နိုင်ငံအတွင်း လူမျိုး၊ ဘာသာ သဟဇာတဖြစ်မှုကို ဆက်ထိန်းရန် မလေးဘုရင်များ တိုက်တွန်း

အောက်တိုဘာ ၁၁၊ ၂၀၁၇
M-Media

မလေးရှား၏ ၁၅ ယောက်မြောက် ပြည်ထောင်စုဘုရင်အဖြစ် ထမ်းဆောင်မည့် ကလန်တန်းပြည်နယ်ဘုရင် ဆူလ်တန် မိုဟာမက် ၅

– အစ္စလာမ်သာသနာ ခေါင်းစဉ်အောက်မှာ ‘လိုအပ်တာထက်ပိုတဲ့ ဆောင်ရွက်မှုတွေ’ ပြုလုပ်နေတယ်လို့ မလေးရှားနိုင်ငံ ပြည်နယ်အသီးသီးက ဘုရင်တွေက ပြောကြားလိုက်ပြီး နိုင်ငံအတွင်း စည်းလုံးညီညွတ်မှု၊ ဘာသာရေးသဟဇာတဖြစ်မှုကို ဆက်လက်ထိန်းသိမ်းထားဖို့လည်း တိုက်တွန်းခဲ့ပါတယ်။

အစ္စလာမ်ဘာသာဝင် ၆၀ ရာခိုင်နှုန်းရှိပြီး ဗုဒ္ဓဘာသာဝင်၊ ခရစ်ယာန်ဘာသာဝင်နဲ့ ဟိန္ဒူဘာသာဝင်တော်တော်များများရှိတဲ့ မလေးရှားနိုင်ငံမှာ ပြီးခဲ့တဲ့လတွေအတွင်း ဘာသာရေးသည်းမခံနိုင်မှုတွေကို တွေ့လာရတာကြောင့် လူနည်းစုတွေက စိုးရိမ်မှုတွေဖြစ်နေတယ်ဆိုတဲ့ သတင်းတွေ ပေါ်ထွက်လာပြီးတဲ့နောက်ပိုင်း ဘုရင်တွေရဲ့ ဒီတိုက်တွန်းမှု  ထွက်လာတာပါ။

ပြည်နယ် ၉ ခုမှာ စည်းမျဉ်းခံအဖြစ် ရှိနေတဲ့ ဘုရင် ၉ ပါးက လက်မှတ်ရေးထိုးထားပြီး မနေ့က ထုတ်ပြန်တဲ့ ကြေငြာချက်မှာ မလေးရှားဟာ လူမျိုးစုံ၊ ဘာသာစုံရှိတဲ့ တိုင်းပြည်ဖြစ်တယ်ဆိုတဲ့ အခြေခံဥပဒေစည်းမျဉ်းကို ပြည်သူတွေက အလေးထားဖို့လိုတယ်လို့ ဖော်ပြထားပါတယ်။

“အခုနောက်ပိုင်း လူတစ်ချို့ရဲ့ လိုတာထက်ပိုတဲ့ လုပ်ရပ်တွေက မတူကွဲပြားတဲ့ လူမျိုးတွေ၊ ဘာသာတွေက ပြည်သူတွေကြားထဲမှာ သဟဇာတဖြစ်တဲ့ ဆက်ဆံရေးကို ပျက်ဆီးစေနိုင်ပါတယ်။ အစ္စလာမ်နဲ့ဆက်နွယ်သယောင်ယောင် အစ္စလာမ်အမည်ခံပြီး လုပ်ဆောင်နေတဲ့ ဘယ်လိုလုပ်ရပ်မျိုးမဆို သဟဇာတဖြစ်မှုအပေါ် ဆိုးဆိုးဝါးဝါး ထိခိုက်စေမယ်လို့ ဘုရင်မင်းမြတ်တွေက ခံစားရပါတယ်” လို့ ကြေငြာချက်မှာ ဖော်ပြထားပါတယ်။

ဗုဒ္ဓဟူးနေ့မှာ ပြုလုပ်ဖို့ရှိနေတဲ့ ဘုရင်တွေရဲ့ အစည်းအဝေးမတိုင်ခင်မှာ ဒီကြေငြာချက် ထွက်ပေါ်လာတာဖြစ်ပြီး သာမန်အားဖြင့် တိုင်းရေးပြည်ရေး၊ လူ့အဖွဲ့အစည်းကိစ္စတွေမှာ ၀င်မပါတတ်တဲ့ မလေးဘုရင်တွေရဲ့ ရှားရှားပါးပါး ထုတ်ပြန်မှုလည်း ဖြစ်ပါတယ်။

တောင်ပိုင်း ဂျိုဟိုးပြည်နယ်နဲ့ မြောက်ပိုင်း ပဲရ်လစ်ပြည်နယ်မှာ မွတ်စလင်သီးသန့် အ၀တ်လျှော်ဆိုင်ဆိုပြီး လုပ်လာတာကို ကြေငြာချက်မှာ ထည့်သွင်းဖော်ပြကာ ဝေဖန်ထားပါတယ်။

“မလေးရှားရဲ့ လူမျိုးစုံ၊ ဘာသာစုံဝါဒအပေါ် စည်းလုံးညီညွတ်မှုဟာ လက်ရှိ တိုင်းပြည် တည်ငြိမ်အေးချမ်းမှုရဲ့ အဓိက သော့ချက်ဖြစ်ပါတယ်” လို့လည်း ကြေငြာချက်မှာ ဖော်ပြထားပါတယ်။

ကွာလာလမ်ပူမှာ လွန်ခဲ့တဲ့ ၄ နှစ်လောက် ကျင်းပလာခဲ့တဲ့ ဘီယာပွဲတော်ကို ဘာသာရေးသဘောထားတင်းမာသူတွေ ကန့်ကွက်မှုကြောင့် အာဏာပိုင်တွေက ပြီးခဲ့တဲ့တစ်ပတ်မှာ ပိတ်ပင်ခဲ့ပြီး၊ ရုပ်ရှင်တွေ၊ သီချင်းတွေပေါ်မှာ ဆင်ဆာဖြတ်တာတွေလည်း အခုနောက်ပိုင်းမှာ တိုးလာပါတယ်။

ဂျိုးဟိုးပြည်နယ်ဘုရင်ကတော့ သူ့ပြည်နယ်အတွင်းမှာ မွတ်စလင်သီးသန့် အ၀တ်လျှော်ဆိုင်ဖွင့်တဲ့ ခွဲခြားမှုလုပ်ရပ်ကို ပြင်းပြင်းထန်ထန် ဝေဖန်ခဲ့ပြီး အားလုံးအတွက် ဖွင့်ပေးဖို့တောင်းဆိုခဲ့ကာ မလိုက်နာရင် ဆိုင်ပိတ်သိမ်းဖို့အထိ ပြည်နယ်အစိုးရကို ပြီးခဲ့တဲ့လမှာ အမိန့်ပေးထားပါတယ်။

Ref: CNA