ချီကာဂိုတက္ကသိုလ်ပါမောက္ခ စီးပွားရေးဆိုင်ရာ နိုဘယ်ဆုရရှိ

အောက်တိုဘာ ၁၀၊ ၂၀၁၇
M-Media

– အမေရိကန်စီးပွားရေးပညာရှင် ရစ်ချတ် တေလာသည် စီးပွားရေးနှင့် စိတ်ပညာအကြား လစ်လပ်နေသည့် ကွက်လပ်ကို ဖြည့်ဆည်းပေးနိုင်ခဲ့သည့် ၎င်း၏လုပ်ဆောင်မှုအတွက် စီးပွားရေးဆိုင်ရာ နိုဘယ်ဆုကို ရရှိခဲ့ကြောင်း ရွေးချယ်ရေးအဖွဲ့က ယမန်နေ့တွင် ပြောကြားလိုက်သည်။

“ကျိုးကြောင်းဆင်ခြင်နိုင်စွမ်း အကန့်အသတ်၊ လူမှုရေးဆိုင်ရာ အလေးထားမှုနဲ့ ကိုယ့်ကိုယ်ကို ထိန်းချုပ်နိုင်စွမ်းကင်းမဲ့မှုတွေရဲ့ အကျိုးဆက်တွေကို ရှာဖွေဖော်ထုတ်နိုင်ခြင်းအားဖြင့် ဒီအချက်တွေက လူတစ်ဦးချင်းရဲ့ ဆုံးဖြတ်ချက်တွေနဲ့ စီးပွားရေးရလဒ်အပေါ် ဘယ်လိုသက်ရောက်နိုင်လဲဆိုတာကို သူက ပြသခဲ့ပါတယ်” ဟု အဖွဲ့မှ ထုတ်ပြန်သည့် ကြေငြာချက်တွင် ဖော်ပြထားသည်။

ထို့ပြင် လက်တွေ့ကျသည့် ထိုတွေ့ရှိချက်များ၊ သီအိုရီပိုင်းဆိုင်ရာ အယူအဆများက စီးပွားရေးနယ်ပယ်ကို ကျယ်ပြောလာစေခဲ့ပြီး သုတေသနနှင့် ပေါ်လစီဆိုင်ရာများတွင် သိသိသာသာ ရိုက်ခတ်မှုများ ရှိခဲ့သည်ဟုလည်း ဆိုသည်။

တေလာက နိုဘယ်ဆုရရှိခဲ့သည့်အတွက် ၀မ်းသာပီတိ ဖြစ်ရသည်ဟု ဗီဒီယိုမှတစ်ဆင့် နိုဘယ်ဆု ချီးမြှင့်ရေး ကော်မတီကို ပြောကြားခဲ့သည်။

အသက် ၇၂ နှစ်အရွယ်ရှိ တေလာသည် ဆုငွေအဖြစ် ခရိုနာ ၉ သန်း (ကန်ဒေါ်လာ ၁.၁ သန်း) ကို ရရှိမည် ဖြစ်သည်။

တေလာမှာ စီးပွားရေးဆိုင်ရာ နိုဘယ်ဆုအရများသည့် ချီကာဂိုတက္ကသိုလ်မှ ပါမောက္ခတစ်ဦးလည်းဖြစ်သည်။ လက်ရှိအချိန်အထိ နိုဘယ်ဆုရှင် စုစုပေါင်း ၇၉ ဦးတွင် ၃ ပုံ ၁ ပုံကျော်မှာ ချီကာဂိုတက္ကသိုလ် စီးပွားရေးဌာနနှင့် ဆက်နွယ်နေသည်။

Source: AFP