ငွေကြေးလိမ်လည်မှုအတွက် ဗီယက်နမ်လွှတ်တော်အမတ်ဟောင်း ထောင်တစ်သက်ကျ

အောက်တိုဘာ ၁၈၊ ၂၀၁၇
M-Media

Chau Thi Thu Nga တရားရင်ဆိုင်နေစဉ်

– အိမ်ခြံမြေလုပ်ငန်း လုပ်ကိုင်စဉ်က ၀ယ်သူများ စပေါ်ပေးထားသည့် ငွေကြေး ကန်ဒေါ်လာ ၁၆ သန်းကို လိမ်လည်ယူဆောင်ခဲ့သည့်အတွက် ဗီယက်နမ် လွှတ်တော်အမတ်ဟောင်းတစ်ဦးမှာ ထောင်ဒဏ်တစ်သက် ချမှတ်ခံခဲ့ရသည်ဟု သိရသည်။

Chau Thi Thu Nga ဆိုသူ အမျိုးသမီးဖြစ်ပြီး အစိုးရတွင် လက်ရှိတာဝန်ထမ်းဆောင်နေသူများ၊ ၀န်ထမ်းဟောင်းများ၊ ဘဏ်လုပ်ငန်းရှင်များနှင့် အမှုဆောင်အကြီးအကဲများကို ပစ်မှတ်ထားကာ ဗီယက်နမ်အစိုးရက လုပ်ဆောင်နေသည့် အကျင့်ပျက်ခြစားမှုတိုက်ဖျက်ရေး စီမံချက်ကြောင့် အရေးယူခံရသူများထဲတွင် တစ်ဦးအပါအ၀င် ဖြစ်လာခဲ့သည်။

Housing Group အိမ်ခြံမြေကုမ္ပဏီ၏ ဥက္ကဌအဖြစ် တာဝန်ယူထားသူ အသက် ၅၂ နှစ်အရွယ် သူမမှာ လိုင်စင်မရှိဘဲ၊ အမှန်တကယ် အိမ်ယာဆောက်လုပ်ခြင်းမရှိဘဲ ပြည်သူများကို အခန်းပေါင်း ရာနှင့်ချီ ရောင်းချခဲ့သူဖြစ်သည်။

ထိုသို့လိမ်လည်မှုအတွက် ထောင်ဒဏ်တစ်သက်တစ်ကျွန်း ကျခံစေရန် တရားရုံးက တနင်္လာနေ့တွင် အမိန့်ချမှတ်ခဲ့ပြီး Nga နှင့် ပါဝင်ပတ်သက်သူ ၉ ဦးကို ဆိုင်းငံ့ထောင်ဒဏ် ၃ နှစ်မှ ထောင်ဒဏ် ၇ နှစ်အထိ အသီးသီး ချမှတ်ခဲ့သည်။

ငွေကြေးဆုံးရှုံးသွားသူများကို ပြန်လည်ပေးလျော်ရန်လည်း တရားရုံးက အမိန့်ချမှတ်ခဲ့သည်။

Ref: CNA