အစိမ်းရောင်ဗလီစီမံကိန်းကို အင်ဒိုနီးရှား စတင်မည်

နိုဝင်ဘာ ၁၆၊ ၂၀၁၇
M-Media

ဂျကာတာမှာ အစ္စတစ်ကယ် ဗလီကြီး

– ၂၀၂၀ ခုနှစ်အရောက်မှာ သဘာပတ်ဝန်းကျင်နဲ့ သင့်လျော်မယ့် ဗလီဝတ်ကျောင်းတော်ပေါင်း ၁၀၀၀ အထိရှိရေး စီမံကိန်းကို ကမ္ဘာ့အစ္စလာမ်ဘာသာဝင်အများဆုံးရှိရာ အင်ဒိုနီးရှားနိုင်ငံက ထုတ်ပြန်လိုက်ပါတယ်။

ဒုတိယသမ္မတ ဂျူဆွဖ် ကယ်လာက အခုတစ်ပတ်အတွင်းမှာ စီမံကိန်းကို ကြေငြာလိုက်တာဖြစ်ပြီး ဗလီဝတ်ကျောင်းတော်တွေမှာ ပြည့်ဖြိုးမြဲစွမ်းအင်တွေ အသုံးပြုနိုင်ဖို့၊ ရေနဲ့ အစားအသောက်တွေအတွက် လျှော့ချရေး၊ ပြန်လည်အသုံးချရေး နည်းလမ်းတွေအသုံးပြုဖို့၊ သဘာပတ်ဝန်းကျင်ဆိုင်ရာ အသိပညာပေး အစီအစဉ်တွေ
ဆောင်ရွက်ဖို့ ပြုလုပ်သွားမှာဖြစ်ပါတယ်။

စီမံကိန်းကို ဘာသာရေးအဖွဲ့ အင်ဒိုနီးရှားအိုလမာကောင်စီ (MUI) က ဦးစီးမှာဖြစ်ပြီး အစိုးရရဲ့ ကျန်းမာရေးနဲ့ စီမံကိန်း ၀န်ကြီးဌာန၊ တက္ကသိုလ်တွေ၊ အခြားဘာသာရေးအဖွဲ့တွေက ပူးပေါင်းဆောင်ရွက်မှာ ဖြစ်ပါတယ်။

လူဦးရေ သန်းပေါင်း ၂၅၀ လောက်ရှိတဲ့ အင်ဒိုနီးရှားဟာ သဘာဝပတ်ဝန်းကျင်ဆိုင်ရာမှတ်တမ်းမှာ အကောင်းရော အဆိုးပါ ရောပြွမ်းနေပါတယ်။

ကမ္ဘာ့ထိပ်တန်း ကျောက်မီးသွေးတင်ပို့တဲ့နိုင်ငံဖြစ်သလို ဆီအုန်းထုတ်လုပ်တဲ့နိုင်ငံလည်းဖြစ်ပါတယ်။ ဒီလုပ်ငန်းတွေကြောင့် နိုင်ငံတစ်ဝှမ်းက သစ်တောတွေ ပြုန်းတီးရပြီး ဒါတွေကို လျှော့ချဖို့အတွက် နိုင်ငံတကာရဲ့ ဖိအားပေးမှုကို ခံနေရပါတယ်။

ဗလီဝတ်ကျောင်းတော်တွေကို သဘာပတ်ဝန်းကျင်နဲ့ လျော်ညီတဲ့နေရာ ဖြစ်လာရေး အခုစီမံကိန်းမှာ ဗလီဆရာတွေဟာ ၀တ်ပြုသူတွေကို သဘာဝပတ်ဝန်းကျင် ထိန်းသိမ်းစောင့်ရှောက်မှုဆိုင်ရာ တရားတွေလည်း ဟောကြားမှာ ဖြစ်ပါတယ်။

အင်ဒိုနီးရှား အိုလမာကောင်စီရဲ့ သဘာဝပတ်ဝန်းကျင် ထိန်းသိမ်းစောင့်ရှောက်ရေး ဆောင်ရွက်မှုမှာ အခုစီမံကိန်းက ပထမဆုံးအကြိမ် မဟုတ်ပါဘူး။ အရင်ကလည်း တောမီးရှို့တာ၊ သတ္တုတွင်းတူးတာနဲ့ပတ်သက်ပြီး အလွန်အကျွံမဆောင်ရွက်ဖို့ ဓမ္မသတ်ထုတ်ပြန် တားမြစ်ခဲ့တာတွေ ရှိပါတယ်။

နိုင်ငံတစ်ဝှမ်းမှာ ဗလီဝတ်ကျောင်းတော်ပေါင်း ၈ သိန်းလောက်ရှိပြီး ရှေ့ပြေးအနေနဲ့ ၁၀၀၀ လောက်ကို သဘာဝပတ်ဝန်းကျင်နဲ့ လျော်ညီအောင်ဆောင်ရွက်ပြီးရင် နောက်ထပ်ဗလီတွေလည်း ဒီလို ဆောင်ရွက်မှာ ဖြစ်ပါတယ်။

ကမ္ဘာတစ်ဝှမ်း ဗလီဝတ်ကျောင်းတော်တွေကို သဘာဝတ်ပတ်ဝန်းကျင်နဲ့ လျော်ညီအောင် ပြောင်းလဲရာမှာ ဒီလောက် အရေအတွက်များများဆောင်ရွက်မှုဟာ ပထမဆုံးပါ။

၂၀၁၄ ခုနှစ် ဒူဘိုင်းမှာဆောက်လုပ်ခဲ့တဲ့ ဗလီဝတ်ကျောင်းတော်တစ်လုံးဟာ အမေရိကန် Green Building Council ရဲ့ သဘာဝပတ်ဝန်းကျင်ထိန်းသိမ်းရေးစံတွေနဲ့ ကိုက်ညီကြောင်း အသိအမှတ်ပြု ခံခဲ့ရပါတယ်။ ဗြိတိန်၊ အမေရိကန်၊ မော်ရိုကိုနဲ့ မလေးရှားတို့က ဗလီဝတ်ကျာင်းတော်တွေဟာလည်း ဒီလို စီမံကိန်းမျိုးတွေကို
ဆောင်ရွက်လာခဲ့ပါတယ်။

Ref: Reuters