဌာနခွဲ၊ ပဲရက်အစ္စလာမ်သာသနာရေးဌာန (JAIPK) နဲ့ Soka Gakkai Malaysia အဖွဲ့ ပဲရက်ဌာနခွဲတို့က ပူးပေါင်းစီစဉ် ကျင်းပတာဖြစ်ပါတယ်။

မိုဟမ္မဒီယာဗလီဝတ်ကျောင်းတော်မှာ ၄ နှစ်မြောက်ပြုလုပ်တဲ့ အဲဒီပွဲတော်မှာ လမုန့်လုပ်တာ၊ မီးအိမ်လုပ်တာ၊ မီးအိမ်တွေနဲ့ စီတန်းလှည့်လည်တာ၊ တရုတ် စာပန်းချီရေးပွဲနဲ့ လက်ဖက်ရည်ဝိုင်းတွေလည်း ပါဝင်ပါတယ်။

ပွဲတော်ကို တက်ရောက်ချီးမြှင့်ခဲ့တဲ့ ပဲရက်ပြည်နယ် ၀န်ကြီးချုပ် ဒါတွတ် ဆရီ ဒေါက်တာ ဇမ်ဘရီ အဘ်ဒွလ် ကာဒရ်က ဒီလိုပွဲတော်မျိုး မြင်တွေ့ရတဲ့အတွက် ပျော်ရွှင်မိတယ်လို့ ဆိုပါတယ်။

“ယဉ်ကျေးမှုဆိုင်ရာ ပွဲတော်တွေနဲ့ ဘာာသာရေးဆိုင်ရာ ပွဲတော်တွေဟာ မတူညီဘူးဆိုတာ ပြသဖို့အတွက် ဒီလိုပွဲမျိုးတွေ ကျွန်တော်တို့လုပ်ဖို့ လိုအပ်ပါတယ်။ ဒီမီးထွန်းပွဲတော်ဟာ လူတိုင်း ပါဝင်ဆင်နွှဲနိုင်တဲ့ ပွဲတော်မျိုးပါ။ အစ္စလာမ်က ဟိုဟာလုပ်လို့မရဘူး၊ ဒီဟာလုပ်လို့မဘူးလို့ တစ်ချို့အုပ်စုတွေရဲ့ ပြောကြားမှုတွေကို လက်မခံကြပါနဲ့” ဟု ၀န်ကြီးချုပ်က ပြောကြားခဲ့ပါတယ်။

အစ္စလာမ်သာသနာဟာ စည်းလုံးခြင်း၊ ငြိမ်းချမ်းခြင်းသာဖြစ်တယ်လို့လည်း သူက ဆိုပါတယ်။

“သာသနာဟာ တစ်ခြားတိုင်းပြည်တွေကို ရောက်သွားတဲ့အခါ အဲဒီက ဒေသယဉ်ကျေးမှုနဲ့ လိုက်လျောညီထွေ ဖြစ်သွားပါတယ်။ တရုတ်နိုင်ငံနဲ့ စပိန်နိုင်ငံ ဗလီတွေမှာဆိုင်ရင် သက်ဆိုင်ရာ နိုင်ငံတွေရဲ့ ဗိသုကာလက်ရာတွေကို ထည့်သွင်းတည်ဆောက်ထားပါတယ်”

မတူညီတဲ့ လူမျိုးတွေ၊ ဘာာသာတရားတွေက လူတွေဟာ တစ်ဦးနဲ့တစ်ဦး သဟဇာတဖြစ်စွာ ဆက်လက် နေထိုင်သွားမယ်ဆိုတဲ့ မျှော်လင့်ချက်မျိုး ရှိနေတယ်လို့လည်း ဒေါက်တာ ဇမ်ဘရီက ပြောကြားခဲ့ပါတယ်။

“ဒီကျင်းပမှုဟာ လူတိုင်း ကျင့်သုံးသင့်တယ်ဆိုတာကို ပြသတာမျိုး ကျွန်တော်တို့ ဖြစ်စေချင်ပါတယ်။ တစ်ယောက်နဲ့တစ်ယောက် ငြိမ်းချမ်းစွာ အတူယှဉ်တွဲ နေထိုင်နိုင်တယ်ဆိုတာ ကျွန်တော်တို့ ကမ္ဘာကြီးကို ပြသရပါမယ်”

တရုတ်မွတ်စလင်အသင်းဥက္ကဌ ဒါတွတ် ဒေါက်တာ ချီယာ အဘ်ဒူလာကလည်း အခုနောက်ပုိုင်းမှာ အစ္စလာမ်သာသနာနဲ့ပတ်သက်လို့ နားလည်မှုလွဲတာတွေ များလာကြောင်း၊ အခုလိုအစီအစဉ်မျိုးက မတူညီတဲ့ ဘာသာဝင်တွေကြားထဲမှာ ဆက်ဆံရေးကို ခိုင်မြဲစေနိုင်ကြောင်း ထည့်သွင်း ပြောဆိုခဲ့ပါတယ်။

မုဟမ္မဒီယာ ဗလီဝတ်ကျောင်းတော်မှာ ပြုလုပ်ခဲ့တဲ့ ဒီ တရုတ်ရိုးရာပွဲတော်ကို အစိုးရ တာန်ရှိသူတွေအပြင် ပြည်သူတွေလည်း တက်ရောက်ခဲ့ကြပါတယ်။

Ref: The Star