မော်ရိုကိုတွင် အာဖရိကတိုက်၏ အမြန်ဆုံးရထား ပြေးဆွဲတော့မည်

အောက်တိုဘာ ၁၀၊ ၂၀၁၇
M-Media

– အာဖရိက၏ အမြန်ဆုံးရထားလမ်းတစ်ခုကို အခုသီတင်းပတ်အတွင်း စမ်းသပ်ရန်အတွက် အင်ဂျင်နီယာများက စီစဉ်နေသည်ဟု မော်ရိုကို မီးရထား အာဏာပိုင်အဖွဲ့ ONCF က ပြောကြားလိုက်သည်။

မော်ရိုကိုမှာ ယမန်နေ့က နိုင်ငံမြောက်ပိုင်း ကီနီထရာနှင့် တန်ဂီယာမြို့များကို ဆက်သွယ်ထားထားသည့် ရထားလမ်းတွင် တစ်နာရီ ၂၇၅ ကီလိုမီတာ နှုန်းဖြင့် မောင်းနှင်ခဲ့ကာ တစ်နာရီ ကီလိုမီတာ ၃၂၀ အထိ မောင်းနှင်ရန် စီစဉ်နေခြင်းဖြစ်သည်။

“ဒါဟာ အာဖရိကတိုက်ရဲ့ အမြန်ဆုံး ရထားပါပဲ” ဟု ပြင်သစ်နိုင်ငံခြားရေးဝန်ကြီး Jean-Yves Le Drian က ပြောကြားခဲ့သည်။ ၎င်းမှာ ONCF နှင့် ‘ပြင်သစ်ဖွံ့ဖြိုးရေးအေဂျင်စီ’ တို့အကြား ချေးငွေ သဘောတူညီချက်ကို လက်မှတ်ထိုးရန် မော်ရိုကိုသို့ ရောက်ရှိနေသည်။

ဝန်ကြီးက ယခုရထားလမ်းမှာ ပြင်သစ်-မော်ရိုကို နှစ်နိုင်ငံ ဆက်ဆံရေး၏ ပြယုဂ်ဖြစ်သည်ဟု ပြောကြားခဲ့သည်။

မြို့တော် ရာဘတ်ကိုဖြတ်၍ ဖောက်လုပ်ထားသည့် ကီလိုမီတာ ၃၅၀ ရှည်လျားသော ကာဆာဘလန်ကာ-တန်ဂီယာ ရထားလမ်းပိုင်းမှာ မော်ရိုကို၏ စီးပွားရေးမြို့များအကြား ခရီးသွားလာမှု ကြာချိန်ကို ၃ ပုံ ၂ ပုံအထိ လျှော့ချပေးနိုင်မည်ဖြစ်သည်။

TGV ဟု အမည်ပေးထားသည့် အဆိုပါ မီးရထားစီမံကိန်းမှာ ကန်ဒေါ်လာ ၂.၄ ဘီလီယံ ကုန်ကျခဲ့ပြီး ပြင်သစ်က ၅၀ ရာခိုင်နှုန်း နှစ်ရှည်ချေးငွေ ထုတ်ပေးထားခြင်းဖြစ်သည်။ စမ်းသပ်မှုများ ပြုလုပ်ပြီးနောက် ၂၀၁၈ ခုနှစ် နွေရာသီတွင် စတင်ပြေးဆွဲရန် စီစဉ်ထားသည်။

ရထားလမ်းသစ်ကြောင့် ပထမ ၃ နှစ်အတွင်း ခရီးသွား ၆ သန်းကို စွဲဆောင်နိုင်မည်ဟု ONCF က မျှော်လင့်နေသည်။

Ref: middleeasteye