ဟူသီသူပုန်အဖွဲ့၏ ဆော်ဒီသို့ ဒုံးကျည်ပစ်မှုတွင် မိမိတို့မပါဝင်ဟု အီရန်ပြော

နိုဝင်ဘာ ၇၊ ၂၀၁၇
M-Media

– ယီမင်ရှိ ဟူသီသူပုန်အဖွဲ့ ဆော်ဒီမြို့တော် ရီယာ့ဒ်ကို ဒုံးကျည်ဖြင့် တိုက်ခိုက်မှုတွင် အီရန်နိုင်ငံပါဝင်သည်ဟု ဆော်ဒီဦးဆောင်သော ညွှန့်ပေါင်းတပ်ဖွဲ့၏ စွပ်စွဲပြောကြားမှုကို အီရန်က ပယ်ချလိုက်သည်။

တနင်္လာနေ့တွင် ထုတ်ပြန်သောကြေညာချက်၌ အီရန်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဘဟ်ရန် ကာစီမီက စနေနေ့နှောင်းပိုင်း ဟူသီများ၏ ဒုံးကျည်ပစ်လွှတ်မှုတွင် အီရန်က တာဝန်ရှိသည်ဟူသော ပြောကြားချက်မှာ အငြိုးထားသော၊ တာဝန်မယူသော၊ ဖျက်လိုဖျက်ဆီးလုပ်လိုသော၊ ရန်မူလိုသောလုပ်ရပ် ဖြ
စ်သည်ဟု ပြောကြားခဲ့သည်။

“ယီမင်တွေရဲ့ တုန့်ပြန်မှုဟာ သူ့ဟာသူလုပ်တာဖြစ်ပြီး ဆော်ဒီရဲ့ ကျူးကျော်ရန်စမှု ရလဒ်ဖြစ်ပါတယ်။ ဒါဟာ အခြားနိုင်ငံတစ်နိုင်ငံက လုပ်တာမျိုး မဟုတ်ပါဘူး” ဟု ကာစီမီက ဆိုသည်။

ဆော်ဒီက အဆိုပါတိုက်ခိုက်မှုတွင် အီရန်ပါဝင်ကြောင်း အထောက်အထားရှိသည်ဟု ဆိုပြီး အီရန်က ထိန်းချုပ်ထားသော ဟူသီစစ်သွေးကြွများ၏ ဆိုးရွားယုတ်မာသော ရန်ပြုမှုဟု ခေါ်ဆိုရှုတ်ချခဲ့ပြီးနောက် ကာစီမီ၏ ယခု တုန့်ပြန်ချက် ထွက်ပေါ်လာခြင်း ဖြစ်သည်။

ဆော်ဒီကထုတ်ပြန်သော ကြေငြာချက်တွင် ထိုပစ်ခတ်မှုမှာ စစ်ကြေငြာမှု ဖြစ်နိုင်သည်ဟုဆိုပြီး အီရန်၏ အခန်းကဏ္ဍနှင့် ဟူသီများ၏ တစ်ဖက်လှည့်ဖြင့် ချုပ်ကိုင်ထားသောကြောင့် ယခုကိစ္စမှာ အီရန်၏ ကျူးကျော်ရန်စမှုဖြစ်သည်ဟု ဖော်ပြထားသည်။

ထို့ပြင် ယင်းဒုံးကျည်များ ဟူသီသူပုန်များထံ မည်သို့ခိုးသွင်းလာသည်ကို သိရှိနိုင်ရန် စုံစမ်းမှုပြုလုပ်စဉ် ယီမင်နိုင်ငံ ကုန်းလမ်း၊ လေကြောင်းလမ်း၊ ပင်လယ်ဆိပ်ကမ်းများအားလုံးကို ပိတ်ဆို့ထားမည်ဟုလည်း ဆော်ဒီက ပြောကြားခဲ့သည်။

Ref : Aljazeera