ရိုဟင်ဂျာဒုက္ခသည်များ မိမိဆန္ဒအလျောက် သားကြောဖြတ်နိုင်ရေး ဘင်္ဂလားဒေ့ရှ် ဆောင်ရွက်မည်

အောက်တိုဘာ ၃၀၊ ၂၀၁၇
M-Media

– ဘင်္ဂလားဒေ့ရ်ှက ရိုဟင်ဂျာဒုက္ခသည်စခန်းတွေမှာ လူတွေ ပြွတ်သိပ်မှုကို လျှော့ချဖို့အတွက် မိမိသဘောဆန္ဒအရ သားကြောဖြတ်နိုင်မယ့် အစီအစဉ်တစ်ခုကို ဆောင်ရွက်ပေးဖို့ ဘင်္ဂလားဒေ့ရ်ှက စီစဉ်နေတယ်လို့ သိရပါတယ်။

ပြီးခဲ့တဲ့ သြဂုတ်လနှောင်းပိုင်းကစလို့ ရခိုင်ပြည်နယ်မြောက်ပိုင်းမှာ ဖြစ်ပွားခဲ့တဲ့ မတည်ငြိမ်မှုကြောင့် ရိုဟင်ဂျာ ၆ သိန်းလောက် ဘင်္ဂလားဒေ့ရ်ှဖက်ကို ထွက်ပြေးခဲ့ရပြီး၊ အရင်က ထွက်ပြေးခဲ့ရတဲ့သူတွေ သိန်းချီရှိနေတာကြောင့် ဘင်္ဂလားဒေ့ရ်ှက ဒုက္ခသည်စခန်းတွေမှာ လူတွေ ကြပ်ညပ်မှု၊ အစားအသောက် မလောက်ငှမှု၊ ကျန်း
မာရေးစောင့်ရှောက်မှု မပြည့်မီမှု စတဲ့ အခက်အခဲတွေနဲ့ ကြုံတွေ့နေရတာပါ။

ဒုက္ခသည်စခန်းတည်ရှိရာ ကော့ဇ်ဘဇားမှာ မိသားစု စီမံကိန်းအတွက် ဆောင်ရွက်နေတဲ့အဖွဲ့ကို ဦးဆောင်နေတဲ့ ပင်တု ကန်တီ ဘာတာချာဂျီက ရုိုဟင်ဂျာတွေမှာ မွေးဖွားနှုန်းထိန်းချုပ်ရေးအတွက် အသိပညာတွေ တော်တော်လေးနည်းပါးတယ်လို့ ဆိုပါတယ်။

“ဒီလူ့အဖွဲ့အစည်းတစ်ခုလုံးကို တမင်တကာကို ပစ်ထားခဲ့တာဗျ” လို့ ရိုဟင်ဂျာတွေအပေါ် အသိပညာပေးလုပ်ဆောင်မှုတွေ မရှိတဲ့ မြန်မာနိုင်ငံရဲ့ အခြေအနေကို ရည်ညွှန်းပြီး ဘာတာချာဂျီက ပြောပါတယ်။

ကော့ဇ်ဘဇားခရိုင်က မိသားစုစီမံကိန်း တာဝန်ရှိသူတွေဟာ လက်ရှိမှာ ရိုဟင်ဂျာဒုက္ခသည်တွေကို သားဆက်ခြားပစ္စည်းတွေ ဖြန့်ဖြူးပေးတဲ့ ဆောင်ရွက်မှုမျိုးတွေ လုပ်ဆောင်နေပြီး၊ အမျိုးသား၊ အမျိုးသမီး နှစ်ယောက်စလုံးအတွက် သားကြောဖြတ်နိုင်မယ့် အစီအစဉ်ကို ခွင့်ပြုပေးဖို့လည်း အစိုးရကို တောင်းဆိုထားပါတယ်။

ဒါပေမယ့် မိသားစုများပြားမှုကို နှစ်သက်ပြီး၊ သားဆက်ခြားမှုဟာ အစ္စလာမ့်သွန်ချက်နဲ့ ဆန့်ကျင်တယ်လို့ လက်ခံထားတဲ့ ရိုဟင်ဂျာလူ့အဖွဲ့အစည်းမှာ ဒီကိစ္စအတွက် တော်တော်လေး ကြိုးစားရဖွယ်ရှိနေကြောင်း၊ သားချက်ခြားမှုရဲ့ အကျိုးကျေးဇူးတွေကို ရိုဟင်ဂျာအမျိုးသမီးတွေ နားလည်လာဖို့ အခက်အခဲတွေရှိကြောင်း ဘင်္ဂလားဒေ့ရှ် မိသားစုစီမံကိန်း ဆောင်ရွက်နေသူတွေက ပြောပါတယ်။

ဘင်္ဂလားဒေ့ရ်ှဟာ နိုင်ငံအတွင်းမှာ သားဆက်ခြားရေး စီမံကိန်းကို အကောင်အထည်ဖော်နေပြီး အောင်မြင်မှုက နှေးကွေးနေပါတယ်။ ကော့ဇ်ဘဇားခရိုင်အတွင်းမှာ သားကြောဖြတ်သူတွေဟာ တစ်လကို ၂၅၀ လောက် ရှိတယ်လို့ သိရပါတယ်။

ဒါပေမယ့် ဘင်္ဂလားဒေ့ရ်ှနိုင်ငံသားမဟုတ်သူတွေ အစိုးရရဲ့ သားဆက်ခြားမှုအစီအစဉ်မှာ ပါဝင်လာနိုင်ရေးအတွက် ကျန်းမာရေးဝန်ကြီးဦးဆောင်တဲ့ ကော်မတီရဲ့ အတည်ပြုချက် လိုအပ်ပါတယ်။

Ref: Aljazeera