ရိုဟင်ဂျာကိစ္စ အစိုးရအစီအစဉ်နှင့်ပတ်သက်၍ စစ်တွေတွင် ဆန္ဒပြ

အောက်တိုဘာ ၂၂၊ ၂၀၁၇
M-Media

– လတ်တလော ရခိုင်ပြည်နယ် မတည်ငြိမ်မှုကြောင့် ဘင်္ဂလားဒေ့ရ်ှနိုင်ငံဖက်ကို ထွက်ပြေးသွားကြတဲ့ ရိုဟင်ဂျာတွေကို ပြန်လည်လက်ခံမယ့် အစိုးရရဲ့ အစီအစဉ်ကို ဆန့်ကျင်တဲ့အနေနဲ့ ရခိုင်ဗုဒ္ဓဘာသာဝင်တွေဟာ ပြည်နယ်မြို့တော်စစ်တွေမှာ ဒီကနေ့ ဆန္ဒပြခဲ့ကြပါတယ်။

အဲဒီဆန္ဒပြမှုမှာ လူရာနဲ့ချီပါဝင်ခဲ့ပြီး စီစဉ်သူ ဦးအောင်ဌေးက နိုင်ငံသားတွေဖြစ်မယ်ဆိုရင် ကြိုဆိုတယ်လို့ ဆိုပါတယ်။

“ဒါပေမယ့် ဒီလူတွေဟာ နိုင်ငံသားဖြစ်ခွင့်မရှိတဲ့သူတွေဆိုရင်တော့ ပဋိပက္ခကင်းမဲ့ဇုန်ဖြစ်ရေး အစိုးရရဲ့အစီအစဉ်ဟာ အကောင်အထည်ပေါ်လာမှာမဟုတ်ပါဘူး” လို့ သူက ပြောကြားခဲ့ပါတယ်။

သြဂုတ်လနှောင်းပိုင်းကစပြီး ဖြစ်ပွားခဲ့တဲ့ မတည်ငြိမ်မှုကြောင့် ရိုဟင်ဂျာ သန်းဝက်ကျော်ဟာ ဘင်္ဂလားဒေ့ရ်ှဖက်ကို ထွက်ပြေးခဲ့ရပြီး ဒေါ်အောင်ဆန်းစုကြည်ဦးဆောင်တဲ့ အစိုးရက ဟိုဖက်ရောက်သွားတဲ့သူတွေကို ပြန်ခေါ်သွားမယ်လို့ ပြောကြားထားပါတယ်။

စစ်တွေက ဒီနေ့ဆန္ဒပြမှုအတွင်း ရိုဟင်ဂျာတွေကို ပြန်မခေါ်ဖို့ အစိုးရကို တောင်းဆိုမှုတွေလည်း ရှိခဲ့ပါတယ်။

“စီစဉ်သူတွေက လူတစ်ထောင်လောက်ပါဝင်မယ်ဆိုပြီး ခွင့်ပြုချက်လျှောက်ထားခဲ့တာပါ။ ဒါပေမယ့် ရာဂဏန်းပဲ ရှိခဲ့ပါတယ်” လို့ ဒေသတာဝန်ရှိသူ ဦးစိုးတင့်ဆွေက ပြောကြားခဲ့ပါတယ်။

Ref: AP