ဒေသတွင်း လွယ်ကူစွာသွားလာနိုင်ရေး အာဆီယံနိုင်ငံများ သဘောတူညီချက် ရရှိ

အောက်တိုဘာ ၁၄၊ ၂၀၁၇
M-Media

– ယမန်နေ့က ပြုလုပ်ခဲ့သည့် ၂၃ ကြိမ်မြောက် အာဆီယံ ပို့ဆောင်ရေးဝန်ကြီးများ အစည်းအဝေးတွင် အာဆီယံနိုင်ငံများအကြား ခရီးသွားလာမှု အားကောင်းစေရေး အစီအမံများ ဆောင်ရွက်ရန် အဖွဲ့ဝင်နိုင်ငံများက လက်မှတ်ရေးထိုးခဲ့ကြသည်ဟု သိရသည်။

အကောင်အထည်ဖော်မည့် စီမံကိန်းများတွင် ဒေသတွင်း လေကြောင်းလိုင်းများ လွတ်လပ်စွာ ၀န်ဆောင်မှုပေးနိုင်ရေး၊ လေကြောင်းခရီးစဉ်များ လုံခြုံရေးနှင့် အဆင်ပြေချောမွေ့စေရေး၊ နယ်စပ်ဖြတ်ကျော်မှုများ အဟန့်အတားမရှိ လုပ်ဆောင်နိုင်ရေး စသည့်အချက်များ ပါဝင်ကြောင်း စင်ကာပူ သယ်ယူပို့ဆောင်ရေး ၀န်ကြီးဌာ
န၏ သတင်းထုတ်ပြန်ချက်တွင် ဖော်ပြထားသည်။

အာဆီယံတစ်နိုင်ငံမှ တစ်နိုင်ငံသို့ ဘတ်စ်ကားများ၊ ခရီးသွားလမ်းညွှန်များ လွယ်ကူစွာ သွားလာနိုင်ရေး အတွက်လည်း ပို့ဆောင်ရေးဝန်ကြီးများက သဘောတူ လက်မှတ်ရေးထိုးခဲ့သည်။

ခရီးသည်များအား ကုန်လမ်းသွားယာဉ်များဖြင့် နယ်စပ်ဖြတ်ကျော်နိုင်စေရေး အာဆီယံ သဘောတူညီချက် မူဘောင်အရ အဖွဲ့ဝင်နိုင်ငံတစ်နိုင်ငံစီမှာ ခရီးသွားယာဉ်များကဲ့သို့ အချိန်အတိအကျဖြင့် ပြေးဆွဲသော ကားများမဟုတ်သည့် ဘတ်စ်ကား ၅၀၀ စီ ခွဲတမ်းဖြင့် အဖွဲ့ဝင်နိုင်ငံများအတွင်း တိုက်ရိုက် ၀င်ထွက်သွားလာခွင့် သို့မဟုတ်၊ တစ်ဆင့်ခံ ၀င်ထွက်သွားလာခွင့်ကို ရရှိမည်ဖြစ်သည်။

လေကြောင်းခရီးများတွင် နှောင့်နှေးကြန့်ကြာမှုများ လျှော့ချရေး၊ ပျံသန်းမှုစရိတ်လျှော့ချရေးနှင့် လေကြောင်းစီမံခန့်ခွဲမှု အားကောင်းစေရေးတို့အတွက် ၀န်ကြီးများမှာ အာဆီယံ လေကြောင်းသွားလာမှု စီမံခန့်ခွဲရေးအစီအစဉ်တစ်ခုကိုလည်း ရေးဆွဲသတ်မှတ်ခဲ့ကြသည်။

ထို့ပြင် ဒေသတွင်း လေကြောင်းလိုင်းများ လွတ်လပ်စွာ ၀န်ဆောင်မှုပေးနိုင်ရေးအတွက် သဘောတူညီချက် ၂ ကို ၎င်းတို့က လက်မှတ်ရေးထိုးခဲ့ကြသည်။

Ref : CNA