၂၀၃၀ တွင် ၀မ်းရောဂါကြောင့်သေဆုံးမှုကို ၉၀ ရာခိုင်နှုန်းအထိ လျော့ချရန် ရည်မှန်း

အောက်တိုဘာ ၆၊ ၂၀၁၇
M-Media

– ကမ္ဘာတစ်ဝှမ်းက ကျန်းမာရေးတာဝန်ရှိသူများမှာ ယခုတစ်ပတ်အတွင်း ပြင်သစ်နိုင်ငံ၌ တွေ့ဆုံ၍ ၂၀၃၀ ခုနှစ်အရောက်တွင် ကာလ၀မ်းရောဂါကြောင့် သေဆုံးမှု ၉၀ ရာခိုင်နှုန်းကို လျှော့ချရန် သဘောတူခဲ့ကြသည်။

ညစ်ညမ်းသောရေမှတဆင့် ဖြစ်ပွားလေ့ရှိသော ကာလ၀မ်းရောဂါကြောင့် နှစ်စဉ်နှစ်တိုင်း လူ ၁ သိန်းခန့် သေဆုံးလေ့ရှိသည်။

ကမ္ဘာ့ကျန်းမာရေးအဖွဲ့ချုပ် (WHO)၊ အကူအညီပေးရေးအဖွဲ့များနှင့် အလှူရှင်များက အဆိုပါရောဂါကို တိုက်ဖျက်ရန် ကတိပြုခဲ့သည်မှာ ယခုအကြိမ်သည် ပထမဆုံးအကြိမ် ဖြစ်သည်။

ယီမင်နိုင်ငံတွင် စစ်ဖြစ်ပွားမှုဒဏ်ကြောင့် တစ်ကိုယ်သန့်ရှင်းရေးနှင့် မိလ္လာစနစ်များ၊ ရေထောက်ပံ့ပေးဝေရေးစနစ်များ ပျက်စီးသွားပြီး မှတ်တမ်းများအရ ကာလ၀မ်းရောဂါပျံ့နှံ့မှု အဆိုးရွားဆုံးဖြစ်ပွားသော နိုင်ငံများအနက် တစ်ခုဖြစ်နေသည်။

လူဦးရေ ၇၇၀၀၀၀ ကျော် ၀မ်းရောဂါခံစားနေရပြီး ၂၀၀၀ ကျော်သေဆုံးခဲ့ပြီး သေဆုံးသူအများစုမှာ ကလေးများ ဖြစ်သည်။

ဝမ်းရောဂါမှာ အစားအသောက်နှင့် သောက်သုံးရေ မသန့်ရှင်းမှုကြောင့် ဖြစ်ပွားခြင်းဖြစ်ပြီး ဓာတ်ဆားရည်သောက်ရုံဖြင့် ပျောက်ကင်းနိုင်ကာ၊ သန့်ရှင်းသောရေကို သောက်သုံးခြင်း တစ်ကိုယ်ရည်သန့်ရှင်းမှုကို ဂရုစိုက်ခြင်းဖြင့် တားဆီးနိုင်သည်။

WHO က ကမ္ဘာတစ်ဝှမ်းတွင် လူပေါင်း ၂ ဘီလီယံခံမှာ သန့်ရှင်းသောရေကို မရရှိပဲ ၀မ်းရောဂါဖြစ်ပွားမှုအန္တရာယ် ရှိနေကြောင်၊ လျော့ရဲသည့် ကျန်းမာရေးစနစ်များ၊ စောစီးစွာ သိရှိခြင်း မရှိမှုတို့က ၀မ်းရောဂါကို ပိုမိုလျင်မြန်စွာ ပြန့်နှံ့စေသည်ဟု ပြောကြားခဲ့သည်။

Ref : BBC