မြန်မာ-ဘင်္ဂလားဒေ့ရှ် သဘောတူညီချက် (၁၀)ချက် လက်မှတ်ရေးထိုး

အောက်တိုဘာ ၂၆ ၊ ၂၀၁၇
M-Media

မြန်မာ-ဘင်္ဂလားဒေ့ရှ် နှစ်နိုင်ငံ ပြည်ထဲရေးဝန်ကြီး များနှင့် ကိုယ်စားလှယ်အဖွဲ့များ၏ ဆွေးနွေးချက်များအရ နှစ်နိုင်ငံအကြား အောက်ဖော်ပြပါ အချက် ၁၀ ချက်ကို ပူးပေါင်းဆောင်ရွက်ရန် သဘောတူညီခဲ့ပါသည်-
.
(က) နယ်စပ်ဒေသဆက်ဆံရေး တည်ငြိမ်အေးချမ်းရန်နှင့် နယ်စပ်ဒေသတွင် လုံခြုံရေး တိုးမြှင့်နိုင်ရေးအတွက် ပူးပေါင်းဆောင်ရွက်မှုများနှင့် ၁၉၈၀ နယ်စပ်ဒေသ သဘောတူညီချက်ပါ ပြဋ္ဌာန်းချက်များအား အကောင်အထည်ဖော်ဆောင်ရွက်ရန်
.
(ခ) နယ်ခြားစောင့်တပ်ဖွဲ့များ၏ ဒေသအဆင့် ညှိနှိုင်းဆောင်ရွက်ရေး အစည်းအဝေး အား ၃ လ လျှင် ၁ ကြိမ် ကျင်းပရန်နှင့် အကြီးအကဲများအဆင့်၌ နယ်ခြားစောင့် တပ်ဖွဲ့များ၏ ဗဟိုအဆင့်အစည်းအဝေးအား နှစ်စဉ်ကျင်းပရန်
.
(ဂ) လုံခြုံရေးဆိုင်ရာ ပူးပေါင်းဆောင်ရွက်မှု၊ ဆွေးနွေးမှုတို့နှင့် စပ်လျဉ်း၍ နားလည်မှု စာချွန်လွှာအရ လုပ်ပိုင်ခွင့်အာဏာအပ်နှင်းထားသော သက်ဆိုင်ရာအာဏာပိုင် အဖွဲ့အစည်းတို့အကြား ကာလအပိုင်းအခြားအလိုက် ဆွေးနွေးပွဲများ စီစဉ်ပြုလုပ် ရန်
.
(ဃ) လိုအပ်ပါက ဝန်ကြီးအဆင့်အစည်းအဝေးအား ကျင်းပရန်နှင့် ၁ နှစ်လျှင် ၁ ကြိမ် ဒုတိယဝန်ကြီး/အတွင်းဝန်အဆင့် အစည်းအဝေးများ စီစဉ်ပြုလုပ်ရန်
.
(င) မူးယစ်ဆေးဝါးတရားမဝင်သယ်ဆောင်မှုတိုက်ဖျက်ရေးနှင့် စပ်လျဉ်း၍ ပူးပေါင်း ဆောင်ရွက်မှုမြှင့်တင်ရန်
.
(စ) အကြမ်းဖက်မှုတိုက်ဖျက်ရေး ပူးပေါင်းဆောင်ရွက်မှုနှင့် စပ်လျဉ်း၍ သဘောတူညီ ချက် လက်မှတ်ရေးထိုးမှုအား စဉ်းစားသုံးသပ်ရန်
.
(ဆ) ဘင်္ဂလားဒေ့ရ်ှနိုင်ငံသို့ မြန်မာနိုင်ငံသားများ ဝင်ရောက်မှုအား ချက်ချင်းရပ်တန့် ရန်၊ ဘင်္ဂလားဒေ့ရ်ှနိုင်ငံသို့ ရောက်ရှိနေသော မြန်မာနိုင်ငံသားများအား စောနိုင် သမျှ အစောဆုံးပြန်လည်နေရာချထားရေးအတွက် ရခိုင်ဒေသအတွင်း ပုံမှန်အခြေ အနေ ပြန်လည်ရောက်ရှိရန်
.
(ဇ) ပြန်လည်နေရာချထားရေးကြီးကြပ်ရေးအတွက် ၂၀၁၇ ခုနှစ်၊ နိုဝင်ဘာလတွင် သဘောတူညီချက်နှင့်အညီ ပူးတွဲလုပ်ငန်းအဖွဲ့ ဖွဲ့စည်းရန်၊ ရခိုင်ဒေသမှ စွန့်ခွာ ထွက်ပြေးသူများ ပြန်လည်ခေါ်ယူရေးနှင့် စပ်လျဉ်း၍ နှစ်နိုင်ငံသဘောတူညီချက် များအား အပြီးသတ် ဆောင်ရွက်ရန်
.
(ဈ) သတင်းအချက်အလက်ဖလှယ်ရေး၊ ဆက်သွယ်ဆက်ဆံရေးနှင့် နှစ်နိုင်ငံညှိနှိုင်း ဆောင်ရွက်ရေးတို့အတွက် အောက်ခြေအဆင့်၊ အလယ်အလတ်အဆင့်၊ ဗဟို အဆင့်တို့၌ ဆက်သွယ်ဆက်ဆံရေးအရာရှိများ သတ်မှတ်ရန်
.
(ည) အပြန်အလှန်ယုံကြည်မှုများ တည်ဆောက်နိုင်ရေးအတွက် အလည်အပတ် ခရီးစဉ်များ အပြန်အလှန်တိုးမြှင့်ဆောင်ရွက်ရန်
.
ကိုးကား- ပြည်ထဲရေးဝန်ကြီးဌာန သတင်းထုတ်ပြန်ချက်