တက္ကဆက်ဘုရားကျောင်း ပစ်ခတ်မှုမှာ စိတ်ကျန်းမာရေးပြဿနာဟု ထရမ့်ပြော

နိုဝင်ဘာ ၆၊ ၂၀၁၇
M-Media

သေနတ်သမား ဒီဗင် ပက်ထရစ်ကီလီ

– ယမန်နေ့က တက္ကဆက်ပြည်နယ်ရှိ ခရစ်ယာန်ဘုရားကျောင်းတွင် လူ ၂၆ ဦး သေဆုံးခဲ့သည့် ပစ်ခတ်မှုမှာ သေနတ်ကိုင်ဆောင်မှုပြဿနာမဟုတ်ဘဲ စိတ်ကျန်းမာရေးပြဿနာဖြစ်သည်ဟု အမေရိကန်သမ္မတ ဒေါ်နယ်ထရမ့်က ပြောကြားလိုက်သည်။

“ကျွန်တော်တို့တိုင်းပြည်မှာ စိတ်ပိုင်းဆိုင်ရာပြဿနာ တော်တော်များပါတယ်။ ဒါပေမယ့် ဒါဟာ သေနတ်ကိုင်ဆောင်မှု ပြဿနာမဟုတ်ပါဘူး” ဟု ဂျပန်သို့ရောက်ရှိနေသည့် ဒေါ်နယ်ထရမ့်က Twitter စာမျက်နှာတွင် ရေး သားခဲ့သည်။

ထို့ပြင် သေနတ်သမားမှာ စိတ်ဖောက်ပြန်သူဖြစ်ပြီး ယခုပစ်ခတ်မှုက စိတ်ကျန်းမာရေးပြဿနာ အမြင့်ဆုံးအဆင့် ရောက်နေမှုကို ဖော်ပြနေသည်ဟုလည်း ဆိုသည်။

တောမြို့လေးဖြစ်သော ဆူသာလန်း စပရင်းရှိ First Baptist ဘုရားကျောင်း၌ နံနက် ၁၁ နာရီခန့် ၀တ်ပြုဆုတောင်းနေစဉ် အနက်ရောင်ဝတ်စုံ ၀တ်ဆင်ထားသည့် အသက် ၂၆ နှစ်အရွယ် ဒီဗင် ပက်ထရစ်ကီလီဆိုသူက ၀င်ရောက်ကာ သေနတ်ဖြင့် ပစ်ခတ်ခဲ့ခြင်းဖြစ်ပြီး သေဆုံးသူများမှာ အသက် ၅ နှစ်မှ ၇၁ နှစ်အရွယ်အထိ ရှိ
ကြသည်။

သေဆုံးသူများတွင် သင်းအုပ်ဆရာ၏ အသက် ၁၄ နှစ်အရွယ် သမီးဖြစ်သူနှင့် ကိုယ်ဝန်ဆောင်အမျိုးသမီးတစ်ဦးလည်း ပါဝင်သည်ဟု ဆိုသည်။

ပက်ထရစ်ကီလီမှာ သေနတ်ဖြင့် ပစ်ခတ်ပြီးနောက် ဒေသခံများက လိုက်ဖမ်းရာ ကားဖြင့် ထွက်ပြေးသွားခဲ့ပြီး နောက်ပိုင်းတွင် တိုက်ထားသောကား၌ သေဆုံးနေသည်ကို တွေ့ခဲ့ရသည်။

လက်ဗီးဂက်စ်တွင် သေနတ်သမားတစ်ဦးက ဂီတပွဲကြည့်ရှုနေသည့် လူအုပ်အတွင်းသို့ သေနတ်ဖြင့် ပစ်ခတ်မှုကြောင့် ၅၈ ဦး ဒဏ်ရာရရှိခဲ့သည့် ဖြစ်စဉ်အပြီး တစ်လမပြည့်ခင် ပေါ်ပေါက်လာသည့် ယခုအဖြစ်အပျက်က အမေရိကန်နိုင်ငံအတွင်း သေနတ်ကိုင်ဆောင်မှုပြဿနာနှင့်ပတ်သက်၍ ကန့်ကွက်မှုများကို ပိုမိုမြင့်တက်လာစေခဲ့သည်။

သေနတ်ရာဇတ်ဝတ်မှုစောင့်ကြည့်အဖွဲ့ Mass Shooting Tracker က အမေရိကန်နိုင်ငံတွင် ပြီးခဲ့တဲ့လအတွင်း အစုလိုက်အပြုံလိုက် သေနတ်ပစ်မှု အနည်းဆုံး ၂၄ ခု ဖြစ်ပွားခဲ့ပြီး၊ ယခုနှစ်အတွင်း ၁၄၉၅ ခု ဖြစ်ခဲ့သည်ဟု ပြောကြားထားသည်။

Ref: Aljazeera