ဝေဖန်မှုများရှိသောကြောင့် မူဂါဘီအား သံအမတ်အဖြစ် ခန့်အပ်ထားမှုကို WHO ရုပ်သိမ်း

အောက်တိုဘာ ၂၃၊ ၂၀၁၇
M-Media

– ကမ္ဘာတစ်ဝှမ်းမှ ဝေဖန်မှုများ ပြင်းပြင်းထန်ထန် ထွက်ပေါ်လာခဲ့ပြီးနာက် ဇင်ဘာဘွေအာဏာရှင် ရောဘတ်မူဂါဘီအား goodwill ambassador အဖြစ် ခန့်အပ်ထားမှုကို ကမ္ဘာ့ကျန်းမာရေးအဖွဲ့ WHO က ပြန်လည်ရုပ်သိမ်းလိုက်သည်ဟု သိရသည်။

“စိုးရိမ်ကြောင်း ပြောဆိုမှုတွေအားလုံးကို ကျွန်တော်တို့ သေချာဂရုစိုက် နားထောင်ခဲ့ပါတယ်” ဟု WHO ဥက္ကဌ Tedros Adhanom Ghebreyesus က ယမန်နေ့ကထုတ်ပြန်သော ကြေငြာချက်တွင် ဖော်ပြခဲ့သည်။

ပြည်သူလူထု ကျန်းမာရေးကဏ္ဍအတွက် ဇင်ဘာဘွေနိုင်ငံ၏ ဆောင်ရွက်မှုမှာ ချီးကျူးစရာကောင်းသည်ဟု good will ambassador အဖြစ် မူဂါဘီအား ပြီးခဲ့သည့်ရက်ပိုင်းက ခန့်အပ်မှုတွင် Tedros က ပြောကြားခဲ့သည်။

သို့သော်လည်း ဝေဖန်စောင့်ကြည့်သူများက ဇင်ဘာဘွေနိုင်ငံ၏ ပြည်သူ့ကျန်းမာရေးစနစ်မှာ မူဘာဘီ၏ နှစ် ၃၀ အုပ်ချုပ်မှုအောက်တွင် လုံးဝ ပြိုလဲခဲ့ပြီး ၀န်ထမ်းများ လခမရခြင်း၊ ဆေးဝါးများပြတ်လပ်ခြင်းတို့ ကြုံတွေ့ခဲ့ရသည်ဟု ထောက်ပြခဲ့သည်။

နိုင်ငံ၏ ပျမ်းမျှသက်ထမ်းထက် နှစ်ပေါင်း ၃၀ ကျော် ကြာမြင့်စွာ အသက်ရှင်သန်နေသည့် မစ္စတာမူဂါဘီ ကိုယ်တိုင်လည်း ၎င်း၏ ကျန်းမာရေးအတွက် နိုင်ငံရပ်ခြားသို့သွားရောက်ကာ ဆေးကုသမှု ခံယူခဲ့ရသည်။

မစ္စတာ Tedros က ၎င်းမှာ ဇင်ဘာဘွေအစိုးရနှင့် တိုင်ပင်ဆွေးနွေးကာ ‘WHO ၏ အကျိုးအတွက်’ သံအမတ်ရာထူးကို ရုပ်သိမ်းရန် ဆုံးဖြတ်ခဲ့သည်ဟု ပြောကြားခဲ့သည်။

ထို့ပြင် ကမ္ဘာလုံးဆိုင်ရာ ကျန်းမာရေးစောင့်ရှာက်မှုစနစ် ထူထောင်ရန်အတွက် ကမ္ဘာ့နိုင်ငံအားလုံး၊ ခေါင်းဆောင်အားလုံးနှင့် ပူးပေါင်းဆောင်ရွက်သွားမည်ဆိုသည့် ကတိက၀တ်တွင် ဆက်လက်ရပ်တည်သွားမည်ဟု ၎င်းက ထည့်သွင်းပြောဆိုခဲ့သည်။

Ref : BBC