ဂါဇာနယ်စပ် စီမံမှုကို ပါလက်စတိုင်းအာဏာပိုင်အဖွဲ့သို့ ဟားမက်စ်က လွှဲပေး

နိုဝင်ဘာ ၂၊ ၂၀၁၇
M-Media

ဂါဇာရှိ ရာဖာနယ်ခြား

– ဂါဇာရှိ နယ်စပ် ၅ ခု ဖြတ်ကျော်မှု စီမံအုပ်ချုပ်ခွင့်ကို ဟားမက်စ်အဖွဲ့က ပါလက်စတိုင်းအာဏာပိုင်အဖွဲ့သို့ လွှဲပြောင်းပေးလိုက်ပြီး အောက်တိုဘာ ၁၂ ရက်နေ့က အီဂျစ်တွင် ရရှိခဲ့သည့် နှစ်ပါတီ ညီညွတ်ရေး သဘောတူညီချက်ကို အကောင်အထည်ဖော်မှု တစ်စိတ်တစ်ပိုင်းဖြစ်သည်။

ဆယ်စုနှစ်တစ်ခုကျော်အတွင်း ပထမဆုံးအကြိမ် နယ်စပ်များကို ဟားမက်စ်က လွှဲပြောင်းပေးခဲ့ခြင်းဖြစ်ပြီး မည်သည့်အပေးအယူမှ မရှိကြောင်း၊ ၂၀၀၇ ခုနှစ် သဘောထားကွဲလွဲမှုမတိုင်ခင်က ပါလက်စတိုင်းအာဏာပိုင်အဖွဲ့၏ ထိန်းချုပ်မှုအနေအထားကို ပြန်လည်ဆောင်ရွက်ခြင်းဖြစ်ကြောင်း ဖာတာ ပြောရေးဆိုခွင့်ရှိသူ အိုစမာ ကာဝက်စ်မီက ပြောကြားခဲ့သည်။

ယခုလွှဲပြောင်းမှုကြောင့် ပါလက်စတိုင်းအာဏာပိုင်အဖွဲ့မှာ အီဂျစ်နယ်စပ်ရှိ ကာရမ် အဘူ စလင်း နယ်ခြား၊ ရာဖာနယ်စပ်နှင့် ဘီအစ် ဟာနွန်နယ်စပ်တို့ကို စီမံအုပ်ချုပ်ခွင့်ရရှိမည်ဖြစ်သည်။ ဂါဇာကမ်းမြှောင်မြောက်ပိုင်းရှိ ဘီအစ် ဟာနွန်နယ်စပ်ကို လက်ရှိတွင် အစ္စရေးက ထိန်းချုပ်ထားသည်။

အင်္ဂါနေ့က ထုတ်ပြန်သော ကြေငြာချက်၌ ပါလက်စတိုင်း အာဏာပိုင်အဖွဲ့၏ မြို့ပြရေးရာဝန်ကြီး ဟူစိန် အလ်ရှိခ်က ညီညွတ်သောအစိုးရအနေဖြင့် နိုဝင်ဘာ ၁၅ ရက်နေ့တွင် ရာဖာနယ်ခြား ဖြတ်သန်းနိုင်ရေးအတွက် အီဂျစ်အာဏာပိုင်များနှင့် နီးနီးကပ်ကပ် ပူးပေါင်းဆောင်ရွက်ရန် ပြင်ဆင်နေသည်ဟု ပြောကြားခဲ့သည်။

ဂါဇာကမ်းမြှောင် တောင်ပိုင်းရှိ အဓိကနယ်စပ်ဖြစ်သော ရာဖာကို ဟားမက်စ်က ထိန်းချုပ်ပြီးချိန်မှစ၍ အီဂျစ်က အချိန်တော်တော်ကြာ ပိတ်ထားခဲ့သည်။ ဂါဇာမြောက်ဘက်တွင်ရှိသော ဘီအစ်ဟာနွန် နယ်ခြားကို အစ္စရေးက ထိန်းချုပ်ထားသည်။

ပါလက်စတိုင်းအာဏာပိုင်အဖွဲ့မှာ ကာရ်နီ၊ ကရင်မ် ရှာလွမ်နှင့် ဆူဖာ ကုန်စည်ကူးသန်းရေး နယ်ခြားများကိုလည်း တာဝန်ယူ စီမံရမည်ဖြစ်သည်။

Ref : Aljazeera