ဝန်ကြီးချုပ်ဟောင်း သက်ဆင်၏ သားကို ငွေကြေးခ၀ါချမှုဖြင့် ထိုင်း တရားစွဲ

အောက်တိုဘာ ၁၉၊ ၂၀၁၇
M-Media

သားဖြစ်သူနှင့်အတူ တွေရသည့် သက်ဆင် (ယာ)

– ရာဇ၀တ်ပြေးဖြစ်နေသည့် ထိုင်းဝန်ကြီးချုပ်ဟောင်းသက်ဆင်၏ တစ်ဦးတည်းသော သားဖြစ်သူကို ငွေကြေးခ၀ါမှုချဖြင့် တရားစွဲဆိုခဲ့သည်ဟု ထိုင်းအထူးစုံစမ်းရေးဌာနက ယမန်နေ့တွင် ပြောကြားလိုက်သည်။

သက်ဆင် ၀န်ကြီးချုပ်ဖြစ်စဉ်က နိုင်ငံတော်ပိုင် Krungthai Bank ဘဏ်မှ လိမ်လည်ချေးငွေ ဘတ် ၉.၉ ဘီလီယံ (ကန်ဒေါ်လာ ၂၂၄ သန်း) ယူသည့် ခြစားမှုနှင့် ဆက်စက်၍ ၎င်း၏သား ပန်သွန်တေ ရှင်နာဝပ်ထရာသည် ၂၀၀၄ ခုနှစ်တွင် ဘတ်ငွေ ဆယ်သန်း (ကန်ဒေါ်လာ ၂ သိန်းကျော်) ရရှိခဲ့သည်ဟု စွပ်စွဲခံထားရသည်။

ပန်သွန်တေမှာ အင်္ဂါနေ့က ၎င်းကိုယ်တိုင် လာရောက်ဝန်ခံခဲ့ကြောင်း၊ သို့သော်လည်း ဖမ်းဝရမ်း မထုတ်ထားသောကြောင့် ပြန်လွှတ်ပေးခဲ့ကြောင်း အထူးစုံစမ်းရေးဌာန (DSI) မှ ပြောရေးဆိုခွင့်ရှိသူ ၀ိုရာနန် ဆရီလမ် ပြောကြားခဲ့သည်။

ထို့ပြင် ပန်သွန်တေအနေဖြင့် ၎င်းအမှုအတွက် ယခုအချိန်တွင် သက်သေအထောက်အထားများ စုဆောင်းနိုင်ပြီး၊ DSI ဘက်ကလည်း ရာဇ၀တ်ခုံရုံးတင်ရန်အတွက် ဆုံးဖြတ်ရန်သာ ကျန်တော့ကြောင်း ၎င်းက ထည့်သွင်း ပြောဆိုခဲ့သည်။

ပန်သွန်တေကမူ ၎င်းမှာ ပစ်မှတ်ထားခံရခြင်းသာဖြစ်ပြီး ၎င်းအပေါ် ပြုလုပ်နေသည့် ငွေကြေးခ၀ါချမှုဆိုင်ရာ စုံစမ်းစစ်ဆေးမှုကို ရပ်တန့်ရန် ယခုလအတွင်း ပြောကြားဖူးသည်။

Ref : CNA