ဇင်ဘာဘွေအာဏာရှင် မူဂါဘီကို စစ်တပ်က ထိန်းသိမ်း

နိုဝင်ဘာ ၁၅၊ ၂၀၁၇
M-Media

– အာဖရိကတိုက်ရှိ ဇင်ဘာဘွေနိုင်ငံမှ အာဏာရှင် ရောဘတ်မူဂါဘီကို စစ်တပ်က ထိန်းသိမ်းလိုက်သည်ဟု သိရသည်။

ဒေသစံတော်ချိန် ဗုဒ္ဓဟူးနေ့မနက်ပိုင်းက စစ်တပ်မှာ မြို့တော်ဟာရာရီရှိ နိုင်ငံပိုင်ရုပ်သံဌာန၊ အစိုးရအဆောက်အဦးများကို သိမ်းယူလိုက်ခြင်းဖြစ်ပြီး နိုင်ငံအတွင်း ယိုယွင်းလာသော လူမှုရေး၊ စီးပွားရေး အခြေအနေကို ထိန်းသိမ်းရန်အတွက်ဖြစ်သည်ဟု စစ်တပ်ပြောရေးဆိုခွင့်ရှိသူ ဗိုလ်ချုပ် အက်စ်ဘီ မိုယိုက ပြောကြား
ခဲ့သည်။

သို့သော်လည်း မိမိတို့မှာ အာဏာသိမ်းခြင်းမဟုတ်ဘဲ သမ္မတ ရောဘတ်မူဂါဘီနှင့် ၎င်း၏မိသားစုမှာ လုံခြုံပြီး ကောင်းမွန်စွာရှိနေကြောင်း၊ ၎င်းတို့၏ အန္တရာယ်ကင်းရေးကို အာမခံထားကြောင်း၊ ၎င်းပတ်ဝန်းကျင်ရှိ ရာဇ၀တ်ကောင်းများကို ပစ်မှတ်ထားခြင်းဖြစ်ကြောင်း ပြောကြားခဲ့သည်။

အသက် ၉၃ နှစ်အရွယ်ရှိ မူဂါဘီမှာ အာဖရိကတွင် သက်တမ်းအရင့်ဆုံး အာဏာရှင်ဖြစ်ပြီး ၁၉၈၀ ပြည့်နှစ်ကတည်းက နိုင်ငံအား အုပ်စိုးခဲ့ခြင်းဖြစ်သည်။

မိုယိုက စစ်တပ်၏ ရည်ရွယ်ချက် အောင်မြင်ကာ နိုင်ငံမှာ ပုံမှန်အတိုင်း ပြန်ဖြစ်လာပြီဖြစ်ကြောင်း၊ ပြည်သူများအနေဖြင့် စိုးရိမ်စရာမလိုကြောင်း တိုက်တွန်းခဲ့သည်။

မြို့တော် ဟာရာရီရှိ အရပ်သားများဒေသတွင် စစ်သားများ ကင်းလှည့်စောင့်ကြည့်နေကြပြီး ပြည်သူများမှာလည်း စိုးရိမ်မှုများ ရှိနေကြသည်။

Ref: Aljazeera