လူငယ်များမူးယစ်ဆေးစွဲသည့်ကိစ္စကို ဘီယာပွဲတော်ထက် ပိုမိုပူပန်ရမည်ဟု မလေးဝန်ကြီးချုပ်ဟောင်းပြော

အောက်တိုဘာ ၁၀၊ ၂၀၁၇
M-Media

– မွတ်စလင်မဟုတ်သူတွေ ဘီယာသောက်တဲ့အပေါ် ပူပန်တာထက် မိမိတို့ရဲ့ လူငယ်တွေ မူးယစ်ဆေးဝါးကျေးကျွန်ဖြစ်နေတာ၊ လူသတ်မှုတွေ ကျူးလွန်နေတာတွေကို မွတ်စလင်တွေအနေနဲ့ ပိုပြီး စိုးရိမ်သင့်တယ်လို့ မလေးရှားဝန်ကြီးချုပ်ဟောင်း ဒေါက်တာ မဟာသီယာ မိုဟာမက်က ဒီကနေ့မှာ ပြောကြားလိုက်ပါတယ်။

ကွာလာလမ်ပူမှာ ကျင်းပဖို့ စီစဉ်ထားတဲ့ ဘီယာပွဲတော်ကို ဘာသာရေးသဘောထားတင်းမာသူတွေ ကန့်ကွက်မှုကြောင့် အာဏာပိုင်တွေက ပိတ်ပစ်ခဲ့မှုကို တုန့်ပြန့်တဲ့အနေနဲ့ သူ့ရဲ့ ဘလော့ဂ်မှာ မဟာသီက ပြောကြားခဲ့တာပါ။

အများပြည်သူသွားနေတဲ့ လမ်းမပေါ်မှာမဟုတ်ဘူး၊ တစ်ခြားလူတွေကို အနှောက်အယှက်မဖြစ်စေဘူးဆိုရင် မွတ်စလင်မဟုတ်သူတွေ အရက်သောက်ယုံမက မှောက်သွားလည်း ကိုယ့်ကိစ္စမဟုတ်ဘူးလို့ ၀န်ကြီးချုပ်ဟောင်းက ဆိုပါတယ်။

“ဘီယာပွဲတော်ဆန့်ကျင်တဲ့ကိစ္စမှာ မပါတဲ့အတွက် လူတော်တော်များများက ကျွန်တော့်ကို စိတ်ဆိုးနေတယ်ဆိုတဲ့အသံတွေ ကြားရပါတယ်။ ကျွန်တော့်သဘောက မွတ်စလင်မဟုတ်တဲ့သူတွေ အရက် ဒါမှမဟုတ် ဘီယာသောက်လို့ မှောက်သွားသွား- ဒါဟာ သူတို့ကိစ္စဗျ။ အရေးကြီးတာက တစ်ခြားလူတွေအတွက် အနှောက်အ
ယှက်မဖြစ်စေဖို့နဲ့ မူးပြီး ကားမမောင်းဖို့ပါပဲ”

“ကျွန်တော် တကယ်ဝမ်းနည်းတာက မွတ်စလင်လူငယ်လေးတွေ မူးယစ်ဆေးသုံးပြီး ကုရ်အာန်သင်ကျောင်းကို မီးရှို့လို့ ၂၃ ဦးသေဆုံးသွားတာပါ” လို့ မဟာသီက ရေးသားခဲ့ပါတယ်။

ဒီလိုသေဆုံးမှုဟာ ကံကြမ္မာကြောင့်ဖြစ်တာဖြစ်ပြီး ကျောင်းက ဆရာတွေရဲ့အဆိုအရ ဒီကလေးငယ်တွေဟာ သူတို့ရဲ့ မိဘတွေကို ကောင်းကင်ဘုံရဲ့ တံခါးဝမှာ စောင့်နေမယ်ဆိုပြီး ပြောကြားမှုတွေ ရှိနေတာကိုလည်း ဒေါက်တာက ထောက်ပြခဲ့ပါတယ်။

“ကျွန်တော်ကတော့ ဘာ့ကြောင့် မလေးမွတ်စလင်လူငယ်လေးတွေဟာ ဆေးသုံးရလဲဆိုတာပဲ မေးခွန်းထုတ်မိတယ်။ တရုတ်နဲ့ အိန္ဒိယကလေးတွေကျတော့ ဘာဖြစ်လို့ ဒါတွေမလုပ်လဲ။ ဒါဟာလည်း ကံကြမ္မာကြောင့်ပဲလား။ မလေးမွတ်စလင်ကလေးငယ်တွေ ဆေးမသုံးအောင် ကျွန်တော်တို့ တားဆီးလို့ မရဘူးလား – ဆိုတဲ့
မေးခွန်းတွေပါပဲ”

Ref : TodayOnline