နည်းပညာတွင်လွယ်ကူရန် ကာဇက်စတန်နိုင်ငံက ဗျည်းများကို လက်တင်သို့ ပြောင်းမည်

အောက်တိုဘာ ၃၀၊ ၂၀၁၇
M-Media

– လက်ရှိသုံးနေသည့် Cyrillic ဗျည်းအက္ခရာမှ လက်တင် ဗျည်းအက္ခရာကို ဖြည်းဖြည်းချင်း ပြောင်းလဲသုံးစွဲသွားမည်ဟု ကာဇက်စတန်နိုင်ငံသမ္မတ နူရ်ဆူလ်တန် နဇာဘာယက်ဗ်က သောကြာနေ့တွင် ကြေငြာလိုက်ပြီး ရုရှား၏ လွှမ်းမိုးမှုကို လျှော့ချရေး ကြိုးပမ်းမှုတစ်ခုလည်း ဖြစ်သည်။

ကာဇက်စတန်မှာ တူရကီ ဘာသာစကားတစ်ခုဖြစ်သည့် ကာဇက်ဘာသာစကားကို အသုံးပြုနေပြီး အရေးအသားတွင် Cyrillic ဗျည်းများကို ပြင်ဆင်ထားသည့် ဗျည်း ၄၂ လုံးကို အသုံးပြုသည်။

လက်တင်ဗျဉ်းများတွင်မူ ၃၂ လုံးသာ ပါဝင်မည်ဖြစ်ပြီး တစ်ချို့အသံထွက်များအတွက် ဖိသံ၊ ဖော့သံ သင်္ကေတများကို ထည့်သွင်းအသုံးပြုမည်ဖြစ်သည်။ ဗျည်းအက္ခရာအားလုံးကို ၂၀၂၅ ခုနှစ်အရောက်တွင် လုံးဝ ပြောင်းလဲသွားရန် ရည်မှန်းထားသည်။

တာဝန်ရှိသူများက ထိုကဲ့သို့ ဗျည်းအက္ခရာများ ပြောင်းလဲအသုံးပြုမှုမှာ ခေတ်နှင့်ကိုက်ညီစေရန်နှင့် နည်းပညာကို အသုံးပြုရာတွင် လွယ်ကူစေရန် ကြိုးပမ်းမှု တစ်စိတ်တစ်ပိုင်းဖြစ်သည်ဟု ပြောကြားခဲ့သည်။ လက်ရှိ Kazakh Cyrillic ကီးဘုတ်မှာ ဗျည်း ၄၂ လုံး ရိုက်နိုင်ရန်အတွက် နံပါတ်မျာနှင့် အခြားအက္ခရာများအားလုံးကို
အသုံးပြုနေရသည်။

နိုင်ငံခြားရေးဝန်ကြီးဌာနက စက်တင်ဘာလတွင် ထုတ်ပြန်သော ကြေငြာချက်၌ ထိုကဲ့သို့ လက်တင်အရေးအသားကို ပြောင်းလဲမှုမှာ ကာဇက်စတန်နိုင်ငံ၏ တိုးတက်မှုအတွက် အကျိုးဖြစ်ထွန်းလိမ့်မည်ဟု ဖော်ပြခဲ့သည်။

ရေနံကြွယ်ဝသည့် ကာဇက်စတန်နိုင်ငံမှာ ရုရှား၏ အနီးကပ်မဟာမိတ်ဖြစ်ပြီး ရုရှားလူမျိုးများ ထုနှင့်ထည်နှင့်ရှိသော နိုင်ငံလည်းဖြစ်သည်။ ရုရှားဘာသာစကားကို ကာဇက်နှင့်အတူ ရုံးသုံးဘာသာစကားအဖြစ် သတ်မှတ်ထားသည်။

ရုရှားက အသုံးပြုနေသည့် Cyrillic ဗျည်းမှ လက်တင်ဗျည်းသို့ ပြောင်းလဲမှုမှာ ရုရှား၏ လွှမ်းမိုးမှုမှ ကင်းလွတ်စေရန် ကြိုးပမ်းမှု တစ်စိတ်တစ်ပိုင်းဖြစ်သည်ဟု ရှုမြင်သူများလည်း ရှိနေသည်။

၂၀၀၉ ခုနှစ် သန်းခေါင်စာရင်းအရ ကာဇက်စတန်တွင် လူဦးရေ ၆၂ ရာခိုင်နှုန်းမှာ ကာဇက်ဘာသာစကားကို ကျွမ်းကျင်စွာ ရေးနိုင်ပြောနိုင်ကြပြီး ၊ ရုရှားစကားကို ရေးနိုင်ပြောနိုင်သည့် အရေအတွက်မှာ ၈၅ ရာခိုင်နှုန်းအထိ ရှိနေသည်။

သမ္မတ နဇာဘာယက်ဗ် ကိုယ်တိုင်လည်း မိန့်ခွန်းများကို ရုရှား၊ ကာဇက် ဘာသာစကား ၂ ခုစလုံးဖြင့် ပြောကြားလေ့ရှိသည်။

Ref: DW