ဆော်ဒီ၏ ခြစားမှုတိုက်ဖျက်ရေးဆောင်ရွက်မှု ပထမအဆင့်သာရှိသေး

နိုဝင်ဘာ ၇၊ ၂၀၁၇
M-Media

– အိမ်ရှေ့မင်းသား မိုဟာမက် ဘင် ဆလ်မန် ဦးဆောင်တဲ့ ဆော်ဒီ ခြစားမှုတိုက်ဖျက်ရေးကော်မရှင်ရဲ့ အရေးယူမှုတွေဟာ ရပ်တန့်မသွားသေးဘဲ ပိုမို ကျယ်ပြန့်လာပါတယ်။

တနင်္ဂနွေနေ့မှာ တိုင်းပြည်ရဲ့ ထိပ်တန်း စီးပွားရေးသမားတွေ၊ တော်ဝင်အသိုင်းအ၀ိုင်းက မင်းသားတွေကို ခြစားမှုစွဲချက်နဲ့ ဖမ်းဆီးထိန်းသိမ်ထားရုံသာမက ဆော်ဒီဟာ သူတို့ရဲ့ ပိုင်ဆိုင်မှုတွေကို ထိန်းချုပ်တာ လေယာဉ်မစီးရစာရင်း ထုတ်ပြန်တာတွေကိုလည်း လုပ်ခဲ့ပါတယ်။

မနေ့က ဆော်ဒီရဲ့ အကြီးဆုံးခရီးသွားကုမ္ပဏီက ဘုတ်အဖွဲ့ဝင်တစ်ဦးဖြစ်တဲ့ နာဆာရ် ဘင် အကီလ် အလ်-တေယာကို ထပ်မံဖမ်းဆီးခဲ့ပါတယ်။

ခြစားမှုစွဲချက်နဲ့ လက်ရှိဖမ်းဆီးထားသူတွေထဲမှာ မင်းသား ၁၁ ဦး၊ ၀န်ကြီး ၄ ဦး၊ ၀န်ကြီးဟောင်းအများအပြားပါဝင်ပြီး ဆော်ဒီရဲ့ မကြုံစဖူး ဆောင်ရွက်ချက်ဖြစ်ပါတယ်။

မကြာသေးခင်က ဖွဲ့စည်းခဲ့တဲ့ ခြစားမှုတိုက်ဖျက်ရေး ကော်မရှင်ကို သားဖြစ်သူ အိမ်ရှေ့မင်းသား မိုဟာမက်က ကြီးကြပ်မယ်လို့ ဆော်ဒီဘုရင် ဆလ်မန်က စနေနေ့မှာ ကြေငြာခဲ့ပြီး ဒီကော်မရှင်ဟာ တိုင်းပြည်အတွင်း ခြစားမှုတိုက်ဖျက်ရေးအတွက်လို့ ဆိုပါတယ်။

ဆလ်မန်ဟာ ဘုရင်ဖြစ်ပြီးနောက်ပိုင်း တူဖြစ်သူ အိမ်ရှေ့မင်းသားဟောင်း မိုဟာမက် ဘင် နာယက်ဖ်ကို ဖယ်ရှားကာ သူ့သားကို အိမ်ရှေ့မင်းသားနေရာကို ပေးခဲ့တာဖြစ်ပါတယ်။ အိမ်ရှေ့မင်းသားဖြစ်လာတဲ့ မိုဟာမက် ဘင် ဆလ်မန်ဟာ နိုင်ငံအတွင်းမှာရော ပြင်ပမှာပါ ပြုပြင်ပြောင်းလဲမှုတွေလုပ်ဖို့ ဦးစားပေး ဆောင်ရွက်လာပါတယ်။

ဆော်ဒီ ရှေ့နေချုပ် ရှိခ် စအွဒ် အလ်-မိုဂျက်ဘ်က လတ်တလော ခြစားမှုအတွက် အရေးယူမှုဟာ ပထမအဆင့်သာ ရှိသေးပြီး ဖမ်းဆီးထားသူတွေကို စစ်ဆေးမေးမြန်းနေကြောင်း၊ ဥပဒေရေးရာ ဘောင်မကျော်ဖို့နဲ့ တရားမျှတမှုကနေ သွေဖည်မသွားဖို့အတွက် စုံစမ်းစစ်ဆေးမှုတွေကို ဆင်ဆင်ခြင်ခြင် ပြုလုပ်နေကြောင်း ပြောကြားခဲ့ပါတယ်။

ဖမ်းဆီးခံရသူတွေထဲမှာ ဆော်ဒီရဲ့ ထိပ်တန်း ရင်းနှီးမြှုပ်နှံမှုလုပ်ငန်း Kingdom Holding ကို ပိုင်ဆိုင်တဲ့ မင်းသား အလ်ဝါလီဒ် ဘင် တာလာလ်၊ အမျိုးသားအစောင့်တပ်ဖွဲ့အကြီးအကဲ မင်းသား မီသာ့ဘ် ဘင် အဘ်ဒူလာ၊ စီးပွားရေးဝန်ကြီး အဒဲလ် ဖာကီဟ်တို့လည်း ပါဝင်ပါတယ်။

သံသယရှိသူတွေရဲ့ ပိုင်ဆိုင်မှုတွေ၊ ဘဏ်အကောင့်တွေကို အစိုးရက ထိန်းချုပ်လိုက်ပြီး လေယာဉ်မစီးရတဲ့ စာရင်းကိုလည်း ထုတ်ပြန်လိုက်ကာ ခွင့်ပြုချက်မရှိဘဲ ကိုယ်ပိုင်လေယာဉ်တွေ မပျံသန်းရဆိုပြီး ဆော်ဒီလေဆိပ်တွေမှာ အမိန့်ထုတ်ထားပါတယ်။

Ref: Aljazeera