ရိုဟင်ဂျာများနေရပ်ပြန်ရေး နှောင့်နှေးမှုအတွက် မြန်မာက ဘင်္ဂလားဒေ့ရ်ှကို အပြစ်တင်

နိုဝင်ဘာ ၁၊ ၂၀၁၇
M-Media

ဘင်္ဂလားဒေ့ရ်ှရောက် ရိုဟင်ဂျာ ဒုက္ခသည်များ

– ရိုဟင်ဂျာဒုက္ခသည်တွေကို နေရပ်ပြန်ပို့ရေး နှောင့်နှေးနေတာတွေနဲ့ပတ်သက်လို့ မြန်မာက ဘင်္ဂလားဒေ့ရ်ှကို အပြစ်တင်လိုက်ပြီး နိုင်ငံတကာက ငွေကြေးအကူအညီ သန်းပေါင်းများစွာ ရရှိတဲ့အထိ ဆိုင်းငံ့နေတာလားဆိုတာ စိုးရိမ်တယ်လို့ ပြောကြားခဲ့ပါတယ်။

သြဂုတ်လနှောင်းပိုင်း ရခိုင်ပြည်နယ်မြောက်ပိုင်းမှာ ဖြစ်ပွားခဲ့တဲ့ မတည်ငြိမ်မှုကြောင့် ရိုဟင်ဂျာ ၆ သိန်းလောက်ဟာ ဘင်္ဂလားဒေ့ရ်ှဖက်ကို ထွက်ပြေးခဲ့ရပြီး နိုင်ငံတကာက ဖိအားတွေ မြင့်တက်လာပြီးတဲ့နောက် ဒီလူတွေကို ပြန်ခေါ်မယ်လို့ မြန်မာအစိုးရက လူသိရှင်ကြား ပြောကြားထားတာပါ။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ပြောရေးဆိုခွင့်ရှိသူ ဦးဇော်ဌေးက ၁၉၉၀ ပြည့်နှစ်တွေက ၂ နိုင်ငံ လက်မှတ်ရေးထိုးထားတဲ့ သဘောတူညီချက်ပါ အချက်တွေကို အခြေခံကာ ပြန်လည်လက်ခံရေးလုပ်ငန်းကို ဘယ်အချိန်မဆို စတင်ဖို့ အဆင်သင့်ဖြစ်နေပြီး၊ ဘင်္ဂလားဒေ့ရ်ှက ဒီသဘောတူညီချက်ကို လက်မခံသေးဘူးလို့ ပြောပါတယ်။

“ကျွန်တော်တို့က စတင်ဖို့ အဆင်သင့်ဖြစ်နေပါပြီ။ တစ်ဖက်က လက်မခံသေးတာပါ။ လုပ်ငန်းစဉ်က နှောင့်နှေးနေပါတယ်။ ဒါဟာ နံပါတ်တစ် တစ်ချက်ပါ” လို့ ဦးဇော်ဌေးက ဂျာနယ်လစ်တွေကို ပြောကြားခဲ့ပါတယ်။

ဘင်္ဂလားဒေ့ရှ်-မြန်မာ နယ်စပ်ကိစ္စတွေနဲ့ပတ်သက်လို့ ပြီးခဲ့တဲ့တစ်ပတ် ဘင်္ဂလားဒေ့ရှ် ပြည်ထဲရေးဝန်ကြီး အဆာဒူဇာမန်ခန်း မြန်မာနိုင်ငံကို လာရောက်စဉ်မှာ နားလည်မှုစာချွန်လွှာတစ်ခုကို လက်မှတ်ရေးထိုးခဲ့ပေမယ့်၊ ရိုဟင်ဂျာတွေ နေရပ်ပြန်ရေး သဘောတူညီချက်ဟောင်းကို ပြန်လည်ကျင့်သုံးရေးမှာ တိုးတက်မှု မရှိပါဘူး။

ဦးဇော်ဌေးကတော့ ဘင်္ဂလားဒေ့ရ်ှဖက်က နှောင့်နှေးကြန့်ကြာမှုကို နိုင်ငံတကာကူအညီတွေ ရယူလိုမှုနဲ့ ဆက်စပ်ပြောကြားခဲ့ပါတယ်။

“လတ်တလော သူတို့ဟာ ကန်ဒေါ်လာ သန်း ၄၀၀ လောက် ရရှိနေပါတယ်။ ဒီလောက်များများ ရတဲ့အပေါ်မှာ ရိုဟင်ဂျာတွေကို နေရပ်ပြန်ပို့ရေး အစီအစဉ်ကို ဆိုင်းနေတာလားဆိုတာ ကျွန်တော်တို့ စိုးရိမ်တာပေါ့လေ။ နိုင်ငံတကာက ထောက်ပံ့ငွေတွေ သူတို့ရနေတယ်။ နေရပ်ပြန်ပို့ရေးနဲ့ပတ်သက်ပြီး သူတို့မှာ အခြားတွေးတာတွေများ ရှိလားဆိုတာ ကျွန်တော်တို့ စိုးရိမ်ပါတယ်”

ပြီးခဲ့တဲ့ ကြာသပတေးနေ့ ဘင်္ဂလားဒေ့ရ်ှဖက်က ထုတ်ပြန်တဲ့ ကြေငြာချက်မှာ ပြီးခဲ့တဲ့တစ်ပတ် ပြည်ထဲရေးဝန်ကြီးရဲ့ ဆွေးနွေးမှုအတွင်း ကိုဖီအန်နန်ဦးဆောင်တဲ့ ရခိုင်အကြံပေးကော်မရှင်ရဲ့ အကြံပြုချက်တွေကို အပြည့်အ၀ အကောင်အထည်ဖော်ရေးအပါအ၀င် အချက် ၁၀ ချက် တင်ပြခဲ့ပေမယ့် မြန်မာဖက်က လက်မခံခဲ့ဘူးလို့ ဆိုပါတယ်။

ဘင်္ဂလားဒေ့ရ်ှမီဒီယာတွေကို သောကြာနေ့က ပြောကြားရာမှာ ခန်းက သူ့ခရီးစဉ်အတွင်း ပူးပေါင်းဆောင်ရွက်ရေးအဖွဲ့ကို နှစ်ဖက် မဖွဲ့စည်းနိုင်ခဲ့ပေမယ့် နိုဝင်ဘာ ၃၀ ရက်နေ့ နိုင်ငံခြားရးဝန်ကြီး အဘူလ် ဟာဆန် မဟ်မွဒ် အလီ မြန်မာနိုင်ငံကို လာရောက်တဲ့အချိန်မှာ ဖွဲ့စည်းနိုင်လိမ့်မယ်လို့ ဆိုပါတယ်။

ရိုဟင်ဂျာတွေအနေနဲ့ သူတို့ မြန်မာနိုင်ငံမှာ နေထိုင်ကြောင်း အထောက်အထားပြနိုင်ရင် ပြန်လက်ခံမယ်လို့ မြန်မာအစိုးရက ပြောကြားထားတာပါ။

ဦးဇော်ဌေးက သူတို့အနေနဲ့ ဘင်္ဂလားဒေ့ရ်ှဖက်က ရိုဟင်ဂျာဒုက္ခသည်အရေအတွက်စာရင်းကို စောင့်ဆိုင်းနေတယ်လို့ ဆိုပါတယ်။

Ref: CNA