ယခုလအတွင်း အမေရိကန်နိုင်ငံခြားရေးဝန်ကြီး မြန်မာနိုင်ငံလာမည်

နိုဝင်ဘာ ၃၊ ၂၀၁၇
M-Media

အမေရိကန်နိုင်ငံခြားရေးဝန်ကြီး ရက်စ် တီလာဆန်

– ရခိုင်ပြည်နယ် မြောက်ပုိုင်းမှာ ဖြစ်ပွားနေတဲ့ ပြဿနာတွေကို အဆုံးသတ်ရေး တွန်းအားပေးဖို့အတွက် အမေရိကန်နိုင်ငံခြားရေးဝန်ကြီး ရက်စ် တီလာဆန်ဟာ အခုလနှောင်းပိုင်းမှာ မြန်မာနိုင်ငံကို လာရောက်မယ်လို့ အမေရိကန်အစိုးရက မနေ့မှာ ကြေငြာချက် ထုတ်ပြန်လိုက်ပါတယ်။

ဝန်ကြီးဟာ နေပြည်တော်ကို သွားရောက်မှာဖြစ်ပြီး ‘အကြီးတန်းခေါင်းဆောင်တွေ၊ တာဝန်ရှိသူတွေနဲ့ တွေ့ဆုံကာ ရခိုင်ပြည်နယ်က လူသားချင်း စာနာထောက်ထားမှုဆိုင်ရာ ပြဿနာကို ဖြေရှင်းရေး ဆွေးနွေးမှာဖြစ်ကြောင်း’၊ မြန်မာနိုင်ငံရဲ့ လတ်တလော ဒီမိုကရေစီ အသွင်ကူးပြောင်းမှုကို အမေရိကန်က ထောက်ခံတယ်လို့ ပြောကြားမှာဖြစ်ကြောင်း ကြေငြာချက်က ဆိုပါတယ်။

သမ္မတ ဒေါ်နယ်ထရမ့်နဲ့အတူ ၁၀ ရက်ကြာ အာရှခရီးစဉ်ကို လိုက်ပါလာမယ့် တီလာဆန်ဟာ နိုဝင်ဘာ ၁၅ ရက်နေ့မှာ မြန်မာနိုင်ငံကို ရောက်လာမှာ ဖြစ်ပါတယ်။

ရိုဟင်ဂျာမွတ်စလင်တွေ ကြုံတွေ့နေရတဲ့ အခြေအနေနဲ့ပတ်သက်လို့ တီလာဆန်ဟာ မြန်မာနိုင်ငံအပေါ် လူသိရှင်ကြား ဝေဖန်ရှုတ်ချသူတစ်ဦးဖြစ်ပြီး အခုလအစောပိုင်း ၀ါရှင်တန်ဒီစီက တတ်သိပညာရှင်များအဖွဲ့တစ်ခုနဲ့ တွေ့ဆုံမှုအတွင်း ရခိုင်ပြည်နယ်က အကြမ်းဖက်မှုတွေအတွက် မြန်မာစစ်ခေါင်းဆောင်တွေမှာ တာဝန်ရှိတယ်လို့ ပြောကြားခဲ့ပါတယ်။

အမေရိကန်အစိုးရရဲ့ ပြောရေးဆိုခွင့်ရှိသူ တစ်ဦးက တီလာဆန်ဟာ အခုခရီးစဉ်မှာ ‘ရိုဟင်ဂျာတွင် ရခိုင်ပြည်နယ်ကို လုံလုံခြုံခြုံနဲ့ သူတို့ရဲ့ သဘောဆန္ဒအလျောက် ပြန်လာနိုင်မယ့် အခြေအနေတွေကို ဖန်တီးပေးဖို့ မြန်မာခေါင်းဆောင်တွေကို တိုက်တွန်းမယ်’ လို့ CNN သတင်းဌာနကို ပြောကြားခဲ့ပါတယ်။

ပြီးခဲ့တဲ့ သီတင်းပတ်တွေအတွင်းမှာ အမေရိကန်နိုင်ငံခြားရေးဝန်ကြီးဟာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နဲ့ ဖုန်းဆက်စကားပြောဆိုခဲ့ပါတယ်။

Ref : CNN