ရုပ်ရှင်မင်းသမီးကို လိင်စော်ကားမှု သတင်းအတွက် အမေရိကန်သမ္မတဟောင်း ပြန်တောင်းပန်

အောက်တိုဘာ ၂၇၊ ၂၀၁၇
M-Media

– လွန်ခဲ့သည့်လေးနှစ်က ရုပ်ရှင်မင်းသမီးတစ်ဦးကို လိင်ပိုင်းဆိုင်ရာ စော်ကားသည်ဟု စွပ်စွဲခံရမှုအတွက် အမေရိကန်သမ္မတဟောင်း ဂျော့ဂ်ျ အိခ်ျ ဒဘလျူ ဘုရ်ှက လူသိရှင်ကြား တောင်းပန်လိုက်သည်။

အင်္ဂါနေ့တွင် မင်းသမီးဟီသာလင်ဒ်က စီနီယာဘုရ်ှမှာ ၎င်းအား လိပ်ပိုင်းဆိုင်ရာ စော်ကားခဲ့သည်ဟု ဆိုရှယ်မီဒီယာတွင် ရေးသားခဲ့ပြီးနောက် ဗုဒ္ဓဟူးနေ့တွင် ဘုရှ်၏ ပြောရေးဆိုခွင့်ရှိသူက ပြန်လည်တောင်းပန်ခဲ့ခြင်းဖြစ်သည်။

“လွန်ခဲ့တဲ့ ၄ နှစ် ကျွန်မအလုပ်လုပ်နေတဲ့ သမိုင်းဆိုင်ရာ တီဗီအစီအစဉ်တစ်ခုရဲ့ ပရိုမိုရှင်းအတွက် ဂျော့ အိခ်ျဒဘလျူဘုရ်ှနဲ့ တွေ့ဆုံတဲ့အခါ ဓာတ်ပုံရိုက်ဖို့ ကျွန်မ ပို့စ်ပေးနေတုန်းက သူဟာ ကျွန်မကို လိင်ပိုင်းဆိုင်ရာ စော်ကားခဲ့ပါတယ်။ ကျွန်မကို လက်ဆွဲမနှုတ်ဆက်ပါဘူး။ ဘီးတပ်ကုလားထိုင်မှာထိုင်နေတဲ့သူက ကျွ
န်မရဲ့ အနောက်ပိုင်းကို ကိုင်ပါတယ်။ သူ့မိန်းမ ဘာဘရာလည်း သူ့ဘေးမှာ ရှိပါတယ်။ ညစ်ညမ်းတဲ့ ရယ်စရာတွေလည်း ကျွန်မကို ပြောပါတယ်” ဟု မင်းသမီးက Instagram တွင် ရေးသားခဲ့သည်။

“ဓာတ်ပုံတွေရိုက်နေတဲ့တစ်လျှောက်လုံးမှာ ကျွန်မကို ထိတွေ့ကိုင်တွယ်ခဲ့ပါတယ်။ ဘာဘရာက မျက်ရိပ်ပြပြီးထပ်မလုပ်ဖို့ သတိပေးပါတယ်၊ ပြီးတော့ သူ့ရဲ့ လုံခြုံရေးအစောင့်က ဓာတ်ပုံရိုက်ရင် သူ့အနားမှာ မရပ်ဖို့လည်း ပြောခဲ့ပါတယ်”

ဟီသာလင်ဒ်မှာ နောက်ပိုင်းတွင် ၎င်း၏ အကောင့်ကို ဖျက်သွားခဲ့သည်။

ဂျော့ဂ်ျ ဘုရှ်၏ ထိုသတင်းမှာ အလျင်အမြန် ပြန့်နှံ့သွားခဲ့ပြီးနောက် နယူးယောက်မှ မင်းသမီး ဂျော်ဒါနာ ဂရိုလ်နစ်က ၂၀၁၆ ခုနှစ် သြဂုတ်လ ဓာတ်ပုံရိုက်မှုတစ်ခုတွင် သူမမှာလည်း ထိုကဲ့သို့ ဂျော့ဂ်ျဘုရှ်၏ လိင်ပိုင်းဆိုင်ရာ စော်ကားမှုကို ခံခဲ့ရသည်ဟု ပြောကြားခဲ့သည်။

ဘုရှ်၏ ပြောရေးဆိုခွင့်ရှိသူ ဂျင်မ် မက်ဂရက်က သမ္မတဟောင်းအနေဖြင့် မင်းသမီးကို စော်ကားလိုစိတ် မရှိဟုကာကွယ်ပြောဆိုခဲ့သည်။

“အသက် ၉၃ နှစ်အရွယ် သမ္မတဟောင်းဘုရ်ှဟာ ဘီးတပ်ကုလားထိုင်နဲ့ပဲ သွားလာနေရတာ ၅ နှစ်လောက် ရှိပါပြီ။ ဒါ့ကြောင့် ဓာတ်ပုံတွေရိုက်တဲ့အခါမှာ သူ့ရဲ့လက်ဟာ တစ်ခြားလူတွေရဲ့ခါးနားမှာ ရောက်ရောက်နေပါတယ်” ဟု မက်ဂရသ်ကဆိုပြီး ထိုကဲ့သို့ ထိတွေ့ကိုင်တွယ်မှုမှာ ‘လူများအား အနေအသက်သာစေရန်’ ကြိုးပမ်းခြင်းဖြစ်သည်ဟု ထည့်သွင်း ပြောကြားခဲ့သည်။

“သမ္မဘုရ်ှဟာ ဘယ်လိုအခြေအနေမျိုးမှာမဆို တစ်ယောက်ယောက်ကို စိတ်ဒုက္ခရောက်အောင် ရည်ရွယ်လုပ်ဆောင်တာမျိုး ဘယ်တုန်းကမှ မရှိပါဘူး။ သူ စဖို့နောက်ဖို့ ကြိုးစားမှုဟာ မစ္စ လင်ဒ်ကို စော်ကားသလို ဖြစ်သွားတယ်ဆိုရင် သူ့အနေနဲ့ အနူးအညွတ်တောင်းပန်တယ်လို့ ပြောကြားခဲ့ပါတယ်။ ”

လက်ရှိသမ္မတဒေါ်နယ်ထရမ့်နှင့် သမ္မတဟောင်း ဘီလ်ကလင်တန်တို့မှာလည်း အမျိုးသမီးအချို့ကို လိင်ပိုင်းဆိုင်ရာ စော်ကားမှုများ ပြုလုပ်သည်ဆိုသည့် စွပ်စွဲမှုများ ခံခဲ့ရဖူးသည်။

Ref : Press TV