မြောက်ကိုရီးယားကိစ္စ လိုအပ်လျှင် စစ်အင်အားအပြည့်သုံးမည်ဟု ထရမ့် ထပ်ပြော

နိုဝင်ဘာ ၇၊ ၂၀၁၇
M-Media

– မိမိကိုယ်ကိုယ်နှင့် မဟာမိတ်များကို ကာကွယ်ရန်အတွက် လိုအပ်လာပါက စစ်အင်အားကို အပြည့်အ၀ အသုံးပြုသွားမည်ဟု အမေရိကန်သမ္မတ ဒေါ်နယ်ထရမ့်က ယနေ့တွင် မြောက်ကိုရီးယားကို သတိပေးလိုက်သည်။

ဆိုးလ်မြို့သို့ ရောက်ရှိနေသည့် ထရမ့်က တောင်ကိုရီးယားသမ္မတ မွန်ဂျေအင်နှင့် ပြုလုပ်သော သတင်းစာရှင်းလင်းပွဲတွင် ထိုကဲ့သို့ ပြောကြားလိုက်ခြင်းဖြစ်ပြီး မြောက်ကိုရီးယား အာဏာရှင်က လူ့အသက်များအား ခြိမ်းခြောက်မှုကို တားဆီးရေးအတွက် လိုအပ်သည်များအားလုံးကို လုပ်ဆောင်ရင် ပြင်ဆင်ထားသည်ဟုလည်း ဆိုသည်။

ထရမ့်က မြောက်ကိုရီးယားနှင့် ညှိနှိုင်းဆွေးနွေးသွားမည်မဟုတ်ဟု ပြောကြားခဲ့ပြီး ပြုံးယမ်အနေဖြင့် မှန်မှန်ကန်ကန်လုပ်ဆောင်ရန် တိုက်တွန်းခဲ့သည်။

“ဘုရားသိကြား မ,လို့ အမေရိကန်ရဲ့ စစ်အင်အားကို အပြည့်အ၀သုံးရတာမျိုး မဖြစ်ပါစေနဲ့” ဟု ထရမ့်က ဆိုသည်။

ထရမ့်မှာ တောင်ကိုရီးယားရှိ အကြီးဆုံး အမေရိကန်စစ်အခြေစိုက်စခန်းကိုလည်း သွားရောက်ခဲ့သည်။

တောင်ကိုရီးယားသမ္မတနှင့် ထရမ့်တို့၏ တွေ့ဆုံမှုအတွင်း နှစ်နိုင်ငံ ကုန်သွယ်ရေးကိစ္စကို ခေတ်စနစ်နှင့်အညီ ပြန်လည်ညှိနှိုင်းရန်လည်း ဆွေးနွေးခဲ့သည်။

အာရှသို့ ၁၂ ရက်ကြာခရီးစဉ်အဖြစ် ရောက်ရှိနေသည့် ထရမ့်မှာ ဂျပန်နိုင်ငံသို့ သွားရောက်ပြီးနောက် ယနေ့တွင် တောင်ကိုရီးယားသို့ ရောက်ရှိလာခြင်းဖြစ်သည်။

Ref: CNA