TPP ကုန်သွယ်ရေးသဘောတူညီချက် အမေရိကန်မပါဘဲ ရှေ့ဆက်

နိုဝင်ဘာ ၁၂၊ ၂၀၁၇
M-Media

– Trans Pacific Partnership (TPP) အဖွဲ့ဝင်နိုင်ငံများမှာ ကုန်သွယ်မှုသဘောတူညီချက်၏ အဓိကကျအချက်များအပေါ် သဘောတူညီခဲ့ပြီး အမေရိကန်မပါဝင်သော်လည်း ရှေ့ဆက် ဆောင်ရွက်သွားမည်ဟု တာဝန်ရှိသူများက ယမန်နေ့တွင် ပြောကြားခဲ့သည်။

အမေရိကန်သမ္မတ ဒေါ်နယ်ထရမ့်က ‘အမေရိကန်သာ ပထမ’ မူဝါဒသည်သာ အမရိကန်ပြည်သူများ အလုပ်အကိုင်အခွင့်အလမ်းပိုမိုရမည်ဟု ယုံကြည်ကြောင်းပြောဆိုကာ TPP ကို စွန့်ပယ်ခဲ့ပြီးနောက် ပေါ်ထွက်လာသည့် ယခုသဘောတူညီချက်မှာ နိုင်ငံပေါင်းစုံ ကုန်သွယ်ရေးလုပ်ငန်းကို တိုးမြှင့်နိုင်ခဲ့ခြင်းဖြစ်သည်။

TPP ၏ အဓိကအချက်များအတွက် ဗီယက်နမ်နိုင်ငံ၌ ပြုလုပ်ခဲ့သည့် အာရှ ပစိဖိတ် စီးပွားရေးပူးပေါင်းဆောင်ရွက်မှု ထိပ်သီးအစည်းအဝေးတွင် အဖွဲ့ဝင်နိုင်ငံများက အကြိတ်အနယ် ဆွေးနွေးခဲ့ကြပြီး အသေးစိတ်အချက်များ ဆွေးနွေးရန် လိုအပ်သည့် အဆိုပါ သဘောတူညီချက်ကို CPTPP ဟု ခေါ်ဆိုသွားမည်ဖြစ်သည်။

ဂျပန်စီးပွားရေးဝန်ကြီး Toshimitsu Motegi က ထိုသဘောတူညီချက်ကို ရှေ့ဆက်ဆောင်ရွက်ပါက အမေရိကန်ကို ပြန်လည်ဆွဲခေါ်နိုင်မည်ဟု မျှော်လင့်ထားကြောင်း ပြောကြားခဲ့သည်။

Ref: CNA